គ្រឿង​ស្រវឹង មាន​អនុភាព​បង្កើន​ភាពក្លាហាន​ខុស​ទំនង​ដល់​បុរស​ទំនើង បង្កជម្លោះ​ទោះ​ដឹង​ខុស​ក៏ដោយ​

, , Leave a comment

​រាជធានី​ភ្នំពេញ ៖ គ្រឿង​ស្រវឹង​បានធ្វើ​ឲ្យ​បុរស​ម្នាក់ មានចិត្ត​ក្លាហាន​ខុស​ទំនង គ្មាន​សីលធម៌​ក្នុង បំពាន​ទាំង​ដឹងខ្លួន​ខុស ខណៈដែល​ជិះ​រថយន្ត​ជ្រុល​ទៅបុក​គូទ​រថយន្ត​គេ ថែមទាំង​បង្ក​ជា​ជម្លោះ​ថែម​ទៀតផង ។ ហេតុការណ៍​នេះ​បាន​កើតឡើង​កាលពី​វេលា​ម៉ោង​១០​និង​៥០​នាទី​យប់ ថ្ងៃទី​១៥ ខែមករា ឆ្នាំ​២០១៤ នៅ​ចំណុច​មុខ​ផ្សារ​ឃ្លាំង​រំសេវ តាម​បណ្ដោយ​មហាវិថី​ម៉ៅ​សេទុង ស្ថិតក្នុង​សង្កាត់​ផ្សារ​ដើម​គរ ខណ្ឌទួលគោក រាជធានី​ភ្នំពេញ ។

 

​ប្រភពព័ត៌មាន​ពី​កន្លែងកើតហេតុ​បាន​ឲ្យ​ដឹងថា នៅមុន​ពេល​កើតហេតុ​រថយន្ត​កាមរី​ស៊េរី​ចាស់​មួយគ្រឿង​ពាក់​ស្លាក​លេខ​ព្រះសីហនុ 2A-3973  បើកបរ​ដោយ​បុរស​ម្នាក់ និង​អ្នករួមដំណើរ ម្នាក់ទៀត បានធ្វើ​ដំណើរ​តាម​បណ្ដោយ​មហាវិថី​ម៉ៅ​សេទុង ក្នុង​ល្បឿន​ហើយ​រេ​ពេញ​ផ្លូវ មកដល់​ចំណុចកើតហេតុ​បាន​ជ្រុល​ទៅបុក​ពីក្រោយ​រថយន្ត​លុច​ស៊ី​ស ពណ៌​ទឹកប្រាក់ ពាក់​ស្លាក​លេខ ភ្នំពេញ 2W-2068 ដែល​កំពុង​បើកបរ​ស្រប​បណ្ដាល​ឲ្យ​រថយន្ត​លុច​ស៊ី​ស​ខ្ទេច​គូទ​មួយ​ចំហៀង​ផ្នែក​ខាងស្ដាំ ហើយ​រថយន្ត​កាមរី ក៏​ព្យាយាម​ធ្វើដំណើរ​ទៅមុខ​តែ​ទៅ​មិន​រួច ព្រោះ​ដាច់​កាឡេ​ខាងមុខ ។​

 

​បន្ទាប់ពី​កើតហេតុ​ម្ចាស់​រថយន្ត​កាមរី បាន​ចុះ​ពី​រថយន្ត​ក្នុងស្ថានភាព​ស្រវឹងស្រា​ជោកជាំ ហើយ​បាន​និយាយ​ចោទ ប្រកាន់​ថា ភាគី​រថយន្ត​លុច​ស៊ី​ស​ជា​អ្នក​ខុស បើក​មក​ពាំង​រថយន្ត​របស់ខ្លួន ។ ការនិយាយ​ដោះស្រាយ​គ្នា​រយៈពេល​ជាង​មួយ​ម៉ោង ទើប​ភាគី​រថយន្ត​កាមរី​ព្រម​សង​ជា​ទឹកប្រាក់​២០​ដុល្លារ ទៅ​ភាគី​រថយន្ត​លុច​ស៊ី​ស ប៉ុន្តែ​នៅតែ​មិនត្រូវ​គ្នា​។ ដោយ​ភាពមិន​ព្រម​ទទួលខុសត្រូវ សមត្ថកិច្ច​យក​រថយន្ត​ទាំង​២​គ្រឿង​ទៅ​រក្សាទុក​នៅ​អធិការនគរបាល​ខណ្ឌ​ទួលគោក ដើម្បី​ដោះស្រាយ​តាម​នីតិវិធី ៕

16-1-2014

 

Leave a Reply

(*) Required, Your email will not be published