ជនជាតិ​ឡាវ​ពីរ​នាក់​ប្តី​ប្រពន្ធ ត្រូវបាន​សមត្ថកិច្ច​ខេត្តស្ទឹងត្រែង​ចាប់ខ្លួន ពាក់ព័ន្ធ​ករណី​ជួញដូរ​គ្រឿងញៀន​ឆ្លងដែន​ជិត​១​គីឡូក្រាម ចូលមក​កម្ពុជា​

, , Leave a comment

​ខេត្តស្ទឹងត្រែង ៖ ជនជាតិ​ឡាវ​២​នាក់​ប្តី​ប្រព​ន្ធ​​ត្រូវ​បា​ន​​កម្លាំង​​​ន​គរ​បា​ល​​ប្រឆាំ​ង​​គ្រឿង​ញៀន​​នៃ​​ស្នង​កា​រដ្ឋាន​​​ន​គរ​បា​ល​​​ខេត្តស្ទឹង​ត្រែង​​ធ្វើការ​ចាប់​ឃាត់ខ្លួន ពាក់ព័ន្ធ​ករណី ដែល​បាន​លួច​ដឹក​ជ​ញ្ជូ​ន​គ្រឿងញៀន ចូលមក​ប្រទេស​កម្ពុជា​តាម​ច្រកទ្វារ​អន្តរជាតិ​ត្រពាំង​គ្រៀល​ខ្មែរ​-​ឡាវ ។ ការឃាត់ខ្លួន​នេះ​ធ្វើ​កាលពី​វេលា​ម៉ោង​១០​និង​៥០​នាទី​ព្រឹក​ថ្ងៃទី​១៤ ខែមករា ឆ្នាំ​២០១៤ ស្ថិតក្នុង​ភូមិ​ណា​អូ​ង ឃុំ​ស្រែ​សម្បូរ ស្រុក​សៀម​ប៉ាង ខេត្តស្ទឹងត្រែង​។

 

​ប្រភពពី​សមត្ថកិច្ច​បា​ន​ឲ្យ​ដឹងថា ជនជាតិ​ឡាវ​ដែល​ចាប់​ឃាត់ខ្លួន​មានឈ្មោះ ខាំ ផែង​ណ​យ ភេទ​ប្រុស អាយុ​៣៥​ឆ្នាំ និង​ប្រពន្ធ​ឈ្មោះ សៃ ញ៉ា​សេត អាយុ​៣១​ឆ្នាំ មានមុខរ​បរជាកសិក​រ និង​មាន​ទីលំនៅ​ភូមិ​ណា​ម៉ាក​ង៉ូ ស្រុក​ស៊ុយ​ឃូ​ម៉ា ខេត្ត​ចំប៉ា​សាក់ ប្រទេស​ឡាវ ។ ដោយមាន​ការសង្ស័យ និង​តាមដាន​សមត្ថកិច្ច​បាន​ឃាត់ខ្លួន និង​ធ្វើការ​ឆែកឆេរ​ប្រទះឃើញ គ្រឿងញៀន ទម្ងន់ ៩៥៣.២​ក្រាម​។​

 

​ជនសង្ស័យ​ទាំង​២​នាក់​សារភាព​ចំពោះមុខ​សមត្ថកិច្ច​ថា ខ្លួន​បាន​នាំ​គ្រឿងញៀន​ឆ្លងដែន​ពី​ភូមិ​របស់គេ​ក្នុង​ទឹកដី​ឡាវ​ដើម្បី ចែកចាយ​ឲ្យ​មនុស្ស​ម្នាក់ទៀត តែ​មិនទាន់បាន​ធ្វើការ​ចែកចាយ​ផង ក៏ត្រូវ​សមត្ថកិច្ច​ចាប់ខ្លួន​តែម្តង​។​

 

​បច្ចុប្បន្ន​ជនសង្ស័យ​ទាំង​២​នាក់​ប្តី​ប្រពន្ធ រួម​នឹង​ម៉ូតូ​មួយគ្រឿង គ្រឿងញៀន​ប្រភេទ​មេ​តំ​ហ្វេ​តា​មីន (​អាយ​) ទម្ងន់ ៩៥៣.២​ក្រាម ត្រូវ​កម្លាំង​ជំនាញ​រៀបចំ​កសាង​សំណុំរឿង​បញ្ជូនទៅ​តុលាការ ដើម្បី​ចាត់វិធានការ​តាម​នីតិវិធី​៕

15-1-2014 (1) 15-1-2014

 

Leave a Reply

(*) Required, Your email will not be published