ស្ត្រី​ម្នាក់​ដេក​សន្លប់​ស្តូក ក្នុង​សភាព​របួស​បែកក្បាល និង​ផ្ទៃមុខ ខណៈ​មាន​ជម្លោះ​ពាក្យសម្តី​ជាមួយ​បុរស​ជា​សង្សារ​

, , Leave a comment

​រាជធានី​ភ្នំពេញ ៖ នារី​ម្នាក់​បាន​រងរបួស​បែក​មុខ​បែក​មាត់​សន្លប់​ស្តូកស្តឹង​នៅ​តា​ផ្លូវ ខណៈដែល​កើតមាន​ទំនាស់​ពាក្យសម្តី​គ្នា​ជាមួយ​បុរស​ជា​សង្សារ​។ ហេតុការណ៍​នេះ​កើតឡើង​កាលពី​ម៉ោង​១១​យប់ ថ្ងៃទី​១៤ ខែមករា ឆ្នាំ​២០១៤​នៅតាម​ផ្លូវ​សុធារស ក្នុង​សង្កាត់​ទន្លេបាសាក់ ខណ្ឌចំការមន ។​

 

​ប្រភពព័ត៌មាន​នៅ​កន្លែងកើតហេតុ​បាន​ឲ្យ​ដឹងថា មុនពេល​កើតហេតុ នារី​រងគ្រោះ​ឈ្មោះ ពៅ អាយុ​ជាង ២០​ឆ្នាំ មុខរបរ​លក់​បន្លែ​នៅ​ផ្សារ​ដើម​គ បាន​ជិះ​ម៉ូតូ​មួយគ្រឿង​ម៉ាក FZ ពណ៌​ខ្មៅ ជាមួយ​យុវជន​ម្នាក់​ឈ្មោះ ក្ដី អាយុ​ជាង ២០​ឆ្នាំ មុខរបរ​និស្សិត ស្នាក់នៅ​ម្តុំ​ទួលគោក ត្រូវជា​សង្សារ​នារី​រង​គ្រោះ​។ ពួកគេ​បាន​ជិះ​ម៉ូតូឌុប​គ្នា​ចូល​ទៅលេង​កម្សាន្ត​ក្នុង​មជ្ឈមណ្ឌល​កោះ​ពេជ្រ ហើយ​បានប្រកែក​គ្នា​ខ្លាំងៗ​តាម​ដងផ្លូវ បង្ក​ការភ្ញាក់ផ្អើល​តាំងពី​កោះ​ពេជ្រ រហូតដល់​ចំណុចកើតហេតុ​ខាងលើ ពួកគេ​បាន​ឈប់​ម៉ូតូ​ឈ្លោះ​គ្នា​បែកផ្សែង និង​ប្រតាយប្រតប់​គ្នា​យ៉ាងខ្លាំង ធ្វើ​ឲ្យ​យុវជន​ជា​សង្សារ​ផ្ទុះ​កំហឹង​វាយ​នារី​ជា​សង្សារ​របស់ខ្លួន​បណ្តា​ល​ឲ្យ​រងរបួស​បែកក្បាល និង​ផ្ទៃមុខ សន្លប់​ស្តូកស្តឹង ហើយ​យុវជន​បង្ក​បាន​ជិះ​ម៉ូតូ​គេចខ្លួនបាត់ ដោយ​ទុក​នារី​រងគ្រោះ​នៅ​នឹ​ង​កន្លែង​កើតហេតុ​។​

 

​ក្រោយ​កើតហេតុ សមត្ថកិច្ច​មូលដ្ឋាន​នៅ​កន្លែងកើតហេតុ​ហៅ​រថយន្ត​សាមុយ​មក​ដឹក​នារី​រងគ្រោះ​ទៅ​សង្គ្រោះបន្ទាន់​នៅ​មន្ទីរពេទ្យ​មិត្តភាព​ខ្មែរ​សូ​វៀត​៕

15-1-2014

 

Leave a Reply

(*) Required, Your email will not be published