លោក ស៊ូ​ថេប ដាក់​សម្ពាធ​រដ្ឋាភិបាល និង​គំរាម​ចាប់ខ្លួន​នាយករដ្ឋមន្ត្រី​ចាំផ្ទះ​ជា​ចំណាប់ខ្មាំង ខណៈដែល​លោកស្រី​ប្រកាន់​ជំហរ​ដដែល​

, , Leave a comment

​ប្រទេស​ថៃ ៖ ប្រភពពី​គេ​ទំព័រ ឆា​ណេ​ល​ញូ​អេ​ស៊ា បាន​រាយការណ៍​មក​ថា ក្រុមបាតុករ​តវ៉ា​ប្រឆាំង​រដ្ឋាភិបាល​ថៃ​ដែល​កំពុង​កាន់កាប់​កណ្តា​ល​ក្រុង​បាងកក​កាលពី​ថ្ងៃ​អង្គារ​បាន​គំរាម​ចាប់​នាយករដ្ឋមន្ត្រី​ជា​ចំណាប់ខ្មាំង និង​បិទ​រាល់​ការិយាល័យ​រដ្ឋ​ទាំងអស់ ក្នុង​បំណង​បង្ខំ​ឲ្យ​លោកស្រី យី​ង​ឡាក់ ចុះ​ចេញពី​តំណែង ព្រមទាំង​បាន​គំរាមថា នឹង​ចូលទៅ​ចាប់ខ្លួន​នាយករដ្ឋមន្ត្រី​ចាំផ្ទះ​លោកស្រី ។ នេះ​យោងតាម​ប្រសាសន៍​របស់​មេដឹកនាំ​បា​តុ​ករ​ដែលជា​អតីត​សមាជិកសភា​ខាង​គណបក្សប្រឆាំង គឺ​លោក ស៊ូ​ថេប ធឿ​ក​ស៊ូ​បាន កាលពី​ថ្ងៃ​អង្គារ​ម្សិលមិញ​។​

​ពួក​អ្នកប្រឆាំង​តវ៉ា ដែល​គាំទ្រ​ដោយ​ស្ថាប័ន​រាជានិយម​នៃ​ព្រះរាជាណាចក្រ​នេះ ចង់​ឲ្យ​នាយករដ្ឋមន្ត្រី​ចុះ​ចេញពី​តំណែង​ដើម្បី​បើកផ្លូវ​សម្រាប់​បង្កើត ក្រុមប្រឹក្សា​ប្រជាជន​ដែល​មិន​ឆ្លងកាត់​ការបោះឆ្នោត​មួយ​ដែល​នឹង​ត្រួត មើល​កំណែទម្រង់​ដើម្បី​ទប់ស្កាត់​ឧត្តមភាព​នយោបាយ​រប​ស់​ត្រកូល​ស៊ីណា​វ៉ាត​របស់​លោកស្រី ។​

 

​ទោះជា​យ៉ាងណា​ពួក​អ្នកគាំទ្រ​របស់លោក​ស្រី​និយាយថា​ការជួបជុំ​ទាមទារ​នេះ​ជាការ​គំរាម ដល់​លទ្ធិប្រជាធិបតេយ្យ​ដ៏​ផុយស្រួយ​របស់​ប្រទេស​និង​ចង់​ដោះស្រាយ​ជម្លោះ នេះ​តាមរយៈ​ការបោះឆ្នោត​ថ្ងៃ​២​កុម្ភៈ​ខាងមុខ​តែ​ក្រុមប្រឆាំង​មិន​ចូលរួម ក្នុងការ​បោះឆ្នោត​នេះ​និង​ព្យាយាម​បំផ្លាញ​វា ។​

 

​កាលពី​ថ្ងៃ​អង្គារ​ដដែល​នេះ លោកស្រី យី​ង​ឡាក់ ដែលជា​នាយករដ្ឋមន្ត្រី​ចាំផ្ទះ នៅតែ​ប្រកាន់​ជំហរ​ដដែល ដើម្បី​ពិភាក្សា​សំណើ​របស់​គណៈកម្មាធិកា​រ​រៀបចំ​ការបោះឆ្នោត​ស្តីពី​ការលើក​ពេល បោះឆ្នោត​ថ្ងៃ​២​កុម្ភៈ ។ ជាងនេះទៀត​សោត លោកស្រី​ដែល​ក៏​ជា​រដ្ឋមន្ត្រី​ការពារជាតិ​ចាំផ្ទះ បាន​និយាយថា ខ្ញុំ​នឹង​បន្ត​អនុវត្តន៍​ភារកិច្ច​រប​ស់​ខ្ញុំ​ជា​នាយករដ្ឋមន្ត្រី មិនមែន​ដោយសារ​ខ្ញុំ​ក្រាញ​ក្នុង​អំណាច​ទេ ឬ​ចង់​រក្សា​ស្ថិរភាព​នយោបាយ​ទេ តែ​ពីព្រោះ​វា​ជា​ភារកិច្ច​របស់ខ្ញុំ​ដើម្បី​ការពារ​លទ្ធិប្រជាធិបតេយ្យ​ដែលជា​របស់​ប្រជាជន ៕

thai_15-1-2014 thai_15-1-2014 (1) thai_15-1-2014 (2) thai_15-1-2014 (3)

 

 

Leave a Reply

(*) Required, Your email will not be published