ចេញពី​ផឹកស៊ី ប្រញាប់​ទៅផ្ទះ ជិះ​ម៉ូតូ​លឿន​ជែង​រ៉ឺម៉ក់​កង់​បី​មិន​ផុត បុក​របាំង​ថ្ម របួស​ដេកពេទ្យ​

, , Leave a comment

​រាជធានី​ភ្នំពេញ ៖ យ៉ាងហោចណាស់​បុរស​ម្នាក់​បាន​រងរបួស​ធ្ងន់ និង​ម្នាក់ទៀត​បាន​រងរបួស​ស្រាល ខណៈដែល​ព្យាយាម​វ៉ា​រ៉ឺម៉ក​កង់​បី​តែ​មិន​ផុត​ក៏​ជ្រុល​ទៅបុក​នឹង​របាំង​ថ្ម​ចែក​ទ្រូងផ្លូវ​យ៉ា់ង​ពេ​ញ​ទំហឹង ។ ហេតុការណ៍​គ្រោះថ្នាក់​ចរាចរណ៍​នេះ​បានកើត​ឡើង​ការ​ពី​វេលា​ម៉ោង​២​និង​១០​នាទី​យប់​ឈានចូល​ថ្ងៃទី​១៤ ខែមករា ឆ្នាំ​២០១៤ ត្រង់ចំណុច​កែង​វត្ត​មហាមន្ត្រី ស្ថិត​តាម​បណ្ដោយ​ផ្លូវ​ព្រះសីហនុ​កែង​នឹង​ផ្លូវ​១៦៣ ក្នុង​សង្កាត់​អូឡាំពិក​ខណ្ឌចំការមន រាជធានី​ភ្នំពេញ ។​

 

​ប្រព​ភ​ពី​កន្លែងកើតហេតុ​បាន​ឲ្យ​ដឹងថា មុនពេល​កើតហេតុ​គេ​ឃើញ​ជនរងគ្រោះ​ទាំងពី​បាន​ជិះ​ម៉ូតូ​ម៉ាក​សង់​១២៥​មួយគ្រឿង​ពណ៌​ខ្មៅ ពាក់​ស្លាក​លេខ​កណ្ដាល​1S-0463 បានធ្វើ​ដំណើរ​តាមផ្លូវ​ព្រះសីហនុ​ក្នុងទិសដៅ​ពី​លិចទៅ​កើត​ក្នុង​ល្បឿន​យ៉ាង​លឿន ហើយ​ព្យាយាម​បើក​វ៉ា​ម៉ូតូ​កង់​៣​មួយគ្រឿង​ នៅខាងមុខ​តែ​មិន​ផុត​ក៏​ជ្រុល​ទៅបុក​របាំង​ថ្ម​ចែក​ទ្រូងផ្លូវ​បណ្ដាល​ឲ្យ​អ្នកបើក​ម៉ូតូ​បា​ក់​ជើ​ង​ខាងឆ្វេង​រងរបួស​ធ្ងន់​ហើយ​ចំណែក​អ្នករួមដំណើរ​ម្នាក់ទៀត​គ្រាន់តែ​រងរបួស​រលាត់​ដៃ​រលាត់​ជើង​តែប៉ុណ្ណោះ​។​

 

​ក្រោយពី​កើតហេតុ​រថយន្ត​សាមុយ​បានមក​ដឹក​ជនរងគ្រោះ​ទៅ​មន្ទីរពេទ្យ​ឯកជន​ភ្លាមៗ ហើយ​ចំណែក​ម៉ូតូ​ខាងលើ​ត្រូវបាន​សមត្ថកិច្ច​យកទៅ​រក្សាទុក​នៅ​អធិការដ្ឋាន​ខណ្ឌចំការមន​រង់ចាំ​ប​ង​ប្អូ​ន​​មក​ទទួលយក​វិញ​៕

14-1-2014

 

Leave a Reply

(*) Required, Your email will not be published