សម្ដេច​តេ​ជោ ហ៊ុន សែន និង​នាយករដ្ឋមន្ដ្រី​វៀតណាម​លោក ង្វៀន តាន់​យ៉ុ​ន ក្នុង​ពិធី​សម្ពោធ​ដាក់​ឲ្យ​ដំណើរការ​មន្ទីរពេទ្យ​ជោ​រៃ​-​ភ្នំពេញ​

, , Leave a comment

​រាជធានី​ភ្នំពេញ ៖ នា​ព្រឹក​ថ្ងៃទី​១៣ ខែមករា ឆ្នាំ​២០១៣ នេះ សម្ដេច​តេ​ជោ ហ៊ុន សែន និង​នាយករដ្ឋមន្ដ្រី​វៀតណាម​លោក ង្វៀន តាន់​យ៉ុ​ន បាន​អញ្ជើញ​ជា​អធិបតីភាព ក្នុង​ពិធី​សម្ពោធដាក់​ឲ្យ​ដំណើរការ​មន្ទីរពេទ្យ​ជោ​រៃ​-​ភ្នំពេញ ដែលមាន​ទីតាំង​ស្ថិតនៅ​ខណ្ឌមានជ័យ រាជធានី​ភ្នំពេញ ។​

 

​យោងតាម​សេចក្ដីប្រកាស​ព័ត៌មាន​របស់​ក្រសួងការបរទេស​កម្ពុ​ជា បាន​ឲ្យ​ដឹងថា ក្នុង​ដំណើរ​ទស្សនកិច្ច​ជា​ផ្លូវរដ្ឋ​នៅ​កម្ពុជា​ចាប់ពី​ថ្ងៃទី​១២ ដល់​ថ្ងៃទី​១៤ ខែមករា ឆ្នាំ​២០១៤ របស់លោក​នាយករដ្ឋមន្ត្រី​វៀតណាម ង្វៀន តាន់​យ៉ុង នឹង​អញ្ជើញ​ចូលរួម​ក្នុង​កម្មវិធី​មួយចំនួន​រួមមាន​សន្និសីទ​លើក​ទី​៤ ស្តីពី​ការជំរុញ​វិនិយោគទុន​រវាង​កម្ពុជា​-​វៀតណាម ពិធី​សម្ពោធ​សាខា​មន្ទីរពេទ្យ​ជោ​រៃ នៅ​ភ្នំពេញ និង​ពិធី​បញ្ចុះបឋមសិលា​សាង​សង់ស្ពាន​ជ្រៃ​ធំ​-​ឡុង​ប៊ិ​ញ​។​

 

​អំឡុងពេល​ទស្សនកិច្ច​នៅ​កម្ពុជា លោក ង្វៀន តាន់​យ៉ុង នឹង​ចូល​បង្គំ​គាល់​ព្រះករុណា ព្រះមហាក្សត្រ សម្តេចព្រះ​បរមនាថ នរោត្តម សីហមុនី ជួប​សម្តែង​ការគួរសម​ជាមួយ​សម្តេច ជា ស៊ីម ប្រធានព្រឹទ្ធសភា និង​ជួបពិភាក្សា​ផ្លូវការ​ជាមួយ​សម្តេចនាយក​រដ្ឋមន្ត្រី ហ៊ុន សែន​។​

 

​ចំណែក នៅ​ថ្ងៃទី​១៤ ខែមករា លោកនាយក​រដ្ឋមន្ត្រី​វៀតណាម ង្វៀន តាន់​យ៉ុង និង​សម្តេចនាយក​រដ្ឋមន្ត្រី ហ៊ុន សែន នឹងចូលរួម​ជា​អធិបតីភាព ក្នុង​ពិធី​បញ្ចុះបឋមសិលា សាងសង់​ស្ពាន​ជ្រៃ​ធំ​-​ឡុង​ប៊ិ​ញ ក្នុង​ខេត្តកណ្តាល នៅ​ព្រំដែន​កម្ពុជា​-​វៀតណាម​៕

13-1-2014 13-1-2014 (1)

 

Leave a Reply

(*) Required, Your email will not be published