ការឃុបឃិត​ឲ្យ​រថយន្ត​ដឹក​លើស​ទំងន់​និង​បំប៉ោង​គម្រោង​ធ្វើ​ផ្លូវ​ជា​ចំណូល​របស់លោក គឹម ប៉ុណ្ណា ប្រធាន​មន្ទីរ​សាធារណការ​ខេត្តសៀមរាប​

, , Leave a comment

​ខេត្តសៀមរាប ៖ សកម្មភាព​ដឹកជញ្ជូនលើស​ទម្ងន់ បាន​នឹង​កំពុង​បំផ្លាញ​ផ្លូវ​ជាច្រើន​ខ្សែ ក្នុង​ខេត្តសៀមរាប​តែ​ផ្ទុយ​ទៅ​វី​ញ​ប្រធាន​មន្ទីរ​សាធារណការ​ខេត្ត សៀមរាប​លោក គឹម ប៊ុណ្ណា​បែ​ជា​មា​ន​​ជីវភាពធូ​ធា​ទៅ​វី​ញ មន្ត្រី​មួយចំនួន​ដែល​មិន​សប្បាយ​ចិត្តបាន​បង្ហើប​ឲ្យ​ដឹងថា ក្រោម​ការដឹកនាំ​របស់​លោក គឹម ប៊ុណ្ណា គឺ​អន់​ជាង សុខ ស៊ុន​លីម ឆ្ងាយ​ណាស់ ដែល​ទាមទារ​ឲ្យ​លោក ត្រាំ អ៊ីវ តឹក ជា​រដ្ឋមន្ត្រីក្រសួង​សាធារណការ និង​ដឹកជញ្ជូន​មេត្តា​ពិនិត្យមើលឡើងវិញ​ផង​។

 

​នៅក្នុង​ខេត្តសៀមរាប លោក គឹម ប៊ុណ្ណា បង្កើត​ស្ថានីយ៍​ជញ្ជីង ថ្លឹង​រថយន្ត​២​កន្លែង គឺ​ចំណុច​ទី​១ ស្ថិតនៅ​ភូមិ​គោក​ត្នោត ឃុំ​ក​ណ្តែ​ក ស្រុក​ប្រាសាទបាគង នៅតាម​បណ្តោយ​ផ្លូវជាតិ​លេខ​៦ ហើយ​ទី​២ នៅ​ចំណុច​ឃុំ​ល្វា នៃ​ស្រុក​ពួក គឺ​ជញ្ជីង​ថ្លឹង​រថយន្ត​ទាំង ២​កន្លែង​នេះ មាន​នៅតាម​ច្រកចេញចូល ខេត្តសៀមរាប ដើម្បី​ត្រួតពិនិត្យ​ការ ដឹកជញ្ជូន​លើស​ទម្ងន់​។ តែ​ផ្លូវ​គមនាគមន៍​ភាគច្រើន​ក្នុង​ខេត្តសៀមរាប​មាន​សភាព យ៉ាប់យ៉ឺន​ខ្លាំងជាងគេ ខូចខាត​ជាច្រើន​កន្លែង ពិបាក​ក្នុងការ​ធ្វើដំណើរ​។

 

​គេ​ឃើញ​មន្ទីរ​សាធារណការ​របស់លោក គឹម ប៊ុណ្ណា បាន​លើក​គម្រោង​សម្រាប់​ជួសជុល​ផ្លូវ ដូចជា​ការចាក់​បំពេញ សំបុកមាន់​ជាដើម គឺ​ធ្វើ​គ្រាន់តែ​ល្អមើល​ប៉ុណ្ណោះ ហើយ​មានការ​បំប៉ោង គម្រោង​យក​ថវិកាជាតិ ទៅ​ចែកគ្នា​ធ្វើ​មាន​ធ្វើបាន​ផ្ទាល់ខ្លួន​។ តែ​ផ្លូវ​នៅក្នុង​ទី​រួម​ខេត្ត ដូចជា​ផ្លូវ ៧​មករា ផ្លូវ​ចុង​កៅស៊ូ និង​ផ្លូវ​លោកតា​ណឺ​យ​ក៏​ខូចខាត ដោយសារ​រថយន្ត​ដឹកជញ្ជូន លើស​ទម្ងន់​បើកបរ​ឆ្លងកាត់ ទាំងយប់​ទាំង​ថ្ងៃ មិនដែល​មានការ​ហាម​ឃាត់​នោះទេ​។

 

​ជា​រៀងរាល់ថ្ងៃ​រថយន្ត​យី​ឌុប ដឹក​ថ្ម ខ្សាច់ ក្រួស របស់​ឈ្មួញ​ធំៗ បាន​បើកបរ​ឆ្លងកាត់​ចំណុច ជញ្ជីង​ថ្លឹង​រថយន្ត​របស់លោក គឹម ប៊ុណ្ណា រាប់រយ​គ្រឿង គេ​មិនដែល​ឃើញ​រថយន្ត​ទាំងនោះ ត្រូវបាន​ហាមឃាត់ ឬ​ផាកពិន័យ​នោះទេ ព្រោះថា​ថៅកែ​រថយន្ត ដឹក​លើស​ទម្ងន់​ទាំងនោះ មាន​ទំនាក់ទំនង​ល្អជា​មួយ​លោក គឹម ប៊ុណ្ណា ទើប​ឡាន ដឹក​ខ្សាច់​ក្រួស ថ្ម ទាំងនោះ​អាចធ្វើ​អ្វីៗ តាមតែ​អំពើ​ចិត្ត ទោះជា​ហូរ​ខ្សាច់ ធ្លាក់​ថ្ម​រាយប៉ាយ​ពេញ​ផ្លូវ ក៏​គេ​មិនដែល​ឃើញ មន្ត្រី​សាធារណការ​ទាំងនោះ ឈឺក្បាល​វិលមុខ​ម្តងណា​ឡើយ​។

 

​សម្រាប់​ឈ្មួញ​ថ្មីៗ ដែល​ទើប​ស្គាល់គ្នា ឬ​មិនសូវ​ស្គាល់ចិត្តស្គាល់ថ្លើម លោក គឹម ប៊ុណ្ណា ច្បាស់​ជា​ត្រូវ​ក្រុម​ជញ្ជីង​ថ្លឹង​រថយន្ត បង្កបញ្ហា​ចាប់​ផាកពិន័យ ជា​ប្រាក់​ចាប់ពី ២​លាន ដល់​៥ លាន​រៀល​ជាមិនខាន​។ ចំពោះ​ប្រជាពលរដ្ឋ​ដែល ដឹកជញ្ជូន​ផល​កសិកម្ម ឆ្លងកាត់​ជញ្ជីង​ថ្លឹង​រថយន្ត ដែល​ផ្ទុក​មិន​លើស​ទម្ងន់​ក៏ត្រូវ ជាប់​កាតព្វកិច្ច​ចូល​បង់លុយ ជូន​ក្រុម​ជញ្ជីង​ថ្លឹង​រថយន្ត​ផងដែរ គឺ​ចាប់ពី ២​ម៉ឺន​រៀល​ដល់​៥ ម៉ឺន​រៀល ដែល​គេ​អះអាងថា​ជា​សេវា​ថ្លៃ​បាយ បង្កើត​ឲ្យ​មានប្រតិកម្ម​តវ៉ា ធ្លាប់​ឈ្លោះប្រកែក​គ្នា ជា​ញឹកញាប់​ទៀតផង​។

25-11-2013

​ប៉ុន្តែ​សម្រាប់​រថយន្ត​ដឹកឈើ លើស​ទម្ងន់​របស់​ក្រុម​ឈ្មួញ​ជាច្រើន ជាពិសេស​ប្រភេទ​ឈើ​គ្រញូង និង​ឈើ​ប្រណីត គេ​សង្កេតឃើញ​មាន​អ្នក​រត់ការ យកលុយ​ទៅ​បង់​ឲ្យ​ក្រុម​ជញ្ជីង​ថ្លឹង​រថយន្ត ឬ​ជូនដំណឹង​ជាមុន ដើម្បី​កុំ​ឲ្យ​មាន​បញ្ហា ព្រោះ​ក្រុម​ជញ្ជីង​ថ្លឹង​រថយន្ត​របស់លោក គឹម ប៊ុណ្ណា បើ​ដឹងថា​មានការ​ដឹកជញ្ជូន​ឈើ​ខុសច្បាប់ គេ​កោសរូស​បង្ខំ​ឲ្យ​បង់ប្រាក់ ក្នុង​កម្រិត​ខ្ពស់ ៕

 

Leave a Reply

(*) Required, Your email will not be published