លោក អុក កែវ​រតនៈ អតីត​ជា​នាយករង​ខុ​ទ្ទ​កាល​យ័​សាលាខេត្ត​បន្ទាយមានជ័យ ត្រូវបាន​តុលាការ​ចោទប្រកាន់​ពីបទ​ក្លែងបន្លំ​លិខិត​សាធារណៈ​

, , Leave a comment

​ខេត្តបន្ទាយមានជ័យ ៖ ក្រោយ​កំណែទម្រង់​ស៊ីជម្រៅ​របស់​រាជរដ្ឋាភិបាល ដែល​ត្រូវ​ដុសក្អែល និង​ព្យាបាល​ដោយ​កាត់​សាច់​ដែលមាន​ដំបៅ​ម​ហា​រី​ក​​នោះលោក អុក កែវ​រតនៈ អតីត​ជា​នាយករង​ខុ​ទ្ទ​កាល​យ័​សាលាខេត្ត​បន្ទាយមានជ័យ ត្រូវបាន​តុលាការ​ចោទប្រកាន់​ពីបទ​ក្លែងបន្លំ​លិខិត​សា​ធា​រ​ណៈ ក្នុងសម័យ​ដែល​លោក​មានអំណាច​ជា​ជំនួយ​ផ្ទាល់​របស់លោក អ៊ុង អឿន ដែល​អតីត​អភិបាលខេត្ត​បន្ទាយមានជ័យ និង​បច្ចុប្បន្ន​ជា​ប្រធាន​គ​ណ​បក្ស​ប្រជាជន​កម្ពុជា​ខេត្តបន្ទាយមានជ័យ ។

 

ជាមួយនឹង​ការឃាត់ខ្លួន​លោក អុក កែវ​រតនៈ នៅមាន​ជន​ជាច្រើនរូប​ទៀត​ដែល​គេ​និយាយ​តៗ​គ្នា​ថា មាន​ចំនួន​៧​នាក់ ដែល​ឋិត​នៅក្នុង​បញ្ជីខ្មៅ​របស់​អង្គភាព​ប្រឆាំង​អំពើពុករលួយ ​ហើយ​កន្លងមក​អង្គភាព​ប្រឆាំង​អំពើពុករលួយ​បាន​កោះហៅ​ជន​ដែល​ជាប់​ពាក់ព័ន្ធ​អំពើពុករលួយ​នៅ ខេ​ត្ត​ប​ន្ទា​យមានជ័យ​ចំនួន​២​ដងដោយ​លើកចុងក្រោយ​នៅ​ចុងខែ​ធ្នូ ២០១៣ បាន​កោះហៅ​លោក អុក កែវ រតនៈ លោក ឃូ ពៅ អភិបាលស្រុក​ស្វាយ​ចេក លោក សោម សុ​ខេន ជា​អតីត​នាយក​ទីចាត់ការ​អន្តរ​វិស័យ​សាលាខេត្ត​បន្ទាយមានជ័យ ហើយ​កាល​រសៀល​ថ្ងៃទី​៩ និង​ថ្ងៃទី​១០ នេះ ខេ​ត្ត​ប​ន្ទា​យមានជ័យ​បាន​ល្បី​សុះសាយ​ថា អង្គភាព​ប្រឆាំង​អំពើពុករលួយ​ឃាត់ខ្លួន​មន្ត្រី​សាលាខេត្ត​២​នាក់ នៅក្នុង​នោះ​មាន​លោក អុក កែវ​រតនៈ លោក សោម សុ​ភេ​ន តែ​ប្រភព​ច្បាស់ការ គឺ​ឃាត់ និង​បញ្ជូន​ខ្លួន​លោក អុក​កែវ​រតនៈ តែប៉ុណ្ណោះ ។​

 

​គួរ​បញ្ជាក់ថា មន្ត្រី​សុរិយោដី​ចំនួន​៩​ខេត្ត នៃ​ប៉ែក​ពាយ័ព្យ​ត្រូវបាន​ប្រជុំ និង​ពង្រឹង​នៅ​ខេត្តបន្ទាយមានជ័យ​លើ​សេវាសាធារណៈ​ដែល​ក្នុងនោះ​កា​រ​ប្រ​ជុំ​ក៏​ផ្ដោតទៅលើ​មិន​ឲ្យ​យក​កម្រៃ​សេវាសាធារណៈ​ដែល​ខុសពី​ច្បាប់​ចែង​នាំ​ឲ្យ​ជាប់​ពាក់ព័ន្ធ និង​អំពើពុករលួយ​មិន​តែ​តែប៉ុណ្ណោះ អភិបាលខេត្ត​បន្ទាយមានជ័យ​ថ្មី​គ្រប់​កិច្ចប្រជុំ​ជាមួយនឹង​មន្ត្រីរាជការ កងកម្លាំងប្រដាប់អាវុធ តែង​ក្រើនរម្លឹក​ដល់​មន្ត្រី​ទាំងអស់​កុំ​ប្រព្រឹត្ត​អំពើពុករលួយ​ឬ​ប្រព្រឹត្ត អំពើ​ដែល​ប្រាសចាក​ពី​ច្បាប់​៕

10-1-201 4

 

Leave a Reply

(*) Required, Your email will not be published