លោក ហោ ណាំហុង ប្រតិកម្ម​នឹង​គណបក្សប្រឆាំង​

, , Leave a comment

​រាជធានី​ភ្នំពេញ​ ៖ ឆ្លើយតប​នឹង​គម្រោងការ​របស់​គណ​បក្សប្រឆាំង​ដែលមាន​គម្រោង​រៀបចំ​ប្តឹង​រដ្ឋាភិបាល​ទៅកាន់​តុលាការ​ព្រហ្មទណ្ឌ​អន្តរជាតិ​នៅ​ព្រឹក​នេះ​លោក ហោ ណាំហុង ឧប​នា​យ​ក​រដ្ឋមន្ត្រី​និង​ជា​រដ្ឋមន្ត្រីក្រសួង​ការបទេស​បាន​ប្រតិកម្ម​ថា "​ធម្មតា​ប៉ោងៗ ពេល​មាន​ខ្យល់​វា​ហោះ​ទៅ​។ តែ​អស់ខ្យល់​វា​នឹង​ធ្លាក់​មកវិញហើយ​មិនដឹង​ធ្លាក់​ទៅ​កន្លែង​កង្វក់​ស្មោគគ្រោក​ណា​ក៏​វា​អាច​ធ្លាក់ចុះ​ដែរ​"​។​

 

​លោក ហោ ណាំហុង បានបញ្ជាក់​បន្ថែមថា "​ផ្លែឈើ​តែ​វា​ទុំ វា​ជ្រុះ​ហើយ​។ មតិ​ទូទៅ​ទូទាំងប្រទេស​សព្វថ្ងៃ គេ​មានការ​អបអរសាទរ​ណាស់ ចំពោះ​ការសម្រេច​របស់​រាជរ​ដ្ឋា​ភិ​បាល ដើម្បី​ផ្អាក​កា​រធ្វើ​បាតុកម្មហិង្សា​នេះ​។ ជុំវិញ​បាតុកម្ម​នេះ​រដ្ឋាភិបាល​ក​ម្ពុ​ជាមាន​ការអត់ធ្មត់​ខ្លាំងណាស់ តែ​បាតុកម្ម​របស់​គណបក្ស​ប្រឆាំង​គឺ ល្មើសច្បាប់ និង ការសន្យា​របស់ខ្លួន  ពោលគឺ​គេ​ថា បាតុ​កម្ម​អ​ហិង្សា ប៉ុន្តែ​ចុងក្រោយ​នេះ វា​ចេញ​ទៅជា​បាតុកម្មហិង្សា​។​

 

​អត្ថាធិប្បាយ​របស់​ប្រមុខ​ការទូត​កម្ពុជា​ខាងលើនេះ​បានធ្វើ​ឡើង​ភ្លាមៗ បន្ទាប់ពី​គណបក្ស​សង្គ្រោះ​ជាតិ តាមរយៈ​លោក សម រង្ស៊ី និង​លោក កឹម សុខា បានប្រកាស​ពី​ការរៀបចំ ក្រុម​អ្នក​ច្បាប់​​អន្តរជាតិ ដើម្បី​សិក្សា​ស្រាវជ្រាវ លើ​ព្រឹត្តិការណ៍​ប៉ះទង្គិច រវាង​ក្រុមកម្មករ និង​ក្រុមប៉ូលិស ប៉េអឹម នៅមុខ​សួន​ឧស្សាហកម្ម កាណាឌីយ៉ា នៅ​ផ្លូវ​វេ​ង​ស្រេង កាលពី​ថ្ងៃទី​៣ ខែមករា ឆ្នាំ​២០១៤ ដែល​នាំ​ឲ្យ​កម្មករ យ៉ាងហោចណាស់ ៤ នាក់ បាន​ស្លាប់ និង​មិនតិចជាង ២០ នាក់ រងរបួស ដោយសារតែ​គ្រាប់កាំភ្លើង​៕

8-1-2014

 

Leave a Reply

(*) Required, Your email will not be published