របួសធ្ងន់​ម្នាក់ ស្រាល​ម្នាក់ ក្នុង​ហេតុការណ៍​គ្រោះថ្នាក់​ចរាចរណ៍​រវាង​រថយន្ត និង​ម៉ូតូ​

, , Leave a comment

​ខេត្តកំពង់ឆ្នាំង ៖ ហេតុការណ៍​គ្រោះថ្នាក់​ចរាចរណ៍ បណ្តាល​ឲ្យ​យុវជន​ម្នាក់​រងរបួស​ធ្ងន់ និង​ម្នាក់ទៀត​រងរបួស​ស្រាល ខណៈដែល​ត្រូវ​រថយន្ត​មួយគ្រឿង​បើក​បុក ។ ហេតុការណ៍​គ្រោះថ្នាក់​ចរាចរណ៍​នេះ​បាន​កើតឡើង​កាលពី​វេលា​ម៉ោង​៤​រសៀល ថ្ងៃទី​៧ ខែមករា ឆ្នាំ​២០១៣ ស្ថិតនៅ​ភូមិ​ទួល​ក្រឡាញ់ សង្កាត់​កំពង់ឆ្នាំង ក្រុង​កំពង់ឆ្នាំង ខេត្តកំពង់ឆ្នាំង​។

 

​ជនរងគ្រោះ​ដែល​របួសធ្ងន់​នេះ​មានឈ្មោះ សាន សុវណ្ណ​ពិសី អាយុ​២៨​ឆ្នាំ រស់នៅ​សង្កាត់​ផ្សារឆ្នាំង ក្រុង​កំពង់ឆ្នាំង ។ ចំណែក​អ្នកបើកបរ​រថយន្ត​បង្ក​មិន​ត្រូវបាន​គេ​ប្រាប់​ឈ្មោះ​នោះទេ គ្រា​ន់​តែ​ដឹងថា​ជា​របស់​ម្ចាស់​ហាង​ខារ៉ាអូខេ​៩៨ និង សណ្ឋាគារ​សាន់​ដេ ។​

 

​ប្រភពពី​ប្រជាពលរដ្ឋ​បាន​ឲ្យ​ដឹងថា មុនពេល​កើតហេតុ​គេ​ឃើញ​មាន​រថយន្ត​ISUZU​ពណ៌​ខ្មៅ​មួយគ្រឿង ពាក់​ស្លាក​លេខ​ភ្នំពេញ 2S-9317 ដែល​បើកបរ​ដោយ​ស្ត្រី​ម្នាក់​ដែ​គេ​ស្គាល់​ថា ជា​ថៅ​កែ​​ហាង​ខារ៉ាអូខេ​៩៨ និង សណ្ឋាគារ​សាន់​ដេ​បើក​ឆ្លងផ្លូវ​ក្នុងទិសដៅ​ពី​កើ​តទៅ​លិច ពេលមកដល់​ចំណុចកើតហេតុ​ក៏​ជ្រុល​ទៅបុក​ជាមួយ​ម៉ូតូ​ម៉ាក​ហុងដា​សេ ១២៥ ពណ៌​ខ្មៅ ពាក់​ស្លាក​លេ​ខ​​កំពង់ឆ្នាំង 1D-0768 បណ្តាល​ឲ្យ​រថយន្ត​កិន​ពីលើ​ម៉ូតូ ហើយ​យុវជន​ពីរ​នាក់​ដែល​ជិះ​នៅលើ​ម៉ូតូ​បាន​ប៉ើង​ខ្ទាត​បោក​ក្បាល​ទៅនឹង​ផ្លូវ​សន្លប់​ស្តូកស្តឹង និង​ម្នាក់ទៀត​រងរបួស​ស្រាល ។​

 

​ក្រោយ​កើតហេតុ​សមត្ថកិច្ច​បាន​ចុះ​ទៅដល់​កន្លែងកើតហេតុ​ភ្លាមៗ ភាគី​ទាំងសងខាង​បាន​សម្រុះសម្រួល​គ្នា​រួច​ហើយដោយ​ចេញថ្លៃ​សំណង​ខូ​ត​ខាត និង​ព្យាបាល ៕

8-1-204

 

Leave a Reply

(*) Required, Your email will not be published