សម្តេច ជា ស៊ីម សម្តេច ហេង សំរិន និងសម្តេច ហ៊ុន សែន អញ្ជើញ​ចូលរួម​រំលឹក​ខួប​អនុស្សាវរីយ៍​ឆ្នាំ​ទី​៣៥ ថ្ងៃ​៧​មករា​

, , Leave a comment

​រាជធានី​ភ្នំពេញ ៖ នៅ​ព្រឹក​ថ្ងៃទី​៧ ខែមករា ខួប​អនុស្សាវរីយ៍​ឆ្នាំ​ទី​៣៥ នៃ​ទិវា​ជ័យជម្នះ​៧​មករា បាន​ប្រារព្ធ​ឡើង​នៅ​កោះ​ពេជ្រ​ដោយមាន​ប្រជាជន មហាជន​ចូលរួម​ប្រមាណ​៣​ម៉ឺន​នាក់ ។ពិធី​នេះ​ប្រព្រឹត្តិ​ទៅ​ក្រោម​អធិបតីភាព​សម្ដេច​ធម្ម​ពោធិ​សាល​ជាស៊ីម​ប្រធាន​គណបក្ស​ប្រជាជន​កម្ពុជា ប្រធានព្រឹទ្ធសភា​, សម្ដេច ហេង សំរិន ប្រធានកិត្តិយស​គណបក្ស​ប្រជាជន​កម្ពុជា​ប្រធានរដ្ឋសភា និង​សម្ដេច​តេ​ជោ ហ៊ុន សែន អនុប្រធាន​គណបក្ស​ប្រជាជន​កម្ពុជា នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​។​

 

​នៅក្នុង​ឱកាស​នោះ​សម្ដេច​អគ្គ​មហា​ពញា​ចក្រី ហេង សំរិន បាន​ថ្លែង​សន្ទរកថា​ដោយមាន​អត្ថន័យ​ថា ថ្ងៃនេះ ជា​ទិវា​ដ៏​មហា​នក្ខត្តឫក្ស​ដែល​ប្រជាជន​កម្ពុជា​នៅ​ទូទាំងប្រទេស​កំពុង ចូលរួម​អបអរសាទរ​យ៉ាង​ក្លៀវក្លា​ខួប​អនុស្សាវរីយ៍​លើក​ទី​៣៥ នៃ​ទិវា​ជ័យជម្នះ​ជា​ប្រវត្តិសាស្ត្រ​នា​ថ្ងៃ​៧ មករា ឆ្នាំ​១៩៧៩ ដែល​បាន​ផ្តួលរំលំ​របប​ប្រល័យពូជសាសន៍ ប៉ុល ពត សង្គ្រោះ​ប្រជាជាតិ​ខ្មែ​រ​​ឲ្យ​នៅ​រស់រានមានជីវិត​បា​ន​ទាន់ពេលវេលា ហើយ​បាន​ស្ថិតស្ថេរ និង​រីកចម្រើន​រហូតមកដល់​ថ្ងៃនេះ​។ ទោះបីជា​រយៈពេល​៣៥​ឆ្នាំ បាន​កន្លងផុត​ទៅហើយ​ក្តី ក៏​ព្រឹត្តិការណ៍​ជា​ប្រវត្តិសាស្ត្រ​នេះ នៅតែមាន​អត្ថន័យ​សំខាន់​យ៉ាង​ធំធេង​សម្រាប់​ប្រជាជាតិ​ខ្មែរ​គ្រប់​ជំនាន់ តរៀង​ទៅ ក៏​ដូច​មនុស្សជាតិ​ដែល​ស្នេហា​សន្តិភាព និង​យុត្តិធម៌​ទាំងអស់​លើ​ពិភពលោក​។​

 

​សម្ដេច​ពញា​ចក្រី​ ហេង សំរិន ថ្លែង​ទៀតថា យើង​ជួបជុំគ្នា​ដើម្បី​រំឭក​នូវ​ទិវា​នៃ​ជ័យជម្នះ​នេះ ក្នុង​ស្មារតី​គោរព​ដឹងគុណ​ដ៏​ជ្រាលជ្រៅ​បំផុត​ចំពោះ​វីរ​យុទ្ធជន យុទ្ធ​នារី និង​អ្នកស្នេហាជាតិ​ដ៏​ច្រើ​ន​​ឥត​គណនាដែល​បាន​ប្រយុទ្ធ និង​ធ្វើ​ពលិកម្ម​យ៉ាង​អង់អាច​ក្លាហាន​ដើម្បី​រំដោះជាតិ​ពីរ​បប​ប្រល័យពូជសាសន៍ និង​ការពារ​ការ​រស់​ឡើងវិញ​របស់​ប្រជាជន​ព្រមទាំង​ចងចាំ​ជានិច្ច​នូវ គុណូ​ប​កា​រៈនៃ​ការជួយឧបត្ថម្ភ​ដ៏​ធំធេង​របស់​ប្រជាជន​នៃ​បណ្តា​ប្រទេស​ជិត​ឆ្ងាយ​លើ​ពិភពលោក​ចំពោះ​បុព្វហេតុ​ដ៏​ឧត្តុង្គឧត្តម​នេះ ។ យើងទាំងអស់គ្នា​ក៏​សូម​លំឱនកាយ​គោរព​វិញ្ញាណក្ខន្ធ​របស់​ជ​ន​​រួមជាតិ​រាប់លាន​នាក់​ដែល​បាន​បាត់បង់​ជីវិត​យ៉ាង​អយុត្តិធម៌​នៅក្នុង​របប​ប្រល័យពូជសាសន៍ ហើយ​សូម​ឧទ្ទិស​បួងសួង​សូម​ឲ្យ​ដួងព្រលឹង​របស់លោក​អ្នក​ទាំង​នោះបាន​ទៅកាន់​សុគតិភព​ជា​រៀង​ដរាប​តទៅ​។​

 

​នៅក្នុង​ឱកាស​ដ៏​ថ្លៃថ្លា​នេះ​ទូលព្រះបង្គំ​យើងខ្ញុំ​ទាំងអស់គ្នា សូម​សម្តែង​គារវភក្តី និង​កតញ្ញូតាធម៌​ដ៏​ជ្រាលជ្រៅ​បំផុត ថ្វាយ​ព្រះករុណា​ព្រះបាទ​សម្តេចព្រះ បរមនាថ នរោត្តម សីហមុនី ព្រះ​ម​ហា​ក្សត្រ​នៃ​ព្រះរាជាណាចក្រ​កម្ពុជា ។ សម្ដេច​ពញា​ចក្រី ហេង សំរិន បាន​បន្តទៀតថា បច្ចុប្បន្ន​ប្រជាជាតិ​យើង​កំពុង​រស់នៅ​យ៉ាង​សុខដុមរមនា​ក្រោម​ពន្លឺ​នៃ​សន្តិភាព និង​វឌ្ឍនភាព ។ ប៉ុន្តែ​យើងទាំងអស់គ្នា​ក៏​នៅតែ​ចងចាំ​ជានិច្ច​នូវ​ដំណាក់កាល​ដ៏​ខ្មៅ​ងងឹត​បំផុត ដែល​ពុំ​ធ្លាប់មាន​នៅក្នុង​ប្រវត្តិសាស្ត្រ​របស់​ជាតិ​យើង​គឺ​ដំណាក់កាល​នៃ​របប​កម្ពុជា​ប្រជាធិបតេយ្យ​របស់​ពួក​ ប៉ុ​ល​ ពត ដែល​បាន​អនុវត្ត​នយោបាយ​ប្រល័យពូជសាសន៍​យ៉ាង​ឃោរឃៅ​បំផុត​មកលើ​ប្រជាជាតិ ខ្លួនឯង​។ ក្នុង​រយៈកាល​៣​ឆ្នាំ​៨​ខែ និង​២០​ថ្ងៃ បន្ទាប់ពី​បាន​ឡើងកាន់​អំណាច​នៅ​ថ្ងៃ​១៧ ខែ​មេ​សា ឆ្នាំ ១៩៧៥ ពួក​ប៉ុល ពត បាន​បំផ្លាញ​រចនាសម្ព័ន្ធ​សង្គមជាតិ​ទាំងមូល​ដែល​ទទួលរង​វិនាសកម្ម​ដោយសារ សង្គ្រាម​៥​ឆ្នាំ​រួចមកហើយ​នោះ ឲ្យ​រលាយ​ខ្ទេចខ្ទី​ថែមទៀត​ដល់​ឫសគល់​។ ប្រ​ជាជន​ត្រូវគេ​ប្លន់​យក​អស់​នូវ​សិទ្ធិ សេរីភាព ហើយ​ទទួលរង​ទារុណកម្ម​យ៉ាងធ្ងន់ធ្ងរ និង​ការសម្លាប់​រង្គាល​អស់​ជាង ៣​លាន នាក់​។ ឯ​អ្នក​នៅរស់​ត្រូវ​ស្ថិតក្នុង​គុក​ឥត​ជញ្ជាំង ដែល​រង់ចាំតែ​ថ្ងៃ​ស្លាប់​ប៉ុណ្ណោះ​។ ជាការ​ពិតណាស់​ប្រជាជាតិ​ខ្មែរ​ត្រូវ​ពួក​ឃាតករ ប៉ុល ពត ជ្រមុជ​យ៉ាងជ្រៅ​ទៅក្នុង​សមុទ្រ​ឈាម និង​ការ​និរាស​ព្រាត់ប្រាស ហើយ​ត្រូវ​ប្រឈម​នឹង​ការ រលាយ​សូន្យ​ទាំ​ង​ស្រុ​ង បើ​ពុំមាន​ការជួយ​សង្គ្រោះ​ជីវិត​ឲ្យ​ទាន់ពេលវេលា​ទេនោះ​។​

 

​នៅក្នុង​កាលៈទេសៈ​ដ៏​ធ្ងន់ធ្ងរ និង​គ្រោះថ្នាក់​បំផុត​នេះ មានតែ​គណបក្ស​ប្រជាជន​កម្ពុជា​ប៉ុណ្ណោះ ដែល​បាន​ក្រោកឈរ​ប្រឆាំងនឹង​របប​ប៉ុលពត ហើយ​បានធ្វើ​ការឯកភាព​កម្លាំង​តស៊ូ​ពី​គ្រប់​ទិ​ស​ទី​បង្កើតជារ​ណ​សិរ្ស​សាមគ្គី​សង្គ្រោះ​ជាតិ​កម្ពុជា នៅ​ថ្ងៃ ២ ធ្នូ ឆ្នាំ ១៩៧៨​។ រណសិរ្ស​បានចេញ​សេចក្តីប្រកាស​ស្តីពី​គោលនយោបាយ “១១​ខ​” ដែល​បាន​បំផុសស្មារតី​របស់​ប្រជាជន​យើង​នៅ​​គ្រប់​ទិសទី​ឲ្យ​ក្រោកឈរឡើង រួម​សាមគ្គី​គ្នា​ដើម្បី​កម្ចាត់​របប​ដ៏​យង់ឃ្នង​នេះ ហើយ​បាន​អំពាវនាវ​រក​ការជួយឧបត្ថម្ភ​គាំទ្រ​ដល់​បុព្វហេតុ​ដ៏​ឧត្តុង្គឧត្តម​នេះ ពី​សំណាក់​ប្រជាជន​ដែល​ស្រឡាញ់សន្តិភាព និង​យុត្តិធម៌​នៃ​បណ្តា​ប្រទេស​នៅលើ​ពិភពលោក​។ នៅ​ថ្ងៃ​៧ ខែមករា ឆ្នាំ​១៩៧៩ កងទ័ព​នៃ​រណសិរ្ស សាមគ្គី​សង្គ្រោះ​ជាតិ​កម្ពុជា​ដែល​ទទួលបាន​ការគាំទ្រ​យ៉ាង​ទូលំ​ទូ​លា​យ​​ពីប្រជាជន​នៅ​គ្រប់​តំបន់​នៃ​ផ្ទៃ​ប្រទេស និង​ទទួលបាន​ការជួយឧបត្ថម្ភ​ដ៏​ធំធេង​ពី​កងទ័ព​ស្ម័គ្រចិត្ត​វៀតណាម បាន​វាយ​សម្រុក​យ៉ាងខ្លាំង​ក្លា​លើ​របប ប៉ុល ពត ធ្វើ ឲ្យ​របប​នេះ​ត្រូវ​ដួល​រលំ​​ទាំង​ស្រុង​ ។​

 

​ជ័យជម្នះ ៧ មករា បាន​សង្គ្រោះ​ប្រជាជន​កម្ពុជា​ឲ្យ​រស់រានមានជីវិត​ឡើងវិញ​បាន​ទាន់ ពេលវេលា​។ ជ័យជម្នះ ៧ មករា បានបញ្ចប់​ដំណាក់កាល​ដ៏​ខ្មៅ​ងងឹត​បំផុត​របស់​កម្ពុជា និង​បើក​ឡើ​ង​​នូវ​សករាជ​ថ្មី ដែល​ប្រជាជន​ដណ្តើមបាន មកវិញ​នូវ​សិទ្ធិ សេរីភាព កិត្តិយស និង​សេចក្តីថ្លៃថ្នូរ ហើយ​ឈានទៅ​ធ្វើជា​ម្ចាស់​លើ​ជោគវាសនា​របស់ខ្លួន​ពិតប្រាកដ​។ ជ័យជម្នះ ៧ មករា បាន​ផ្ត​ល់​​ឱកាស​ដល់​ការប្រមូលផ្តុំ​មកវិញ​នូវ​សក្ដានុពល​ទាំងឡាយ​របស់​ជាតិ ដើម្បី​ស្តារ និង​កសាង​មាតុភូមិ​ជាថ្មី​ឡើងវិញ​។ ប្រជាជន​យើង​ចងចាំ​ជានិច្ច​ថា “​ថ្ងៃជ័យ​ជម្នះ  ៧ មករា ជា​ថ្ងៃកំ​ណើ​ត​​ទី ២ របស់ខ្លួន បើ​គ្មាន​ជ័យជម្នះ​ថ្ងៃ ៧ មករា ក៏​យើង​មិនអាច​មាន​អ្វីៗ​ដូច​ថ្ងៃនេះ ដែរ​”​។ ​ក្នុងរយៈពេល ៣៥ ឆ្នាំ​កន្លងមកនេះ ដែល​ផ្តើមចេញពី​ជ័យជម្នះ​ថ្ងៃ ៧ មករា ឆ្នាំ ១៩៧៩ ព្រះ​រាជា​ណា​ចក្រកម្ពុជា​មានការ​ផ្លាស់ប្តូ​រ​យ៉ាង​ស៊ីជម្រៅ​លើ​គ្រប់​វិស័យ ហើយ​ទទួល​នូវ​ការកោតសរសើរ និង​អបអរសាទរ​យ៉ាង ក្រៃលែង​ពី​សំណាក់​ប្រជាជន​នានា​នៅលើ​ពិភពលោក​ ។ ពី​ទឹកដី​មួ​យ​​ដែល​នៅសល់តែ​គំនរ​ផេះផង់ ស្លាកស្នាម​នៃ​សង្គ្រាម និង​អំពើ​ប្រល័យពូជសាសន៍​កម្ពុជា​បានក្លាយ​មកជា​ទឹកដី​អភិវឌ្ឍន៍​ដ៏​រស់ រវើក​ប្រកបដោយ​ក្តីសង្ឃឹម​។ កម្ពុជា​ដែល​ធ្លាប់​ត្រូវ​គ្រប​ដ​ណ្ត​ប់​ដោយ​សង្គ្រាម​ដ៏​រ៉ាំរ៉ៃ អំពើហិង្សា និង​ការបែកបាក់ បាន​ប្រែក្លាយជា​មាតុភូមិ​មួយ​ប្រកបដោយ​សន្តិភាព ការរួបរួម​ជាតិ ស្ថិរភាព និង​ប្រជាធិបតេយ្យ​។ ព្រម​ជាមួយនេះ កម្ពុជា​ដែល​ត្រូវ​គេ​​ប្រមាថមើលងាយ​បាន​ឈានឡើង​ស្មើភាព និង​ស្មើ​សិទ្ធិ ជាមួយ​បណ្តា​ប្រទេស​ទាំងអស់​លើ​ពិភពលោក​។​ប៉ុន្តែ រាល់​សមិទ្ធផល​ដែល​យើង​សម្រេចបាន​ទាំងអស់នេះ​ពុំមែន​បានមក ដោ​យ​​​ងាយស្រួល គ្មាន​ការពុះពារ ប្រឹងប្រែង​តស៊ូ និង​ការលះបង់​នោះឡើយ​។ រយៈពេល​ជាង ៣​ទសវត្ស​មកនេះ ប្រជាជាតិ​យើង​បាន​ជួបនឹង​បញ្ហា ប្រឈម​ធំៗ​យ៉ាងច្រើន​នៅក្នុង​ដំណើរ​រីក​ចម្រើ​ន​របស់ខ្លួនជាអាទិ៍ ការដោះស្រាយ​នូវ​ផលវិបាក​ដ៏​ធ្ងន់ធ្ងរ​ច្រើន​រាប់មិនអស់​ដែល របប ប្រល័យពូជសាសន៍​បាន​បន្សល់ទុក ដើម្បី​ស្តារ​សេដ្ឋកិច្ច សង្គម​ឡើងវិញ ការទប់ស្កាត់​ការ​ប៉ុ​ន​ប៉​ង វិលត្រឡប់​មកវិញ​នៃ​របប​ប្រល័យពូជសាសន៍ ការ​ជម្នះ​នូវ​ការហ៊ុំព័ទ្ធ​ខាង​សេដ្ឋកិច្ច និង​ឯកោ​ខាង​នយោបាយ​យ៉ាង អយុត្តិធម៌​ពី​សំណាក់​មជ្ឈដ្ឋាន​ខាងក្រៅ​មួយចំនួន ការឯកភាព​ជាតិ និ​ង​​ទឹក​ដីការស្តារ​កិត្តិយស​ជាតិ​លើ​ឆាក​អន្តរជាតិ ការ​រាំង​ស្កាត់​នូវ​ចលាចល​ខាង​នយោបាយ​ផ្សេងៗ​ដើម្បី​ការពារ​រដ្ឋធម្មនុញ្ញ ឆ្នាំ​១៩៩៣ នៃ​ព្រះរាជាណាចក្រ​កម្ពុជា រក្សា​ស្ថិរភាព​នយោបាយ និ​ង​ស្ថិរភាព​សង្គម ដែល​ពេលខ្លះ​ស្ទើរតែ​ធ្វើ​ឲ្យ​យើង​ត្រូវ​វិល​ទៅរក​ការវិនាស​ជាថ្មី​ទៀតផង ការ​ទទួលរង​ឥទ្ធិពល​នៃ​វិបត្តិ​សេដ្ឋកិច្ច​តំបន់ និង​ពិភពលោក និង​ការការពារ​បូរណភាព​ទឹកដី​ឲ្យ​បាន​គង់វង្ស ៘ ប៉ុន្តែ​ទោះបី​ត្រូវ​ប្រឈម​នឹង​ឧបសគ្គ​ដ៏​ច្រើន​រាប់មិនអស់​យ៉ាងណាក្តី ក៏​គ្មានអ្វី​អាចមក​រារាំង​ដំណើរ​ទៅមុខ​របស់ ជាតិ​យើង​បានឡើយ​។​

 

​សម្ដេចពញា​ចក្រី​ហេង សំរិន ថ្លែង​ទៀតថា ក្នុង​ឆ្នាំ ២០១៣ ដែល​ទើបតែនឹង​បញ្ចប់​ទៅនេះ កម្ពុជា​បានសម្រេច​សមិទ្ធផល​ថ្មីៗ​ជាច្រើន​ទៀត​លើ​គ្រប់ វិស័យ​ក្នុង​ដំណើរ​អភិវឌ្ឍន៍​របស់ខ្លួន​។ រា​ជរដ្ឋាភិបាល​កម្ពុជា ក្រោម​ការដឹកនាំ​របស់​សម្តេច​អគ្គមហាសេនាបតី តេ​ជោ ហ៊ុន សែន បាន​អនុវត្ត​បញ្ចប់​ដោយ​ជោគជ័យ​នូវ​កម្មវិធី​នយោបាយ និង​យុទ្ធសាស្ត្រ​ចតុកោណ​ដំណាក់កាល ទី​២ នៅក្នុង​នីតិកាល​ទី​៤ នៃ​រដ្ឋសភា ដែល​ធានាបាន​នូវ​សុខសន្តិភាព ស្ថិរភាព សន្តិសុខ សណ្ដាប់ធ្នាប់​សង្គម ប្រជាធិបតេយ្យ ការអភិវឌ្ឍន៍ និង​អធិបតេយ្យ​ជាតិ​។ បច្ចុប្បន្ន​រាជរដ្ឋាភិបាល​កំ​ពុង​​ចាប់ផ្តើម​អនុវត្ត​កម្មវិធី​នយោបាយ និង​យុទ្ធសាស្ត្រ​ចតុកោណ​ដំណាក់កាល​ទី​៣ នៅក្នុង​នីតិកាល​ទី ៥ នៃ​រដ្ឋសភា​នេះ ដើម្បី​បន្ត​អភិវឌ្ឍ​ប្រទេស​ឲ្យ​កាន់ តែ​រីកចម្រើន​ខ្លាំងក្លា​ឡើង និង​ធា​នា​​ដល់​ការលើកកម្ពស់​កម្រិតជីវភាព​របស់​ប្រជាជន​ទូទៅ តាមរយៈ​ការអនុវត្ត គោលនយោបាយ និង​វិធានការ​ជាក់ស្តែង​នានា​ឲ្យ​មាន​ប្រសិទ្ធភាព​ខ្ពស់ សំដៅ​បង្កើន​ចំណូល​របស់​ប្រជាជន លើ​កស្ទួយ ខាង​សង្គមកិច្ច ពង្រឹង​យុត្តិធម៌ សមធម៌​សង្គម ព្រមទាំង​ផ្តល់នូវ​រាល់​សេវាសាធារណៈ​ឲ្យ​បានល្អ​ប្រសើរ​។ គួរ​កត់ សម្គាល់ថា នៅ​ឆ្នាំ​២០១៣ ទោះបី​កម្ពុជា​ត្រូវ​ប្រឈម​នឹង​គ្រោះ​ទឹ​ក​ជំនន់​ដ៏​ធំ និង​ភាពមិនប្រាកដប្រជា​នៃ​សេដ្ឋកិច្ច និង​ហិរញ្ញវត្ថុ​ពិភពលោក​ក្តី ក៏​សេដ្ឋកិច្ចកម្ពុជា​នៅតែ​បន្ត សម្រេចបាន​កំណើន​ជាង ៧% ដែល បានមកពី​លទ្ធផល​ដ៏​ល្អ នៅក្នុង​វិស័យ​ក​សិ​ក​ម្ម ឧស្សាហកម្ម និង​សេវាកម្ម​។ ផលិតផល​ក្នុងស្រុក​សរុប​ជា​មធ្យម​សម្រាប់​ប្រជាជន​ម្នាក់ៗ បាន​កើន​ពី ៧៦០ ដុល្លារ ក្នុង​ឆ្នាំ ២០០៨ ដល់​ប្រមាណ ១០០០ ដុល្លារ នៅ​ឆ្នាំ ២០១៣ ដែល​ធ្វើ​ឲ្យ​​កម្ពុជា​នឹង​ចេញ ផុតពី​ប្រទេស​មាន​ចំណូល​ទាប ទៅជា​ប្រទេស​មាន​ចំណូល​មធ្យម​កម្រិត​ទាប​ក្នុងពេល​ដ៏​ឆាប់​ខាងមុខនេះ​។ អត្រា នៃ​ភាពក្រីក្រ​ត្រូវបាន​កាត់បន្ថយ​មក​នៅ​ក្រោម ១៩% ដោ​យ​សម្រេចបាន​ការកាត់បន្ថយ​ភាពក្រីក្រ​ជាង​១% ក្នុង ១​ឆ្នាំៗ​។ លើ​មូលដ្ឋាន​នេះ បណ្តា​ស្ថាប័នហិរញ្ញវត្ថុ​អន្តរជាតិ​ធំៗ​សុទ្ធតែ​បាន​វាយតម្លៃ​ប្រកបដោយ សុទិដ្ឋិនិយម​ថា កម្ពុជា​នឹង​អាច​សម្រេចបាន​កំណើន​ខ្ពស់​ជា​បន្ត ក្នុង​រយៈពេល​ច្រើន​ឆ្នាំ​ខាងមុខ​ទៀត​។​

 

​ជាមួយនឹងការរីកចម្រើន​ខាង​សេដ្ឋកិច្ច ទំនាក់ទំនង​អន្តរជាតិ​របស់​កម្ពុជា​ក៏​កាន់តែ​បាន​លើកកម្ពស់​ថែមទៀត​។ នៅ​ខែ មិថុនា ឆ្នាំ ២០១៣ កម្ពុជា​បានធ្វើ​ជា​ប្រធាន និង​ជា​ម្ចាស់ផ្ទះ​នៃ​កិច្ច​ប្រជុំ​​លើក​ទី​៣៧ នៃ​គណៈកម្មាធិការបេតិកភណ្ឌ​ពិភពលោក ដែលជា​កិត្តិយស​ថ្មី​មួយទៀត​សម្រាប់​ប្រទេស​កម្ពុជា​។ កម្ពុជា​ដែល​ពីមុន​បានទទួល កង​រក្សា​សន្តិភាព​នៃ​អង្គការសហ​ប្រ​ជា​ជាតិឥឡូវនេះ កម្ពុជា​បាន​បញ្ជូន​កងកម្លាំងរ​បស់​ខ្លួន​ទៅ​ចូលរួម​ក្នុង​បេសកកម្ម ថែរក្សា​សន្តិភាព​របស់​អង្គការសហប្រជាជាតិ​វិញ​នៅ​បណ្តា​ប្រទេស មួយចំនួន ជា​បន្តបន្ទាប់​។ ព្រម​ជាមួយ​នេះ​កាលពី​ថ្ងៃទី ១១ ខែវិច្ឆិកា ឆ្នាំ​២០១៣ កន្លងទៅ តុលាការ​យុត្តិធម៌​អន្តរជាតិ នាទី​ក្រុងឡាអេ បានសម្រេច​ចេញ សាលដីកា​ចំពោះ​សំណើ​កម្ពុជា​ដែល​បាន​សុំ​ឲ្យ​តុលាការ​បកស្រាយ​សាលដីកា​ឆ្នាំ ១៩៦២ ទាក់ទង​នឹង​ប្រាសាទព្រះវិហារ ដែល​នៅក្នុង​សេចក្តីសម្រេច​នោះបាន​បញ្ជាក់​កាន់តែច្បាស់​ថែមទៀត​នូវ អធិបតេយ្យ​របស់​កម្ពុ​ជា​លើ ប្រាសាទព្រះវិហារ និង​លើ​តំបន់​ជុំវិញ​ប្រាសាទព្រះវិហារ​។ គណបក្ស​ប្រជាជន​កម្ពុជា​គាំទ្រ​ជំហរ​របស់​រាជរដ្ឋាភិបាល កម្ពុជា​ក្នុងការ​ពិភាក្សា​ជាមួយ​ភាគី​ថៃ​ដើម្បី​អនុវត្ត​សេចក្តីសម្រេច នេះ​របស់​តុលាការ​យុត្តិធម៌​អន្តរជាតិ ក្នុង​ស្មារតី មិត្ត​ភាពជា​អ្នកជិតខាង​ល្អ សំដៅ​កសាង​ព្រំដែន​កម្ពុជា​-​ថៃ ប្រកបដោយ​សន្តិភាព សហប្រតិបត្តិការ និង​អភិវឌ្ឍន៍​ដើម្បី​ផលប្រយោជន៍​របស់​ប្រជាជន​នៃ​ប្រទេស​ទាំង​២​។​

 

​ព្រឹត្តិការណ៍ ជា​ប្រវត្តិសាស្ត្រ​មួយទៀត គឺ​ការបោះឆ្នោត​ជ្រើសតាំង​តំណាងរាស្ត្រ នីតិកាល​ទី ៥ កាលពី​ថ្ងៃទី ២៨ ខែ កក្កដា ឆ្នាំ ២០១៣ ដែល​បាន​ប្រព្រឹត្ត​ទៅក្នុង​បរិយាកាស ប្រកបដោយ​សន្តិភាព មាន​លក្ខណៈ​សេរី ត្រឹមត្រូវ និង​យុត្តិធម៌​។ អ្នកសង្កេតការណ៍​ជាតិ អន្តរជាតិ ដែល​បាន​ចូលរួម​ពិនិត្យមើល​ការបោះឆ្នោត​នេះ បានចេញ​សេចក្តី ថ្លែងការណ៍​ប្រកបដោយ​ភាព​វិជ្ជមាន​ក្រៃលែង ជាមួយនឹង​ការលើកទឹកចិត្ត​ចំពោះ​ដំណើរការ​ប្រជាធិបតេយ្យ និង​ការបោះឆ្នោត​នៅ​កម្ពុជា​។ លើ​មូលដ្ឋាន​លទ្ធផល​នៃ​ការបោះឆ្នោត  រដ្ឋសភា និង​រាជរដ្ឋាភិបាល​នីតិកាល​ទី​៥ ត្រូវបាន​បង្កើតឡើង​ត្រឹមត្រូវ​តាម​រដ្ឋធម្មនុញ្ញ និង​ច្បាប់​នៃ​ព្រះរាជាណាចក្រ​កម្ពុជា ហើយ​កំពុង​បំពេញការងារ​បម្រើប្រជាជន ប្រកបដោយ​ការទទួលខុសត្រូវ​ខ្ពស់​ចំពោះ​ប្រជាជន​ជា​ម្ចា​ស់​ឆ្នោត​។ ថ្នាក់ដឹកនាំ​នៃ​បណ្តា​ប្រទេស​ក្នុង​តំបន់ និង​លើ ពិភពលោក បាន​អបអរសាទរ​ដល់​ដំណើរការ​ប្រជាធិបតេយ្យ​នៅ​កម្ពុជា ហើយ​បានបញ្ជាក់​ច្បាស់​នូវ​ឆន្ទៈ​បន្ត​ពង្រឹង ពង្រីក​ចំ​ណ​ង​មិត្ត​ភាព និង​កិច្ចសហប្រតិបត្តិការ​ជាមួយ​រាជរដ្ឋាភិបាល​កម្ពុជា​នីតិកាល​ទី ៥ នៃ​រដ្ឋសភា ដែល​ដឹកនាំ ដោយ​សម្តេច​អគ្គមហាសេនាបតី​តេ​ជោ ហ៊ុន សែន​។ តាមរយៈ​លទ្ធផល​នៃ​ការ​បោះ​ឆ្នោត​នេះ បាន​ឆ្លុះបញ្ចាំង​ឲ្យ ឃើញ​នូវ​ភាព​កាន់តែ​ចាស់ទុំ​នៃ​ដំណើរការ​អនុវត្ត​ន៍ល​ទ្ធិ​ប្រជាធិបតេយ្យ និង​ការគោរព​សិទ្ធិមនុស្ស​នៅ​កម្ពុជា និង ឆន្ទៈ​របស់​ប្រជាជន​ក្នុងការ​បន្តដំណើរ​ទៅ​មុ​ខ​ទៀត​លើ​មាគ៌ា​សន្តិភាព ប្រជាធិបតេយ្យ នីតិរដ្ឋ និង​អភិវឌ្ឍន៍ ជាពិសេស​បំណងប្រាថ្នា​ចង់​ឲ្យ​រាជរដ្ឋាភិបាល​ដោះស្រាយ​បញ្ហា​សេដ្ឋកិច្ច និង​សង្គម​ជា​មូលដ្ឋាន​ដែល​ពាក់ព័ន្ធ​ដល់ ជីវភាព​ប្រចាំ​ថ្ងៃ ព្រមទាំង​ការពង្រឹង​យុត្តិធម៌ សមធម៌ និង​ភាព​ស្អាតស្អំ​ក្នុងសង្គម​ឲ្យ​កាន់តែ​ល្អប្រសើរ​ឡើង​។​

 

​ឆ្លងតាមដំណើរ​វិវត្តន៍​ជា​វិជ្ជមាន​ដ៏​ធំធេង​នៃ​សភាពការណ៍​កម្ពុជា​មកទល់ពេលនេះ បានបង្ហាញ​យ៉ាងច្បាស់​ថា ជាមួយនឹង​ការដឹកនាំ​របស់​គណបក្ស​ប្រជាជន​កម្ពុជា ប្រទេស​កម្ពុជា​បាន និង​កំពុងតែ​ឈានទៅ​មុខ​តាម​ទិសដៅ​ដ៏​ត្រឹមត្រូវ​ពិតប្រាកដ​ ។ ប៉ុន្តែ​ទោះបីជា​សច្ចធម៌​បានបង្ហាញ​យ៉ាងច្បាស់​ក្រឡែត​យ៉ាងនេះហើយ​ក្តីក៏​រយៈពេល ៣៥ ឆ្នាំ​កន្លងមកនេះ មាន​កម្លាំង​នយោ​បា​យ​ និង​មជ្ឈដ្ឋាន​អគតិ​មួយចំនួន បាន​ព្យាយាម​ឥតឈប់ឈរ​ក្នុងការ​បំភ្លៃ ប្រវត្តិសាស្ត្រ​ពីស​ទៅជា​ខ្មៅ ពី​ខ្មៅ​ទៅ​ជាស សំដៅ​វាយប្រហារ​លើ​ការដឹកនាំ​របស់​គណបក្ស​ប្រជាជន​កម្ពុជា ដើម្បី ធ្វើ​ឲ្យ​សម្រេច​នូវ​យុទ្ធសាស្ត្រ​នៃ​មហិច្ឆតា​ដណ្តើម​អំណាចរ​បស់​ខ្លួន​។ ពួកគេ​នៅតែ​តាំងខ្លួន​ជាស​ត្រូវ​នឹង​ជ័យជម្នះ ៧ មករា ដែល​បាន​ផ្តល់កំណើត​ថ្មី​ដល់​ប្រជាជន កម្ពុជា ឃោសនា​មួ​ល​បង្កា​ច់​ការពិត បំភាន់​មតិ​ប្រជាជន មិន​គោរព រដ្ឋធម្មនុញ្ញ និង​ច្បាប់​ជា​ធរមាន ហើយ​ឃុបឃិត​គ្នា​រិះរក​គ្រប់​វិធី ដើម្បី​បដិសេធ​រាល់​សមិទ្ធផល​ដែល​គណបក្ស ប្រជាជន​កម្ពុជា​បានសម្រេច​ជូន​ជាតិបង្ក​អស្ថិរភាព​នយោបាយ អស្ថិរភាព​សេដ្ឋកិច្ច និង​សង្គម​។ ប្រការ​ទាំងនេះ នឹង​រុញច្រាន​ឲ្យ​កម្ពុជា​ត្រូវ​ធ្លាក់​ចេញពី​គន្លង​ដ៏​ត្រឹមត្រូវ របស់ខ្លួន ប្រសិនបើ​ពួកគេ​អាចធ្វើ​បានសម្រេច​នោះ​។ ប៉ុន្តែប្រជាជន​កម្ពុជា​នឹងមិន​អនុញ្ញាត​ឲ្យ​អ្នកនយោបាយ និង​មជ្ឈដ្ឋាន​ទាំងនោះ​សម្រេច​នូវ​មហិច្ឆតា​ឥត​ព្រំដែន​របស់ ពួកគេ​បានឡើយ​។​ទន្ទឹម នឹង​សកម្មភាព​ប្រទូសរ៉ាយ​ទាំងនេះ អ្វីដែល​ធ្វើ​ឲ្យ​ប្រជាជន​កាន់តែ​មិន​ពេញចិត្ត​ថែមទៀត​នៅក្រោយ ពេល​បោះឆ្នោត​នោះ គឺ​ជំហរ​របស់​គណបក្សប្រឆាំង​ដែល​ទទួលបាន​អាសនៈ​ក្នុង​រដ្ឋសភា​នីតិកាល​ទី​៥ នេះដែរ តែ​បានធ្វើ​ពហិការ​កិច្ចប្រជុំ​រដ្ឋសភា ហើយ​មួលបង្កាច់​លើ​ភាពស្របច្បាប់​របស់​រដ្ឋ​សភា និង​រាជរដ្ឋាភិបាល​នីតិ​-​កាល ទី​៥​នេះ​។ គណបក្សប្រឆាំង បាន​ជំរុញ​ការធ្វើ​បាតុកម្ម​តាម​ដងផ្លូវ ដោយ​មិន​គោរព​ច្បាប់ បន្ត​លើកឡើង​ដដែលៗ នូវ​ការទាមទារ​នានា​របស់​ខ្លួន ដែល​គ្មាន​មូលដ្ឋាន​ការពិត ផ្ទុយ​ពី​ស្មារតី​រដ្ឋធម្មនុញ្ញ ច្បាប់​ជា​ធរមាន​របស់​កម្ពុជា និង​ផ្ទុយ​ពី​គោលការណ៍​នៃ​លទ្ធិប្រជាធិបតេយ្យ​បែប​តំណាង ហើយ​ព្យាយាម​បញ្ចុះបញ្ចូល​ឲ្យ​សហគមន៍​អន្តរជាតិ បញ្ឈប់​ការផ្តល់​ជំនួយ​មក​ឲ្យ​កម្ពុជា និង​កុំ​បន្តធ្វើ​សហប្រតិបត្តិការ​ជាមួយ​រាជរដ្ឋាភិបាល​កម្ពុជា ក្នុង​បំណង​ធ្វើ​ឲ្យ ស្ថានភាព​ទូទៅ​កាន់តែ​លំបាក​ស្មុគស្មាញ​ឡើង ជាពិសេស​ប៉ុនប៉ង​រាំងស្ទះ​ដល់​ការប្រព្រឹត្តទៅ​នៃ​ស្ថាប័ន​ប្រជាធិបតេយ្យ របស់​រដ្ឋ ប៉ុនប៉ង​បង្ក​ការលំបាក​ដល់​ស្ថានភាព​សេដ្ឋកិច្ច សណ្ដាប់ធ្នាប់​សង្គម និង​ទំនាក់ទំនង​អន្តរជាតិ​របស់ កម្ពុជា ដើម្បី​ដាក់​សម្ពាធ​លើ​រាជរដ្ឋាភិបាល​ដែល​ដឹកនាំ​ដោយ​គណបក្ស​ប្រជាជន កម្ពុជា​។

 

ចុងក្រោយ​នេះ គេច​ង់ បង្ខំ​ឲ្យ​សម្តេច​តេ​ជោ ហ៊ុន សែន ចុះ​ចេញពី​តំណែង​ជា​នាយករដ្ឋមន្ត្រី​នៃ​ព្រះរាជាណាចក្រ​កម្ពុជា និង​ទាមទារ ឲ្យ​មានការ​បោះឆ្នោត​ជាថ្មី​ឡើងវិញ ដែល​ទង្វើ​បែបនេះ​គឺជា​ការបំពាន​យ៉ាងធ្ងន់ធ្ងរ​ថែមទៀត​លើ​រដ្ឋធម្មនុញ្ញ គោលការណ៍​នៃ​លទ្ធិប្រជាធិបតេយ្យ​បែប​តំណាង និង​ឆន្ទៈ​របស់​ប្រជាពលរដ្ឋ​កម្ពុជា​ភាគច្រើន​លើសលប់​។ ប៉ុន្តែ ទង្វើ​ដ៏​អកុសល​ទាំងនេះ នឹង​មិនអាច​ផ្តល់​ឲ្យ​គេ​នូវ​ផ្លែផ្កា​អ្វី​ឡើយ ក្រៅតែពី​បានធ្វើ​ឲ្យ​ប្រជាជន​កាន់តែ​ធុញទ្រាន់ រំខាន​ដល់​សន្តិសុខ សណ្ដាប់ធ្នាប់​សង្គម និង​បង្អាប់បង្អោន​មុខមាត់​របស់​ជាតិ​ខ្លួនឯង​ប៉ុណ្ណោះ​។ ពេលនេះ​ប្រជាជន ដែល​បាន​អនុវត្ត​រួចហើយ​នូវ​សិទ្ធិ និង​កាតព្វកិច្ច​របស់ខ្លួន​ក្នុងការ​បោះឆ្នោត កំពុងតែ​រង់ចាំ​នូវ​សកម្មភាព​របស់​អ្នក នយោបាយ​ដែលមាន​អាសនៈ​ក្នុង​រដ្ឋសភា ក្នុងការ​បម្រើ​សេចក្តីត្រូវការ  និង​ផលប្រយោជន៍​របស់ខ្លួន​។ ក្នុង​បរិការណ៍​នេះ គណបក្ស​ប្រជាជន​កម្ពុជា សូមបញ្ជាក់​ជាថ្មី​ទៀតថា គណបក្ស​ប្រជាជន​កម្ពុជា​នៅតែ​រក្សា​ជំហរ​នយោបាយ​ប្រកាន់ ខ្ជាប់​នូវ​សុ​ឆន្ទៈ​ដ៏​ពិតប្រាកដ និង​ស្មោះសរ​ក្នុងការ​ជួបចរចា​គ្រប់​កម្រិត​ជាមួយ​គណបក្ស​សង្គ្រោះ​ជាតិ សំដៅ ដោះស្រាយ​បញ្ហា​ដែល​មិនទាន់បាន​ស្រុះស្រួល​ជាមួយគ្នា ដើម្បី​ឲ្យ​គណបក្ស​ទាំងពីរ​បានរួម​គ្នា​បម្រើ​ផលប្រយោជន៍ របស់​ប្រទេសជាតិ និង​ប្រជាជន​។ ទាក់ទង​ទៅនឹង​ការរៀបចំ​សម្រាប់​ការបោះឆ្នោត​បន្តបន្ទាប់​ទៀត  គណបក្ស ប្រជាជន​កម្ពុជា​គាំទ្រ​ពេញទំហឹង​នូវ​សេចក្តីប្រកាស​របស់​រាជ​រដ្ឋាភិបាល កម្ពុជា ក្នុងការ​ជំរុញ​ដំណើរ​ការកែទម្រង់ការ បោះឆ្នោត ដោយ​ចាប់ផ្តើម​ពី​ការរៀបចំ​សិក្ខាសាលា​ជាតិ​នៅ​ដើម​ឆ្នាំនេះ ដែល​ស្រប​ទាំងស្រុង​តាម​ស្មារតី​នៃ សេចក្តីប្រកាស​រួម​នៃ​កិច្ចប្រជុំ​កំពូល​រវាង​គណបក្ស​ទាំងពីរ កាលពី​ថ្ងៃទី ១៦ ខែ កញ្ញា ឆ្នាំ ២០១៣​។​ព្រម​ជាមួយនេះ គណបក្ស​ប្រជាជន​កម្ពុជា​សូមបញ្ជាក់​ច្បាស់​ថា ក្នុងនាម​ជា​គណបក្ស​ដឹកនាំ​ដែល​ទទួល បាន​អាណត្តិ​ស្របច្បាប់​ពី​ប្រជាជន គណបក្ស​ប្រជាជន​កម្ពុជា​នឹងធ្វើ​អ្វីៗ​គ្រប់យ៉ាង​ដើម្បី​ការពារ​រដ្ឋសភា និង​ការពារ រាជរដ្ឋាភិបាល​ដែល​កើតចេញពី​ការ បោះឆ្នោត ការពារ​រដ្ឋធម្មនុញ្ញ ការពារ​លទ្ធិប្រជាធិបតេយ្យ ហើយ​មិន​អនុញ្ញាត ឲ្យ​កម្លាំង​នយោបាយ​ណា ឬ មជ្ឈដ្ឋាន​អគតិ​ណា​មក​បំផ្លាញ​ដំណើរការ​រីកចម្រើនរ​បស់​ជាតិ និង​រាល់​សមិទ្ធផល​ដែល ប្រជាជន​សម្រេចបាន​យ៉ាង​លំបាកលំបិន​បំផុត​ក្នុង​រយៈពេល ៣៥​ឆ្នាំ​កន្លងមកនេះ​បានឡើយ​។​សម្ដេច ពញា​ចក្រី​ហេង សំរិន បាន​បន្តទៀតថា ក្នុងនាម​សម្តេច​អគ្គ​មហា​ធម្ម​ពោធិ​សាល ជា ស៊ីម សម្តេច​អគ្គមហាសេនា ប​តី​តេ​ជោ ហ៊ុន សែន ថ្នាក់ដឹកនាំ​ទាំង​អស់នៃ​គណបក្ស​ប្រជាជន​កម្ពុជា និង​រូបខ្ញុំ​ផ្ទាល់ ខ្ញុំ​សូម​សម្តែង​ការគោរព និង​ដឹងគុណ​ដ៏​ជ្រាលជ្រៅ​បំផុត​ចំពោះ​ជនរួមជាតិ​នៅ​ទូទាំងប្រទេស ដែល​បានផ្តល់​យុត្តិធម៌​ចំពោះ​ការដឹកនាំ​របស់ គណបក្ស​ប្រជាជន​កម្ពុជា​រយៈពេល ៣៥ ឆ្នាំ​មកនេះ ហើយ​បាន​បន្ត​បោះឆ្នោត​គាំទ្រ​គណបក្ស ឲ្យ​ទទួលបាន​ជ័យ ជម្នះ​ជាថ្មីទៀត​។ ព្រម​ជាមួយនេះ គណបក្ស​ប្រជាជន​កម្ពុជា សូម​ថ្លែងអំណរគុណ​ដ៏​ជ្រាលជ្រៅ និង​ទទួលយក នូវ​ការផ្តល់​មតិយោបល់ និង​ទស្សនៈ​ដ៏​ល្អៗ​ទាំងឡាយ​ពី​សំណាក់ ប្រជាជន​គ្រប់​ស្រទាប់ និង​មជ្ឈដ្ឋាន​នានា​ក្នុង សង្គម ចំពោះ​កង្វះខាត​ផ្សេងៗ ក្នុងការ​ដឹកនាំ​កន្លងមក ហើយ​សន្យាថា នឹង​បន្ត​ប្រឹងប្រែង​ពេញទំហឹង​ក្នុងការ​អនុវត្ត កម្មវិធី​នយោបាយ​របស់​គណបក្ស ដែល​បាន​ប្រកាសជូន​ជនរួមជាតិ​រួចមកហើយ​ឲ្យ​បានសម្រេច​ជោគជ័យ​។

 

ជាពិសេស ការបន្ត​អនុវត្ត​យ៉ាង​ដាច់ខាត​នូវ កំណែទម្រង់​ទូលំទូលាយ និង​ស៊ីជម្រៅ ទាំង​ក្នុង​វិស័យ​នយោបាយ ច្បាប់ ប្រព័ន្ធ យុត្តិធម៌ សេដ្ឋកិច្ច និង​សង្គម និង​ការប្រយុទ្ធប្រឆាំង​អំពើពុករលួយ ដើម្បី​គាស់​រំលើង​ឲ្យ​ខាងតែបាន​នូវ​ឧបសគ្គ នានា​ដែល​រារាំង​ដល់​ការអភិវឌ្ឍន៍ និង​ការលើកកម្ពស់​កម្រិតជីវភាព និង​សុខុមាលភាព​របស់​ប្រជាជន​។ ក្នុង​ស្មារតី នេះ ខ្ញុំ​សូម​អំពាវនាវ​ដល់​គណ​បក្ស​គ្រប់​ថ្នាក់  គណបក្ស​បណ្តា​ក្រសួង ស្ថាប័ន និង​មន្ត្រី​គណបក្ស​គ្រប់រូប សូម​បន្ត ពង្រឹង​ធ្លុង​សាមគ្គី​ឯកភាព​ឲ្យ​បាន​រឹងមាំ ខិតខំ​អនុវត្ត​រាល់​គោលការណ៍ និងសេចក្តីសម្រេច​នានា​របស់​គណបក្ស ព្រមទាំង​យុទ្ធសាស្ត្រ​ចតុកោណ​ដំណាក់កាល​ទី​៣ របស់​រាជរដ្ឋាភិបាល​ក្នុង​ជំហរ​ទទួលខុសត្រូវ​ខ្ពស់ ដើម្បី​ផល ប្រយោជន៍​ដ៏​ឧត្តុង្គឧត្តម​របស់​ប្រទេសជាតិ និង​ប្រជាជន​យើង​។ ជាមួយនឹង​ការចងចាំ​អត្ថន័យ​ដ៏​ថ្លៃថ្លា​នៃ​ជ័យជម្នះ ៧ មករា ជា​ប្រវត្តិសាស្ត្រ យើង​ត្រូវ​ក្តាប់ជាប់​នូវ​មេរៀន​ពិសោធន៍​ចេញពី​ការតស៊ូ​របស់​យើង​នៅ​គ្រប់ ដំណាក់កាល ហើយ​សម្លឹង​ទៅមុខ​ប្រកបដោយ​មនសិការ​ភ្លឺស្វាង ដើម្បី​កសាង​អនាគត​ដ៏​រុងរឿង​របស់​ប្រជាជាតិ​យើង ៕​

7-1-2014 (3) 7-1-2014 7-1-2014 (1) 7-1-2014 (2)

 

Leave a Reply

(*) Required, Your email will not be published