ជិះ​ម៉ូតូ​ឆ្លងផ្លូវ ត្រូវ​រថយន្ត​របស់​ជ​ន​ជាតិចិន​បើក​បុក​យ៉ាង​ពេញទំហឹង​របួសធ្ងន់​

, , Leave a comment

​រាជធានី​ភ្នំពេញ ៖ ហេតុការណ៍​គ្រោះថ្នាក់​ចរាចរណ៍​មួយ​បាន​បណ្តាល​ឲ្យ​បុរស​ម្នាក់​របួសធ្ងន់ ខណៈដែល​កំពុង​ជិះ​ម៉ូតូ ត្រូវ​រថយន្ត​មួយគ្រឿង​បើកបរ​ដោយ​ជនជាតិ​ចិន​បើក​បុក ។ ហេតុការណ៍​គ្រោះថ្នាក់​ចរាចរណ៍​នេះ​បាន​កើតឡើង​កាលពី​វេលា​ម៉ោង​ប្រមាណ​៨​យប់​ថ្ងៃទី​២៩ ខែធ្នូ ឆ្នាំ​២០១៣ នៅតាម​បណ្តោយ ផ្លូវជាតិ​លេខ​៤ មុខ​វិទ្យាល័យ​ជម្ពូ​វ័ន ស្ថិតក្នុង​ភូមិ​ជម្ពូ​វ័ន សង្កាត់​ចោមចៅ ខណ្ឌ​ពោធិ៍​សែន​ជ័យ រាជធានី​ភ្នំពេញ​។​

 

​ជនរងគ្រោះ​ដែល​រងរបួស​ធ្ងន់​មានឈ្មោះ ភួង ប៊ុន​ស៊ា ភេទ​ប្រុស អាយុ​៤៩​ឆ្នាំ មុខរបរ​រត់​ម៉ូតូឌុប ស្នាក់នៅ​ភូមិ​ត្រពាំង​ថ្លឹង សង្កាត់​ចោមចៅ ខណ្ឌ​ពោធិ៍​សែន​ជ័យ មាន​ស្រុកកំណើត ភូមិ​កោះសូទិន ឃុំ​កោះសូទិន ស្រុក​កោះសូទិន ខេត្តកំពង់ចាម ។

 

​ប្រភពពី​កន្លែងកើតហេតុ​បាន​ឲ្យ​ដឹងថា មុនពេល​កើតហេតុ​ជនរងគ្រោះ​បាន​ជិះ​ម៉ូតូ​មួយគ្រឿង​ម៉ាក​សង់​កូរ៉េ ពណ៌​ក្រហម ពាក់​ស្លាក​លេខ ភ្នំពេញ 1BQ-9914 ធ្វើដំណើរ​ពី​ជើង​ទៅ​ត្បូង​តាម​បណ្តោយ​ផ្លូវ​បេតុង​រោងចក្រ QMI ខណៈដែល​ម៉ូតូ​កំពុង​ឆ្លងផ្លូវ​ក៏ត្រូវ​រថយន្ត​មួយគ្រឿង ម៉ាក​ឡិច​ស៊ី​ស​៤៧០ ពណ៌​ស្លែ ពាក់​ស្លាក​លេខ​ភ្នំពេញ 2C-2913 បើកបរ​ដោយ​ជនជាតិ​ចិន​ពី​កើ​តទៅ​លិច ជ្រុល​ទៅបុក​ម៉ូតូ​ពេញទំហឹង​បណ្តាល​ឲ្យ​អ្នកបើកបរ​ម៉ូតូ​រងរបួស​ធ្ងន់ ។ ពេល​ឃើញ​ហេតុការណ៍​បែបនេះ ជនបង្ក​បាន​បើកទ្វារ​រថយន្ត​គេចខ្លួន​បាត់ស្រមោល ដោយ​បន្សល់ទុក​រថយន្ត​រថ​យន្ត​នៅ​កន្លែងកើតហេតុ​។​

 

​ក្រោយ​កើតហេតុ​ជនរងគ្រោះ​ត្រូវបាន​រថយន្ត​សង្គ្រោះ​ដឹក​ទៅ​ទៅ​មន្ទីរពេទ្យ​ព្រះកុសុមៈ ។ ចំណែក​ម៉ូតូ​របស់​ជនរងគ្រោះ និង​រថយន្ត​បង្ក​ត្រូវបាន​សមត្ថកិច្ច​យកទៅ​រក្សាទុក​នៅ​អធិការដ្ឋាន រង់ចាំ​ការដោះស្រាយ​ជា​ក្រោយ​៕

30-12-2013

 

Leave a Reply

(*) Required, Your email will not be published