កូន​មន្ត្រី​ធំ​ដេញ​កាប់​គ្នា​ដូច​ហ្វូងគោ កក្រើក​មជ្ឈមណ្ឌល​កោះ​ពេជ្រ បាន​ក្លាយជា​ផ្ទាំងទស្សនីយភាព​សម្រាប់​ភ្នែក​មហាជន​

, , Leave a comment

​រាជធានី​ភ្នំពេញ ៖ សំណុំរឿង​ដែល​ចាប់អារម្មណ៍​មួយ​បន្ទាប់ពី​ព្រឹត្តិការណ៍​បាតុកម្ម​របស់​គណបក្ស​សង្គ្រោះ​ជាតិ និង​បាតុកម្ម​របស់​កម្មករ​-​កម្មការិនី​ទា​ម​ទា​រ​ដំឡើង​ប្រាក់ខែ តែ​អ្វី​តែ​ពេលនេះ​ក្រុមស្ទាវ​២​ក្រុម​បាន​សាង​នូវ​ទស្សនីយភាព​បានធ្វើ​ឲ្យ​ក្រសែភ្នែក​មហាជន​សម្លឹង​នូវ​សកម្មភាព​ដេញ​កាប់​គ្នា​យ៉ាង​អនាធិបតេយ្យ​នៅក្នុង​បរិវេណ​មជ្ឈមណ្ឌល​កោះ​ពេជ្រ ។ ហេតុការណ៍​នេះ​បាន​កើតឡើង​កាលពី​វេលា​ម៉ោង​៨​និង​១០​នាទី​យប់​ថ្ងៃទី​២៧ ខែធ្នូ ឆ្នាំ​២០១៣ បណ្ដាលឱ្យ​រងរបួស​ធ្ងន់​២​នាក់​ហើយ​ត្រូវ​សមត្ថកិច្ច​ឃាត់ខ្លួន​២​នាក់​និង​រត់គេចខ្លួន​ម្នាក់ ។​

 

​មុនពេល​កើតហេតុ​ក្មេងស្ទាវ​២​នាក់​ដែល​ម្នាក់​អះអាងថា ឪពុក​របស់គេ​ជា​មន្ដ្រីនគរបាល​មាន​ឋានៈ​ខ្ពស់​នៅ​ក្រសួងមហាផ្ទៃ​បាន​ជិះ​ម៉ូតូ ចូលទៅ ផឹកស៊ី​នៅក្នុង​បរិវេណ​មជ្ឈមណ្ឌល​កោះ​ពេជ្រ ។ ក្រោយពី​ផឹកស៊ី​ស្រវឹង​រួចមក ក្រុមក្មេងស្ទាវ​ទាំងពីរ​ក្រុម​គ្រាន់តែ​មើលមុខ​គ្នា​បង្ក​ជា​ជម្លោះ​កើតឡើង ។​

 

​ប្រភពពី​សមត្ថកិច្ច​មូល​ដ្ឋា​ន​បាន​ឲ្យ​ដឹងថា នៅពេលដែល​ពួកគេ​ទាំង​២​នាក់​ជិះ​ម៉ូតូ​ទៅ​ក្បែរ​យុវជន ៣​នាក់ ស្រាប់តែ​ខឹង​គេ​មើលមុខ​ក៏​កើត ជា​ជម្លោះ​ជា​ពាក្យសម្ដី​រហូតដល់​ដេញ វាយ​គេ ប៉ុន្ដែ​ដោយសារ​ភាគី​ម្ខាង​ទៀត មាន​គ្នា​៣​នាក់​ទើប​ព្រួត​វាយ​ពួកគេ​ទាំង​២​នាក់​វិញ​បណ្ដាលឱ្យ​រង របួសធ្ងន់​ខ្លះ​ពក​ក្បាល​ខ្លះ​ហើម​ដៃ ។ បន្ទាប់ពី​មាន​ជ​ល្លោះ រួចមក​សន្ដិសុខ​នៅ​កោះ​ពេជ្រ​បាន​ទូរស័ព្ទ ហៅ​នគរបាល​ប៉ុស្ដិ៍​ទន្លេបាសាក់​ឱ្យទៅ​ឃាត់ខ្លួន​ក្មេង​ទាំងនោះ​បញ្ជូនទៅ អធិការដ្ឋាន នគរបាល​ខណ្ឌ​ទាំងយប់ ។

 

​ក្រុមយុវជន​ទាំង ៤​នាក់​ក្នុងនោះ​ភាគី​ដែលមាន​គ្នា​៣​នាក់​រត់គេចខ្លួន​បាត់​ម្នាក់ ។ យុវជន​ដែល​ឃាត់ខ្លួន​បាន​ទាំង​៤​នាក់​នេះ​រួមមាន​ទី​១-​ឈ្មោះ​ពេជ្រ ឫទ្ធី អាយុ ១៩​ឆ្នាំ ទី​២-​ឈ្មោះ គង់ សុវណ្ណ​ដា អាយុ ១៩​ឆ្នាំ​, ទី​៣-​ឈ្មោះ ណ​យ សុភា​រម្យ អាយុ ១៨​ឆ្នាំ និង​ទី​៤-​ឈ្មោះ​គួច គីម​ឃាង អាយុ ១៨​ឆ្នាំ ទាំង​៤ នា​ក់​​នេះ​មិន​ត្រូវបាន​ស្គាល់​អាសយដ្ឋាន​ច្បាស់លាស់​ទេ​ដោយសារ​មានការ អន្ដរាគមន៍​ពី​ឪពុកម្ដាយ​ពួកគេ​ត្រូវបាន​សមត្ថ កិច្ច​ដោះលែង​ឱ្យមាន​សេរីភាព​វិ​ញ ដោយ គ្រាន់តែ​ឱ្យមាន​សង​សំណង​ទូរស័ព្ទ​ទំនើប​មួយគ្រឿង​វិញ​ប៉ុណ្ណោះ ។ 

 

​មហាជន​កំពុងតែ​ចាំមើល​នគរបាល​ខណ្ឌចំការមន​មាន​ចំណាត់ការ​បែបណា នៅពេល​យុវជន​ទាំងនោះ​ប្រាប់​ឈ្មោះ​ឪពុក​ដែលមាន​តួនាទី​ធំ នៅ​ក្រ​សួ​ង​ម​ហាផ្ទៃ ។ មិនដឹងថា តើ​ទង្វើ​បែបនេះ​ឋិត​នៅក្នុង​កំណែទម្រង់​ស៊ីជម្រៅ ដែរ​ឬ​យ៉ាងណាទេ​? ៕

28-12-2013 (1) 28-12-2013 (2)

 

Leave a Reply

(*) Required, Your email will not be published