បុរស​ម្នាក់​ត្រូវ​សមត្ថកិច្ច​ចាប់​ឃាត់ខ្លួន​បញ្ជូនទៅ​តុលាការ​ពីបទ​ចាប់រំលោភ​កូនចុង​អាយុ​៨​ឆ្នាំ​

, , Leave a comment

​ខេត្តកំពង់ឆ្នាំង ៖ បុរស​ម្នាក់​ត្រូវ​សមត្ថកិច្ច​ចាប់ខ្លួន​បន្ទាប់ពី​គេ​បាន​បំពាន​បៀតបៀន​កេរ្តិ៍ខ្មាស់​លើ​កូនចុង​ខ្លួនឯង ដែលមាន​អាយុ​ទើបតែ​៨​ឆ្នាំ ។ ការចាប់​ឃាត់ខ្លួន​នេះ​ធ្វើឡើង​កាលពី​ម៉ោង​១​និង​១០​នាទី រសៀល​ថ្ងៃទី​២៤ ខែធ្នូ ឆ្នាំ​២០១៣ ស្ថិត​ក្នុងភូមិ​សារាយអណ្តែត ឃុំ​ច្រេស ស្រុក​កំពង់ត្រឡាច ខេត្តកំពង់ឆ្នាំង​។

 

​ជនសង្ស័យ​រូបនោះ ឈ្មោះ អ៊ុក ម៉ាន អាយុ​២៩​ឆ្នាំ ជា​កសិករ​រស់នៅក្នុង​ភូមិ​ឃុំ​កើតហេតុ​ខាងលើ មាន​ប្រពន្ធចុង អាយុ​៤៣​ឆ្នាំ និង​កូន​៣​នាក់​។ ចំណែក​កុមារី​ជា​ជនរងគ្រោះ គឺជា​កូនចុង​អាយុ​៨​ឆ្នាំ​។

 

​តាម​របាយការណ៍​រប​ស់​សមត្ថកិច្ច​បាន​ឲ្យ​ដឹងថា ក្នុងពេល​កើតហេតុ​ម្តាយ​នាង​អត់​នៅផ្ទះ​ទេ ឪពុកចុង​បាន​ហៅ​នាង​ឲ្យ​ឡើងមក​លើផ្ទះ ហើយ​បាន​ចាប់​រូបនាង​ស្រាតខោ​អស់ និង​បានធ្វើ​សកម្មភាព​បៀតបៀន​កេរ្តិ៍ខ្មាស់​យ៉ាង​កម្រោល និង​ចាប់រំលោភ​នាង​តែ​មិនបាន​ស៊ីជម្រៅ​នោះទេ​។ ក្រោយមក​នៅ​ម៉ោង​៦​ល្ងាច​ម្តាយ​នាង​បាន​ត្រឡប់មក​ដល់ផ្ទះ​ក៏ត្រូវ​យាយ​ដែលជា​ម្តាយ​ឪពុកចុង​បាន​ជេរ​ស្តី​ម្តាយ​នាង​។ ពេលនោះ​រឿងរ៉ាវ​ទាំង​ប៉ុន្មាន​ត្រូវ​បែកការ​អស់ កុមារី​រងគ្រោះ​បាន​ប្រាប់​រឿងហេតុ​ឲ្យ​ម្តាយ​នាង​ដឹង ហើយ​ភ្លាមៗ​នោះដែរ ម្តាយ​ក៏បាន​នាំ​កូនស្រី​រងគ្រោះ​ទៅប្តឹង​នគរបាល​ប៉ុស្តិ៍​រដ្ឋបាល​តែម្តង​។

28-12-2013

​ចំពោះមុខ​សមត្ថកិច្ច ជនសង្ស័យ​បាន​សារភាពថា រូបគេ​ពិតជា​បានធ្វើ​កម្ម​ភាព​បៀតបៀន​កេរ្តិ៍ខ្មាស់​កូនស្រី​របស់ខ្លួន ដូចខាងលើ​ពិតមែន​។ ជនសង្ស័យ​ត្រូវបាន​សមត្ថកិច្ច​បញ្ជូន​ខ្លួន​ទៅកាន់​សាលាដំបូង​ខេត្ត ដើម្បី​ផ្តន្ទាទោស​តាមផ្លូវ​ច្បាប់​៕

 

Leave a Reply

(*) Required, Your email will not be published