ដោយ​សារ​ឥទ្ធិពល​ថ្នាំ និង​ការធ្វេសប្រហែស ធ្វើ​ឲ្យ​គ្រូបង្រៀន​ត្រូវ​ចោរ​យក​ម៉ូតូ​ជិះ​ដោយ​សុវត្ថិភាព​

, , Leave a comment

​ខេត្តបន្ទាយមានជ័យ ៖ ចោរ​បាន​កាច់​.​ក​ម៉ូតូ ខណៈដែល​ម្ចាស់​បាន​លង់លក់​ក្រោយ​ឥទ្ធិពល​ថ្នាំ​ផ្តាសាយ ខណៈដែល​ម្ចាស់​ម៉ូតូ​បាន​លេបថ្នាំ​រួច​ចូលទៅ​ដេក​ក្នុង​បន្ទប់ ទុក​ម៉ូតូ​ចត​ចោល​មុខ​បន្ទប់​ជួល ។ ហេតុការណ៍​នេះ​កើតឡើង​នៅវេលា​ម៉ោង​៥​និង​៣៤​នាទី​ល្ងាច ថ្ងៃទី​២៦ ខែធ្នូ ឆ្នាំ​២០១៣ នៅ​ខាងជើង​សាលាសង្កាត់ ប៉ោយប៉ែត ស្ថិតក្នុង​ភូមិ​មិ​ត្ដ​ភាព សង្កាត់​ប៉ោយប៉ែត ក្រុង​ប៉ោយប៉ែត ខេត្ដ​បន្ទាយមានជ័យ ។​

 

​ជនរងគ្រោះ​មានឈ្មោះ សាន វុទ្ធី អាយុ​២៦ ឆ្នាំ ជា​គ្រូបង្រៀន​នៅ​វិទ្យាល័យ​ប៉ោយប៉ែត ស្នាក់នៅ​បន្ទប់​ជួល​ក្នុងភូមិ​កើត​។​

28-12-2013

​តាម​សម្តី​របស់​ម្ចាស់​ម៉ូតូ​បាន​ឲ្យ​ដឹងថា មុន​កើតហេតុ​គាត់​បាន​ចេញពី​បង្រៀន​សិស្ស​មុន​ម៉ោង​ដោយមាន​អាការ​គ្រុនផ្ដាសាយ ក៏​លេបថ្នាំ​ផ្ដាសាយ លុះ​មកដល់​បន្ទប់​ជួល​ចត​ម៉ូតូ​របស់គាត់​ម៉ាក​ហុងដា​សេ​១២៥​ពណ៌​ខ្មៅ ស៊េរី​ឆ្នាំ​២០១០ ពាក់​ស្លាក​លេខ​1AV-9555 នៅមុខ​បន្ទប់​រួច​ចូលទៅ​ដេក ខណៈ​ដេក​មិនទាន់​លក់​ស្រួលបួល​ផង​ក៏​ឮស្នូរ​សំឡេង​ប​ព្ឆោះ​ម៉ូតូ ក៏​ស្រែក​ឆោឡោ តែ​ចោរ​បាន​ជិះ​គេចខ្លួន​ដោយ​សុវត្ថិភាព​។​ ​ក្រោយពី​ចោរ​យកទៅ​បាត់​ហើយ ជនរងគ្រោះ​បាន​ទៅ​ដាក់​ពាក្យបណ្តឹង​ទៅ​សមត្ថកិច្ច​ឲ្យ​ជួយ​អន្តរាគមន៍​៕

 

Leave a Reply

(*) Required, Your email will not be published