អាជីវករ​២​នាក់​អ្នក​ត្រូវ​ក្រុមចោរប្លន់​ប្រដាប់អាវុធ វាយ​ប្លន់​យកលុយ គេចខ្លួន​ដោយ​សុវត្ថិភាព​

, , Leave a comment

​ខេត្តសៀមរាប ៖ អំពើ​ប្លន់​ដ៏​កក្រើក​កណ្តាល​ក្រុង​សៀមរាប​បានធ្វើ​ឲ្យ​មានការ​ភ្ញាក់ផ្អើល ខណៈដែល​ក្រុមចោរប្លន់​ប្រដាប់អាវុធ​មាន​គ្នា​៣​នាក់ ជិះ​ម៉ូតូ​២​គ្រឿង បានធ្វើ​សកម្មភាព​វាយ​និង​ប្លន់​ប្រមូល​គ្រឿងអលង្ការ​ដែល​ដាក់​ក្នុង​ស្បោង​ពី​ស្ដ្រី​ជា​អាជីវករ​២​នាក់​បងប្អូន ។ ហេតុការណ៍​ប្លន់​នេះ​បាន​កើតឡើង​កាលពី​វេលា​ម៉ោង​ប្រមាណ​៤​និង​២០​នាទី​រសៀល ថ្ងៃទី​២៧ ខែធ្នូ ឆ្នាំ​២០១៣ ស្ថិតនៅ​សង្កាត់​គោកចក ក្រុង​សៀមរាប ខេត្ដ​សៀមរាប ។​

 

​ប្រភពព័ត៌មាន​ពី​ក្រុមអាជីវករ​ដែល​បានឃើញ​ហេតុការណ៍​ឲ្យ​ដឹងថា អំពើ​ប្លន់​អាជីវករ​លក់​មាស​នៅ​ផ្សារ​ដើម​ក្រឡាញ់​នេះ បង្កឡើង​ដោយ ជនសង្ស័យ​៣​នាក់ជិះ​ម៉ូតូ២​គ្រឿង​ប្រដាប់ ដោយ​អាវុធខ្លី​បាន​ភ្ជង់​យក​ស្បោង​ដាក់ គ្រឿងអលង្ការ ពី​ស្ដ្រី​រងគ្រោះ​រួចហើយ គេចខ្លួនបាត់​ដោយ​សុវត្ថិភាព ។ យ៉ា​ង​ណា​​ក៏ដោយ​គេ​អាច​បញ្ជាក់​ពី​ទំហំ​ទឹកប្រាក់ ដែល​បាត់បង់​នោះឡើយ ខណៈដែល​សមត្ថកិច្ច​បាននិង​កំពុង​សួរនាំ​ពី​បញ្ហានេះ ទៅលើ​ជនរងគ្រោះ ។ ប៉ុ​ន្ដែ​​សេចក្ដីរាយការណ៍​មួយចំនួន​បានឱ្យដឹងថា ទំហំ​ទឹកប្រាក់​ដែល​ត្រូវ​ក្រុមចោរ​ទាំង ៣​នាក់​ប្លន់ យក​នោះ ខ្ទង់​ម៉ឺន​ដុល្លារ ។​

 

​ប្រភព​ដដែល​បាន​បន្តទៀតថា អំពើ​ប្លន់​ប្រដាប់អាវុធ​នេះ​បាន​កើតឡើង​នៅពេលដែល​ស្ដ្រី​រងគ្រោះ ២ នាក់ ជា​អាជីវ​ករលក់​គ្រឿងអលង្ការ​នៅ ផ្សារ​ដើម​ក្រឡាញ់​បិទតូប ហើយ​នាំគ្នា​ជិះ​ម៉ូតូ​ហួស​ពី​ផ្សារ​បាន​ប្រហែល ១​គីឡូម៉ែត្រ ពេលនោះ​លេចមុខ​បុរស​ទាំង​៣​នាក់ ជិះ​ម៉ូតូ ២​គ្រឿង មក​ភ្ជង់​ពួកគេ​ទាំង​២​នឹង​កាំភ្លើងខ្លី ។ ជនសង្ស័យ​ទាំង​៣​នាក់ បាន​យក​កាំភ្លើង​វាយ ទៅលើ​ជនរងគ្រោះ បណ្ដាលឱ្យ​រងរបួស​ធ្ងន់ ខណៈដែល​ស្ដ្រី​រងគ្រោះ​មិន​ចង់​ប្រគល់​គ្រឿងអលង្ការ​ទៅឱ្យ​ពួកគេ ។​

 

​បច្ចុប្បន្ន​កម្លាំង​សមត្ថកិច្ច​ខេត្ដ​សៀមរាប​បាននិងកំពុង​បើក​ការ​ស្រាវ ជ្រាវ យ៉ាង​យក​ចិ​ត្ដ​ទុកដាក់​តាម​ចាប់​ក្រុម ចោរប្លន់​ទាំងនេះ យកមក​ផ្ដន្ទាទោស​តាមផ្លូវ​ច្បាប់ ៕

28-12-2013 (1) 28-12-2013 (2)

 

Leave a Reply

(*) Required, Your email will not be published