កុមារា​២​នាក់ ត្រូវ​ប្តី ប្រពន្ធ​ប្រើ​អំពើហិង្សា​វាយ​ធ្វើបាប​រហូតដល់​សន្លប់ ដោយ​ចោទថា បាន​លួច​លុយ​

, , Leave a comment

​ខេត្ដ​បាត់ដំបង ៖ កុមារា​២​នាក់​ត្រូវ​រងរបួស​ជា​ទម្ងន់ ខណៈដែល​ត្រូវ​ប្តី ប្រពន្ធ​ដែល​លក់​អីវ៉ាន់​ចាប់ហួយ​វាយ​ធ្វើបាប​លើ​រូបរាងកាយ​រហូតដល់​សន្លប់ ។ ហេតុការណ៍​នេះ​បានកើត​ឡើង​នៅ​ម៉ោង​៦​និង​៣០​ព្រលប់​ថ្ងៃទី​២៥ ខែធ្នូ ឆ្នាំ​២០១៣ ស្ថិតនៅ​ក្នុងភូមិ​ដួង ឃុំ​បឹងរាំង ស្រុក​កំរៀង ខេត្ដ​បាត់ដំបង ។​

 

​កុមារា​ទាំង​២​ដែល​រងរបួស​មាន ១.​ឈ្មោះ រី មោ​ញ អាយុ​១១​ឆ្នាំ និង​ទី​២.​ឈ្មោះ ហា លីន អាយុ​១៥​ឆ្នាំ ។ ចំណែក​ជនជាប់សង្ស័យ​ដែល​ប្រើ​អំពើហិង្សា​លើ​កុមារ​មានឈ្មោះ វណ្ណា អាយុ ៤៩​ឆ្នាំ ជា​ប្រពន្ធ និង​ឈ្មោះ អ៊ំ កន អាយុ ៥១​ឆ្នាំ ប្ដី​។​

 

​តាម​កំណត់ហេតុ​របស់​សមត្ថ​កិច្ច​បាន​ឲ្យ​ដឹងថា មុនពេល​កើតហេតុ​កុមារា​រងគ្រោះ​ទាំង​២​បាននាំគ្នា​ទៅ​ទិញ​នំ​នៅផ្ទះ​លក់​ចាប់ហួយ​ដែលមាន ចម្ងាយ​៥០​ម៉ែត្រ​ពី​ផ្ទះ​របស់ខ្លួន ។ លុះ​ពេល​ទិញ​នំ​បាន​ហើយ​ពួកគេ​ក៏​នាំគ្នា​ដើរ​ត្រឡប់មកផ្ទះ​វិញ តែ​នៅពេល​ដើរ​បាន​ពាក់កណ្ដាល​ផ្លូវត្រូវ​អ្នកលក់​ចាប់ហួយ​២​នាក់ ប្ដី ប្រពន្ធ​នេះ​ជិះ​ម៉ូតូ​មក​ឌុប​ពួកគេ​វិលត្រឡប់​ទៅផ្ទះ​លក់​ចាប់ហួយ រួច​ក៏​ប្រើ​អំពើហិង្សា​ដោយ​វាយ​ទាត់​ធាក់​ពួកគេ​ទាំង​២​បណ្ដាលឱ្យ​ម្នាក់​ឈ្មោះ រី មោ​ញ សន្លប់​បាត់មាត់​បាត់​.​ក​ទៀតផង ។​

 

​ប្រភព​ដដែល​បាន​បន្តទៀតថា អ្នកលក់​ចាប់ហួយ​ខាងលើនេះ​ពេលដែល វាយ​ទាត់​ធាក់​មកលើ​ពួកគេ​បាន​សម្លុត​គំរាមកំហែង ហើយ​បាន​ចោទ​ពួកគេ​ថា បាន​លួច​យកលុយ​នៅក្នុង​កន្ដ្រក​តែ​តាម ការពិត​ពួកគេ​មិនបាន​លួច​លុយ​អ្នកលក់ ចាប់ហួយ​នោះទេ គឺ​មានតែ​ប្រាក់​៥០០ រៀល យកទៅ​ទិញ​នំ​នៅផ្ទះ​លក់​ចាប់ហួយ​នោះ​ប៉ុណ្ណោះ ។ បន្ទាប់មក​អ្នកលក់​ចាប់ហួយ​នោះ​ក៏​ចាប់​ពួកគេ​បោះ​ចេញមកក្រៅ​ផ្ទះ ហើយ​បាន​បិទទ្វារ ។ មួយសន្ទុះ​ក្រោយមក​ក្រោយពី​ដឹងខ្លួន​ពួកគេ​ក៏​នាំគ្នា​ដើរមក​ផ្ទះ​រៀបរាប់​ប្រាប់​ឪពុកម្ដាយ​ពី​រឿងនេះ ។

 

​ក្រោយពេល​ដឹង​ហេតុការណ៍​បែបនេះ​ឪពុកម្តាយ​កុមារា​រងគ្រោះ​បាន​បញ្ជូន​កូន​ទៅ​មន្ទីរពេទ្យបង្អែក​ខេត្ដ​ប៉ៃលិន ព្រោះ​នៅ​ជិត​ជាង​មន្ទីរពេទ្យបង្អែក​ខេត្ដ​បាត់ដំបង និង​បានដាក់​ពាក្យបណ្ដឹង​ទៅ​សមត្ថកិច្ច ដើម្បី​ជួយ​រក​យុត្តិធម៌ ។ ចំណែក​ជនសង្ស័យ​ជា​ប្ដី ពេលនេះ​បាន​រត់​គេចខ្លួនបាត់​តែ​ប្រពន្ធ​មិនទាន់​រត់​ទៅណា​ទេ កំពុង​លក់ដូរ​ជាធម្មតា​៕

27-12-2013

 

Leave a Reply

(*) Required, Your email will not be published