សម្តេចតេ​ជោ​ចាប់ផ្តើម​បំពេញ​ទស្សនកិច្ច​ផ្លូវការ​ទៅកាន់​សាធារណរដ្ឋ​សង្គមនិយម​វៀតណាម​

, , Leave a comment

​រាជធានី​ភ្នំពេញ ៖ សម្ដេច​តេ​ជោ ហ៊ុន សែន នាយករដ្ឋមន្ដ្រី​នៃ​កម្ពុជា និង​សម្ដេច​កិ​ត្ដិ​ព្រឹទ្ធ​បណ្ឌិត ប៊ុនរ៉ានី​ហ៊ុន សែន នៅ​ព្រឹក​ថ្ងៃទី​២៦ ខែធ្នូ ឆ្នាំ​២០១៣​នេះ បាន​ដឹកនាំ​គណៈប្រតិភូជាន់ខ្ពស់ទៅ​បំពេញ​ទស្សនកិច្ច​ជា​ផ្លូវការ នៅ​ប្រទេស​វៀតណាម រយៈពេល​៣​ថ្ងៃ ចាប់ពី​ថ្ងៃទី​២៦​ដល់​ថ្ងៃទី​២៨ ខែធ្នូ ឆ្នាំ​២០១៣ តប​តាម​ការអញ្ជើញ​របស់ នាយករដ្ឋមន្ដ្រី​វៀតណាម លោក​ង្វៀន តាន់​យុង (Nguyen Tan Dung) ។​

M26-i-full 

​លោក ស្រ៊ី ថាមរុង្គ រដ្ឋមន្ត្រី​ប្រតិភូ​អម​នាយករដ្ឋមន្ត្រី​បាន​ប្រាប់​ក្រុម​អ្នកយកព័ត៌មាន ថា សម្តេច​តេ​ជោ​នាយករដ្ឋមន្ត្រី​ក៏​នឹង​ជួបពិភាក្សា​ការងារ ទ្វេភាគី​ជាមួយ​លោកនាយក​រដ្ឋមន្ត្រី​វៀតណាម និង​នៅក្នុង​ទស្សនកិច្ច​ផ្លូវការ​នេះ និង​ធ្វើជា​សាក្សី​ក្នុង​ពិធី​ចុះហត្ថលេខា​លើ​ឯកសារ​ចំនួន​៩​ដែល រួមមាន​៖

 

១-កិច្ចសម្របសម្រួល​ពាណិជ្ជកម្ម ទ្វេភាគី​រវាង​កម្ពុជា​និង​វៀតណាម សម្រាប់​ឆ្នាំ​២០១៤-២០១៥
២-កិច្ចព្រមព្រៀង​ស្ដីពី​ការផ្លាស់ប្ដូរ ទំនិញ​រវាង​កម្ពុជា​-​វៀតណាម​
៣-សន្ធិសញ្ញា​ស្ដីពី​បត្យាប័ន រវាង​កម្ពុជា​-​វៀតណាម​
៤-កិច្ចព្រមព្រៀង​ឥណទាន​សម្បទាន រវាង​កម្ពុជា​-​វៀតណាម​
៥-ផែនការ​សហប្រតិបត្តិ​ការ រវាង​ក្រសួង​អប់រំ យុវជន​និង​កីឡា​រវាង​កម្ពុជា​-​វៀតណាម​
៦-ផែនការ​សហប្រតិបត្តិ​ការ ស្ដីពី​ព័ត៌មាន​រវាង​ក្រសួង​ព័ត៌មាន កម្ពុជា​-​វៀតណាម​
៧-ផែនការ​សហប្រតិបត្តិ​ការ ឆ្នាំ​២០១៤ រវាង​ក្រសួងមហាផ្ទៃ នៃ​ប្រទេស​ទាំងពីរ​
៨-អនុស្សារណៈ​នៃ​ការយោគយល់​គ្នា ស្ដីពី​ផែនការ​សហប្រតិបត្តិកា​ររ វាង​បណ្ណសារដ្ឋាន​ជាតិ នៃ​ទីស្ដីការគណៈរដ្ឋមន្ត្រី​កម្ពុជា និង​សកល​វិទ្យាល័យ​ហាណូយ នៃ​ក្រសួង​កិច្ចការ​ផ្ទៃក្នុង នៃ​ប្រទេស​វៀតណាម​។​

26-12-2013

​ក្នុង​ដំណើរ​បំពេញ​ទស្សនកិច្ច​នៅ​ប្រទេស​វៀតណាម សម្ដេចនាយក​រដ្ឋមន្ត្រី ក៏​នឹង​ជួប​សម្តែង​ការគួរសម​ដាច់​ដោយ ឡែក ជាមួយ​លោក​ង្វៀន ស៊ីន​ហ៊ុ​ង ប្រធានសភា​វៀតណាម លោក ជ្រឿ​ន តឹង​សាន ប្រធានាធិបតី​វៀតណាម និង លោក ង្វៀន ភូ​ត្រុ​ង អគ្គលេខាធិការ​បក្ស​កុម្មុយនីស្ដ​វៀតណាម​ផងដែរ​។​

 

​សម្តេច​តេ​ជោ ហ៊ុន សែន ដឹកនាំ​គណៈប្រតិភូ​ចេញទៅ​បំពេញ​ទស្សនកិច្ច​នៅ​ប្រទេស​វៀតណាម បានធ្វើ​ឲ្យ​មានការ ទាក់ទាញ​អារម្មណ៍​យ៉ាងខ្លាំង​ពី​មហាជន​ទូទៅ ទោះបី​ដំណើរ​ទស្សនកិច្ច​នេះ ត្រូវបាន​ក្រសួងការបរទេស​បញ្ជាក់​ថា ធ្វើឡើង​ក្នុង​ចំណង​ពង្រឹង​ការទូត នៃ​ប្រទេស​ទាំងពីរ​យ៉ាងណាក្តី​។​

a1

​ការចាប់អារម្មណ៍​ពី​មហាជន​នោះ ក៏ដោយ​សារ​ដំណើរ​ទស្សនកិច្ច​របស់​សម្តេច នៅក្នុង​ប្រទេស​វៀតណាម គឺ​ធ្វើ​នៅ ចំពេល​គណបក្ស​សង្គ្រោះ​ជាតិ និង​ក្រុម​អ្នកគាំទ្រ​របស់ខ្លួន កំពុងបើក​យុទ្ធនាការ​មហា​បាតុកម្ម​ជា​រៀងរាល់ថ្ងៃ ប្រឆាំង​ទៅនឹង​តួនាទី​របស់​សម្តេច​ជា​នាយករដ្ឋមន្ត្រី រួម​និង​ការទាមទារ​ឲ្យ​បោះឆ្នោត​ឡើងវិញ​។ មិនតែប៉ុណ្ណោះ ក្រុម​បក្សប្រឆាំង និង​អ្នកគាំទ្រ បាននិងកំពុង​យក​ប្រធានបទ នៃ​លំហូរ​អន្តោប្រវេសន៍​របស់​វៀត​ណា​ម នៅលើ​ទឹក ដី​កម្ពុជា​ជា​ប្រធានបទ​ក្តៅ​ដាក់បន្ទុក​លើ​រាជរដ្ឋាភិបាល​បច្ចុប្បន្ន រួម​និង​ការចោទប្រកាន់​មួយចំនួនទៀត លើ​ចំណង ទំនាក់ទំនង​ស្អិតរ​មួ​ត​រវាង​សម្តេច​តេ​ជោ ហ៊ុន សែន ជាមួយ​រដ្ឋាភិបាល​វៀត​ណា​ម ពី​អតីតកាល ក៏​ដូច​ពេលបច្ចុប្បន្ន ៕

 

 

Leave a Reply

(*) Required, Your email will not be published