ឃុំខ្លួន​បុរស​អូស្ត្រាលី ពាក់ព័ន្ធ​គ្រឿងញៀន

, , Leave a comment

រាជធានី​ភ្នំពេញ ៖ បុរស​អូស្ត្រាលី​ម្នាក់ដែល​ធ្វើ​សកម្មភាព​ជួញដូរ និង​ចែកចាយ​គ្រឿងញៀន ក្នុង​បារ​ជនបរទេស និង​តាម​ជួរ​មាត់ទន្លេ ត្រូវបាន​សាលាដំបូង​រាជធានី​ភ្នំពេញ សម្រេច​ឃុំខ្លួន​ដាក់ពន្ធនាគារ កាលពី​ថ្ងៃទី ២៤ ធ្នូ ២០១៣​។

 

​បុរស​អូស្ត្រាលី​រូបនេះ​ឈ្មោះ JENSEN ALANROLF រហស្សនាម “​គីង​កុង​” កាន់​លិខិតឆ្លងដែន​លេខ M7043607 ស្នាក់នៅ​ផ្ទះជួល​លេខ​៧៩E1 តាម​បណ្តោយ​ផ្លូវ​លេខ​១១០ សង្កាត់​វត្តភ្នំ ខណ្ឌដូនពេញ ត្រូវបាន​កម្លាំង​កងរាជអាវុធហត្ថ​ខណ្ឌដូនពេញ សហការ​ជាមួយ​កងរាជអាវុធហត្ថ​ខណ្ឌទួលគោក ដឹកនាំ​ដោយ​លោក​ព្រះរាជអាជ្ញារង មាស ច័ន្ទ​ពិសិដ្ឋ ឃាត់ខ្លួន​កាលពី​ថ្ងៃទី ២០ ធ្នូ ២០១៣ និង​ដកហូត​ថ្នាំញៀន​ប្រភេទ​ម៉ា​ទឹកកក​មួយចំនួន  អាភៀន​១​ដុំ​តូច ថ្នាំញៀន​ពណ៌​ស​ប្រផេះ​មួយចំនួន កញ្ឆា​ក្រៀម សារធាតុ​ផ្សំ​មួយចំនួន ជញ្ជីង​សម្រាប់​ថ្លឹង​ថ្នាំញៀន​មួយ និង​សម្ភារៈ​ពាក់ព័ន្ធ​មួយចំនួនទៀត រួច​បញ្ជូន​ជនសង្ស័យ និង​វត្ថុតាង ទៅ​ទីបញ្ជាការ​កងរាជអាវុធហត្ថ​រាជធានី​ភ្នំពេញ ដើម្បី​ចាត់ការ​បន្ត​។​

25-12-2013

​ប្រភពព័ត៌មាន​ពី​សមត្ថកិច្ច​បានឱ្យដឹង​ថា បុរស​អូស្ត្រាលី​រូបនេះ ត្រូវបាន​កម្លាំង​សម្ងាត់​របស់​កងរាជអាវុធហត្ថ​ខណ្ឌទួលគោក ធ្វើការ​ស្រាវជ្រាវ​ជា​យូរណាស់​មកហើយ ដោយ​រូបគេ​គឺជា​មុខសញ្ញា​ជួញដូរ និង​ចែកចាយ​ថ្នាំញៀន​យ៉ាងសកម្ម​ក្នុង​រាជធានី ភ្នំពេញ ជាពិសេស​លក់​គ្រឿងញៀន ទៅឱ្យ​ជនបរទេស​នៅតាម​បារ​ជនបរទេស ប្រមាណ​ជិត​១០០​កន្លែង ស្ថិតក្នុង​សង្កាត់​ផ្សារកណ្តាល​ទី​១ ខណ្ឌដូនពេញ និង​តាម​ជួរ​មាត់ទន្លេ​៕

 

Leave a Reply

(*) Required, Your email will not be published