ស្ត្រី​អ្នក​គួ​ក​ជេរ​ដី សាលាដំបូង​រាជធានី​ភ្នំពេញ​កាត់ទោស​ដាក់ពន្ធនាគា​រ ៨​ខែ ករណី​ស៊ីដាច់​ប្រាក់​ទិញ​ដី​នៅ​ខេត្តកំពង់ធំ​

, , Leave a comment

​រាជធានី​ភ្នំពេញ ៖ សាលាដំបូង​រាជធានី​ភ្នំពេញ​នា​ព្រឹក​ថ្ងៃទី​២៤ ខែធ្នូ នេះ បានប្រកាស​សាលក្រម​សម្រេច​ផ្តន្ទាទោស​ស្ត្រី​គួ​ក​ជេរ​ដី​ម្នាក់ ដាក់ពន្ធនាគារ​៨​ខែ ពីបទ​រំលោភ​លើ​ទំនុកចិត្ត តែ​សម្រេច លើកលែង​ការចោទប្រកាន់​ពីបទ​ក្លែងបន្លំ​ឯកសារ​សាធារណៈ រួច​បង្គាប់​ឲ្យ​ស្ត្រី​រូបនេះ​សង ប្រាក់​ដល់​ដើមបណ្តឹង​ចំនួន​៥២០០០​ដុល្លារ​អាមេរិក និង​ជំងឺ​ចិត្ត​១០​លាន​រៀល ។​

 

ជនជាប់ចោទ​នេះ​មានឈ្មោះ ហៀ​ង ច​ន្ធី  អាយុ​៣២​ឆ្នាំ ត្រូវបាន​សមត្ថកិច្ច​ក​ង​រាជ​អាវុធហត្ថ​ចាប់ខ្លួន​នៅ​រាជធានី​ភ្នំពេញ​កាលពី ខែមិថុនា ឆ្នាំ ២០១២ ដោយយោង​លើ​ពាក្យបណ្តឹង​របស់​ជនរ​ង​គ្រោះ​ឈ្មោះ សុខ សុ​គុណ ។​

 

ក្នុង​ពាក្យបណ្តឹង​បាន​បញ្ជាក់ថា កាលពី​ខែសីហា ឆ្នាំ​២០១២ ឈ្មោះ សុខ សុ​គុណ បាន​ឲ្យ​ឈ្មោះ​ហៀ​ង ច​ន្ធី ជួយ​ទិញ​ដី​ចំនួន​១៣៦​ហិកតា ពី​កសិករ​នៅ​ឃុំ​ស្រឡៅ ស្រុក​បារាយណ៍ ខេត្តកំពង់ធំ ហើយ​ឈ្មោះ សុខ សុ​គុណ បានប្រគល់​ប្រាក់​ចំនួន​១២​ម៉ឺន​ដុល្លារ​ដើម្បី​រត់ការ​។ រហូតមកទល់​ពេលនេះ​ឈ្មោះ ហៀ​ង ច​ន្ធី ពុំបាន​យក​ដី​មក​ឲ្យ​ទេ ហើយ​បាន​គេចវេស​ថែមទៀត​។​

 24-12-2013

ចំណែក​ស្ត្រី​ជាប់ចោទ​ឈ្មោះ ហៀ​ង ច​ន្ធី បាន​បដិសេធ​ចំពោះ​ការចោទប្រកាន់​នេះ ដោយ​នាង​ប្រាប់ថា​បានទទួល​ប្រាក់​តែ​៧​ម៉ឺន​ដុល្លារ​ពី​ឈ្មោះ សុខ សុ​គុណ ហើយ​លុយ​ទាំងនោះ​បាន​កក់​ទៅ​ឲ្យ​កសិករ​ដែល​ព្រម​លក់​ដី​របស់​ពួកគេ​ទៅ​ឲ្យ ឈ្មោះ សុខ សុ​គុណ នោះ​។ ចំពោះ​ដី ១៣៦ ហិកតា និង​លិខិតបញ្ជាក់​ឯកសារ​ត្រូវបាន​ផ្ទេរ​ទៅ​ឲ្យ​ភរិយា​របស់លោក សុខ សុ​គុណ ឈ្មោះ ដាន ច​ន្ធី និង​ម្តាយក្មេក​ឈ្មោះ ដាន ចាន់ថន រួចរាល់​ហើយ​៕

 

Leave a Reply

(*) Required, Your email will not be published