អ្នកបើក​ម៉ូតូ​រ៉ឺម៉ក​កង់​បី បោក​ក្បាល​សន្លប់​ស្តូក ខណៈដែល​ជនជាតិ​ចិន​បើក​រថយន្តបុក​ពេញទំហឹង​

, , Leave a comment

​រាជធានី​ភ្នំពេញ ៖ បុរស​ម្នាក់​បាន​រងរ​បួស​ធ្ងន់ ខណៈដែល​បុរស​ជនជាតិ​ចិន​ម្នាក់​បាន​បើកបរ​គ្មាន​ការប្រុងប្រយ័ត្ន​ជ្រុល​ទៅបុក​ម៉ូតូ​រ៉ឺម៉ក​កង់​បី​ក្នុងទិសដៅ​បញ្ច្រាស​គ្នា ។ ហេតុការណ៍​គ្រោះថ្នាក់​ចរាច​ណ៍​មួយ​នេះ​បាន​កើតឡើង​កាលពី​វេលា​ម៉ោង​១២​និង​៤០​នាទី​រសៀល ថ្ងៃទី​២៤ ខែធ្នូ ឆ្នាំ​២០១៣ ឋិត​នៅតាម​បណ្ដោយ​ផ្លូវ​សហព័ន្ធរុស្ស៊ី ចំណុច​មុខ​ស្ថានីយ៍​ប្រេងឥន្ធនៈ​តូ​តា​ល់ ឋិត​ក្នុងភូមិ​តា​ងួន សង្កាត់​កា​កាប ខណ្ឌ​ពោធិ៍​សែន​ជ័យ រាជធានី​ភ្នំពេញ​។​

 

​ជនរងគ្រោះ​មានឈ្មោះ ផុន ចិន្ដា ភេទ​ប្រុស អាយុ​៥៦​ឆ្នាំ មុខរបរ​រត់​រ៉ឺម៉ក​កង់​បី មាន​ទីលំនៅ​ភូមិ​ត្រពាំង​អញ្ចាញ​១ សង្កាត់​ត្រញំង​ក្រសាំង ខណ្ឌ​ពោធិ៍​សែន​ជ័យ ។​ ចំណែក​​ជន​បង្ក​មាន​ឈ្មោះ សៀង ស៊ិនសុង អាយុ៤៥ឆ្នាំ ជនជាតិចិន អាសយដ្ឋានក្នុងប័ណ្ណបើកបរនៅភូមិគ្រួស ឃុំរប្អៀរ ស្រុលរលាប្អៀរ ខេត្តកំពង់ឆ្នាំង​។

 

​ប្រភពពី​កន្លែងកើតហេតុ​បាន​ឲ្យ​ដឹងថា មុនពេល​កើតហេតុ​ជនរងគ្រោះ​បាន​ជិះ​ម៉ូតូ​រ៉ឺម៉ក​កង​បី​ពាក់​ស្លាក​លេខ ង​.២៧១២ ភព​១ តាម​បណ្តោយ​ផ្លូវ​សហព័ន្ធរុស្ស៊ី​ក្នុងទិសដៅ​ពី​លិចទៅ​កើត ។ លុះ​មកដល់​ចំណុចកើតហេតុ​ស្រាប់តែ​រថយន្ត​ម៉ាក​ឡិច​ស៊ី​ស RX300 ពណ៌​ទឹកប្រាក់ ពាក់​ស្លាក​លេខ​ភ្នំពេញ 2R-9280 បើកបរ​ដោយ​បុរស​ជនជាតិ​ចិន មាន​អាយុ​ជាង​៤០​ឆ្នាំ បាន​បុក​យ៉ាង​ពេញទំហឹង​បណ្តាល​ឲ្យ​បុរសរងគ្រោះ​បាន​បោក​ក្បាល​នឹង​ថ្នល់​សន្លប់​ស្តូក ។​

24-12-2013

​ក្រោយ​កើតហេតុ​សមត្ថកិច្ច​បាន​ចុះ​ធ្វើការ​វាស់វែង និង​ឃាត់​ជនជាតិ​ចិន ទៅ​សាកសួរ ព្រមទាំង​រថយន្ត​បង្ក និង​ម៉ូតូ​រ៉ឺម៉ក​របស់​ជនរងគ្រោះ យកទៅ​រក្សា​នៅ​អធិការដ្ឋាន រង់ចាំ​ការដោះស្រាយ​ជា​ក្រោយ ។  ចំណែក​ជនរងគ្រោះ​ត្រូវបាន​រថយន្ត​សង្គ្រោះ​ដឹកយក​សង្គ្រោះ​នៅ​គ្លីនិក​ឯកជន​៕

 

Leave a Reply

(*) Required, Your email will not be published