ស្រវឹង​ខ្លាំង​ប្រញាប់​ទៅផ្ទះ ជិះ​លឿន​រេ​ពេញ​ផ្លូវ​ទៅបុក​រថយន្ត​សន្លប់​ស្តូក​

, , Leave a comment

​រាជធានី​ភ្នំពេញ ៖ បុរស​ម្នាក់​ដេក​ដួលសន្លប់​នៅនឹងកន្លែង​កើតហេតុ ខណៈដែល​ជិះ​ម៉ូតូ​ទាំង​ស្រវឹង​ជោកជាំ​រេ​ពេញ​ដងផ្លូវ​ហើយ​ជ្រុល​ទៅបុក​រថយន្ដ ។ ហេតុការណ៍​គ្រោះថ្នាក់​ចរាចរណ៍​ខា​ង​លើ​នេះ​​បានកើត​ឡើង​កាលពី​វេលា​ម៉ោង​១២​និង​១៥​នាទី រំលងអធ្រាត្រ​ឈានចូល ថ្ងៃទី​២៣ ខែធ្នូ ឆ្នាំ​២០១៣ នៅ​ទល់មុខ​វត្ដ​សុភា​ឃួន តាម​បណ្ដោយ​មហាវិថី សហព័ន្ធរុស្ស៊ី ភូមិ​ព្រៃទា សង្កាត់​ចោមចៅ ខណ្ឌ​ពោធិ៍​សែន​ជ័យ រាជធានី​ភ្នំពេញ​។

 

​ជនរងគ្រោះ​ឈ្មោះ កែម ទីដែន ភេទ ប្រុស អាយុ​២៤​ឆ្នាំ មុខរបរ​ជា​ពេទ្យធ្មេញ​រស្មី​អូរ​ដឹ​ម ស្នាក់នៅ​ភូមិ​អូរ​ដឹ​ម សង្កាត់ ចោមចៅ ខណ្ឌ​ពោធិ៍​សែន​ជ័យ ។​

 

​តាម​ប្រភពព័ត៌មាន​ពី​កន្លែងកើតហេតុ​បានឱ្យដឹងថា នៅ​មុនពេល​កើតហេតុ​ជនរងគ្រោះ​បាន​ជិះ​ម៉ូតូ​ម៉ាក​អាយ​ខន ពណ៌​សលាយ​ក្រហម ពាក់​ស្លាក​លេខ​ភ្នំពេញ​1BG-0670 ក្នុងទិសដៅ​ពី​លិ​ច​ទៅ​​កើត​យ៉ាង​លឿន​ហើយ​បាន ជែង​រថយន្ដ​មួយគ្រឿង​ក៏​ជ្រុល​ទៅបុក​រថយន្ដ​ដែល​បើក​ស្រប​ទិស​គ្នា​ចំ​ពី ក្រោយ​បណ្ដាលឱ្យ​ជនរងគ្រោះ​ដួល​បែក​មុខ​បែក​មាត់​សន្លប់​ដេក​ស្ដូកស្ដឹង​នៅនឹ​ង​ក​ន្លែ​ង​​កើត ។ រីឯ​អ្នកបើកបរ​រថយន្ដ ឃើញ​ជនរងគ្រោះ​ដេក​សន្លប់​បែក​មុខ មាត់ ដ​ច្នេះ​ក៏​បើក​រត់គេចខ្លួន​បាត់ស្រមោល​តែម្ដង ។​

24-12-2013

​ក្រោយ​កើតហេតុ​សមត្ថកិច្ច​មូល​ដ្ឋា​ន​បាន​ឃើញតែ​ជនរងគ្រោះ និង​ម៉ូតូ​តែប៉ុណ្ណោះ រួចហើយ​សមត្ថកិច្ច​បា​ន​បើករថយន្ដ​សង្គ្រោះ ដឹក​ជនរងគ្រោះ​យកទៅ​ព្យាបាល ចំណែក​ម៉ូតូ​សមត្ថកិច្ច​ប្រ​គ​ល់​ឱ្យ​សាច់ញាតិ​ក្រុមគ្រួសារ​យកទៅ​ជួសជុល​ដោយ​ខ្លួនឯង ៕

 

Leave a Reply

(*) Required, Your email will not be published