អ្នកដំណើរ ១៤ នាក់ ត្រូវបាន​ស្លាប់ ក្នុង​ឧបទ្ទវហេតុ​រថយន្តក្រុង​១​គ្រឿង ធ្លាក់ចូល​ជ្រោះ​ជម្រៅ​១០​ម៉ែត្រ​

, , Leave a comment

​ប្រទេស​ប្រេ​ស៊ី​ល ៖ យ៉ាងហោចណាស់​អ្នកដំណើរ ១៤ នាក់ ត្រូវបាន​ស្លាប់ ក្នុង​ឧបទ្ទវហេតុ​រថយន្តក្រុង​១​គ្រឿង ធ្លាក់ចូល​ជ្រោះ​ជម្រៅ ១០ ម៉ែត្រ ស្ថិតក្នុង​ទីក្រុង Sao Lourenco da Serraប្រទេស​ប្រេ​ស៊ី​ល ។ រថយន្តក្រុង​ដែល​ផ្ទុក​អ្នកដំណើរ​ទាំងអស់ ៥៤ នាក់ បានចេញ​ដំណើរ​ពី Curitiba ក្នុង​រដ្ឋ Parana ភាគខាងត្បូង ទៅកាន់ Rio de Janeiro ។ វា​បាន​ធ្លាក់ចូល​ជ្រោះ នៅ​ចម្ងាយ​ប្រមាណ ៥០ គីឡូម៉ែត្រ ពី Sao Paulo, ទីក្រុង​ដ៏​ធំ​បំផុត នៃ​ប្រទេស​ប្រេ​ស៊ី​ល និង​អាមេរិក​ខាងត្បូង នៅវេលា​ម៉ោង ២ និង ៣០ នាទី​ព្រឹក​ថ្ងៃអាទិត្យ ។​នេះ​បើ​យោងតាម​ទីភ្នាក់ងារ CLI​ ដែល​បាន​ចុះផ្សាយ​កាលពី​ព្រឹក​មិញ​នេះ​។

23-12-2013

រហូតមកទល់​ពេលនេះ មូលហេតុ​នៃ​ហេតុការណ៍​នេះ មិនទាន់​ត្រូវបាន​កំណត់​នៅឡើយ​ទេ​, ប៉ុន្តែ ពួក​អាជ្ញាធរ​បាន​សង្ស័យថា អ្នកបើកបរ​អាច​ងងុយ​ដេក ។ មនុស្ស ១២ នាក់ ក្នុងនោះ​មាន​កុមារ​ម្នាក់ បាន​រងរបួស​នៅក្នុង​ហេតុការណ៍​គ្រោះថ្នាក់​ចរាចរណ៍​បង្កឡើង​ដោយ​ខ្លួនឯង​នេះ ។ ជនរងគ្រោះ​ទាំងអស់​ត្រូវ បញ្ជូន​ទៅកាន់​មន្ទីរពេទ្យ ដើម្បី​សង្គ្រោះ​ជីវិត​ផងដែរ ៕

 23-12-2013 (1)

 

Leave a Reply

(*) Required, Your email will not be published