២៤ នាក់​បាន​របួស​ក្នុង​ហេតុការណ៍​ប​ន្ទុះ​គ្រាប់បែក​ជា​បន្តបន្ទាប់​ក្នុង​ខេត្ត​សុង​ក្លា​

, , Leave a comment

​ប្រទេស​ថៃ ៖ យ៉ាងហោចណាស់​មនុស្ស​ចំនួន ២៤ នាក់​ក្នុងនោះ​មាន​ទេសចរ​ជនជាតិ​ម៉ាឡេស៊ី ២​នាក់​ផងដែរ​បាន​ទទួលរង​របួស​ក្នុង​ហេតុការណ៍​គប់​គ្រាប់បែក​ចំនួន ៣ គ្រាប់​នៅមុខ​ប៉ុស្តិ៍​ន​គ​រ​បា​ល​​មួយកន្លែង​ស្ថិតក្នុង​ស្រុក​សា​ដាវ ខេត្ត​សុង​ក្លា ភាគខាងត្បូង​ប្រទេស​ថៃ កាលពី​ម្សិលមិញ ។ នេះ​បើ​យោង​ទីភ្នាក់ងារ ដឺណេ​ហ្ស៊ុ​ន​ របស់​ប្រទេស​ថៃ​ដែល​បាន​រាយការណ៍​កាលពី​ព្រឹក​មិញ​នេះ​។​

Songkla_23-12-2013

​ក្រុមមន្ត្រី​សន្តិសុខ​បាន​អះអាងថា ការផ្ទុះ​ទាំងនេះ ទំនងជា​ស្នាដៃ​របស់​ពួក​បំបែក​ខ្លួន ប៉ុន្តែ​ពួកគេ​នឹង​បន្ត​ការស៊ើបអង្កេត​បន្ថែមទៀត​។ ភាគច្រើន​នៃ​អ្នករបួស គឺ​ស្នាក់​នៅក្នុង​សណ្ឋាគារ​មួយ ត្រង់​កន្លែង​ដែល​ភ្ញៀវទេសចរ​ជាតិ និង​ទេសចរ​បរទេស​ប្រមូល​ផ្តុំគ្នា​។ យ៉ាងណាក៏ដោយ​អាជ្ញាធរ​បាន​អះអាងថា ជនរងគ្រោះ​ទាំងអស់​សុទ្ធតែ​របួសស្រាល​។​

Songkla_23-12-2013 (1)

​ការផ្ទុះ​គ្រាប់បែក​នៅ​ចំណុច ព្រំប្រទល់​រវាង​ថៃ​និង​ម៉ាឡេស៊ី​លើក​នេះ បណ្តាល​ឲ្យ​ខូចខាត​រថយន្ត​យ៉ាងតិច​៤​គ្រឿង​ផងដែរ​។ គេ​ជឿថា ការវាយប្រហារ​នេះ គឺជា​ការ​គំរាម​របស់​ពួក​ឧទ្ទាម ស្រប​ពេលដែល​រាជរដ្ឋាភិបាល បាន​ផ្អាក​ការចរចា​ជាមួយ​ពួក​បះបោរ​នា​ភាគខាងត្បូង​។ រយៈពេល​ជិត​១០​ឆ្នាំ​កន្លងទៅនេះ មាន​មនុស្ស​រាប់ពាន់នាក់​បាន​ស្លាប់ ដោយសារតែ​ការវាយប្រហារ​របស់​ពួក​ឧទ្ទាម នា​ភាគខាងត្បូង​ប្រទេស​ថៃ​៕

  Songkla_23-12-2013 (2) Songkla_23-12-2013 (3) Songkla_23-12-2013 (4)

 

Leave a Reply

(*) Required, Your email will not be published