ជិះ​ម៉ូតូ​ទៅបុក​រថយន្ត​ដឹក​ស្រូវ​ចត​ស្ងៀម ដួល​បោក​ក្បាលស្លាប់​​ភ្លាមៗនៅ​នឹងកន្លែង

, , Leave a comment

ខេត្តបន្ទាយមានជ័យ ៖ ហេតុការណ៍គ្រោះ​ថ្នាក់​ចររាចរណ៍មួយ​​បាន​កើតឡើង​កាល​វេលាម៉ោង១រំលងអធ្រាត្រ​ឈានចូល​ថ្ងៃទី ២៣ ខែធ្នូ ឆ្នាំ២០១៣នេះ បណ្តាល​ឲ្យ​បុរស​ម្នាក់​បាន​ស្លាប់​ភ្លាមៗ​នៅនឹងកន្លែង ខណៈដែល​​ជ្រុល​ទៅបុក​រថយន្ត​ដឹកស្រូវ​ដែល​ចត​ស្ងៀម​ពីក្រោយ ឋិត​នៅលើ​កំណាត់​ផ្លូវជាតិ​លេខ៥ ចំណុច​មណ្ឌល​សុខភាព​ឃុំ​បន្ទាយ​នាង ស្រុក​មង្គលបុរី ខេ​ត្ត​ប​ន្ទា​យ​មា​នជ័យ។

 

ជន​រងគ្រោះ​ដែល​ស្លាប់​បាត់​បង់ជីវិត​មានឈ្មោះ រ៉េត វណ្ណា ភេទ​ប្រុស អាយុ២៩ឆ្នាំ រស់នៅ​ភូមិ​ឃុំ​ជ្រៃ ស្រុក​ថ្មគោល ខេត្តបាត់ដំបង។

 

ប្រភព​ពី​កន្លែង​កើត​ហេតុ​បាន​ឲ្យ​ដឹងថា ​មុន​ពេល​កើត​ហេតុ​​ជន​រងគ្រោះ បាន​ជិះ​ម៉ូតូ​ម៉ាកឌ្រី​មសេ១២៥ ពណ៌​ខ្មៅ ពាក់​ស្លាក​លេខស្ទឹងត្រែង 1A-3324 តែម្នាក់ឯង​ក្នុង​ល្បឿនយ៉ាងលឿន។ លុះ​មកដល់​ចំណុច​កើតហេតុ​ខាងលើ​ ក៏បាន​ទៅបុក​ពីក្រោយ​រថយន្ត​បែន​ដឹកស្រូវ​បណ្ដាល​ឲ្យ​ស្លាប់​នៅនឹងកន្លែង​តែម្តង។ ចំណែក​អ្ន​ក​បើក​រថយន្ត​ដឹកស្រូវ​ពេល​បាន​ឃើញ​ហេតុការនេះ​បាន​បាន​បើក​គេចខ្លួនបាត់ស្រមោល។

23-12-2013

ក្រោយ​កើត​ហេតុ​​សមត្ថកិច្ច​បាន​ចុះ​ធ្វើ​ការ​វាស់​វែង​ និង​​ស្វែង​រក​​ក្រុម​គ្រួសារ​សព​ដើម្បី​យក​ទៅ​ធ្វើ​បុណ្យ​តាម​ប្រពៃណី៕

 

Leave a Reply

(*) Required, Your email will not be published