ជនជាតិអេហ្ស៊ីព ឥណ្ឌា ឬ ចិន សម័យបូរាណ សុទ្ធសឹងមាននូវទស្សនៈលាយឡំនឹងគន្លឹះរួមរក្សដ៏ពិសេសៗ ។ តាំងពីរាប់ពាន់ឆ្នាំមុន ជនជាតិអេហ្ស៊ីប មាននូវគន្លឹះច្រើនយ៉ាង ដើម្បីបង្កើនសុខភាពផ្លូវភេទ ក៏ដូចជាការបង្ការជំងឺឆ្លងតាមការរួមភេទ ត្រូវបានកត់ត្រាទុកដោយអក្សរបូរាណ ដែលបានសរសេរលើក្រដាស Papurus ។
តាមរយៈការសិក្សាបូរាណវិទ្យា គេបញ្ជាក់បានថា ជនអេហ្ស៊ីបបូរាណ បានរកឃើញវត្តមាន នៃជំងឺឆ្លងតាមផ្លូវភេទ ដោយសារមេរោគ Chilamydia Tradiomatis ក៏ដូចជារោគខ្សោយផ្លូវភេទ អសមត្ថភាពចំពោះបុរសៗ ។
ដើម្បីមានជីវភាព Sex សុវត្ថិភាព ជនអេហ្ស៊ីបបូរាណ បានរកឃើញស្រោមអនាម័យ ដែលជាវិធានការពន្យាកំណើតដំបូងលើលោក ។ វត្ថុនេះធ្វើពីស្បែករបស់សត្វ ឬ ធ្វើពីសារធាតុចម្រុះពីជ័រដើមឈើម្យ៉ាង មានភាពស្អិតដូចស្បែម គួបផ្សំនឹងទឹកឃ្មុំ ព្រមទាំងសារធាតុដទៃទៀត ។ បន្ទាប់ពីលាយច្របល់សារធាតុទាំងនេះចូលគ្នា គេធ្វើឲ្យវាសើម រួចយកទៅដាក់នៅទ្វាមាស ដើម្បីទប់ស្កាត់កុំឲ្យស្ពែមសំរុកចូលក្នុងស្បូនបាន ។
ទន្ទឹមនោះ ស្ត្រីអេហ្ស៊ីបបូរាណ ក៏បរិភោគយ៉ាអួរច្រើន ដើម្បីបង្កើនកំរិតអាស៊ីដ ក្នុងទ្វាមាស ហើយអាចបន្ថយបាននូវគុណភាពរបស់ស្បែម ពេលចូលក្នុងសរីរាង្គ ។ នេះជាវិធីពន្យាកំណើតដ៏មានប្រសិទ្ធិភាព នាសម័យកាលនោះ ។
ស្ត្រីចិនវិញ តែងល្បីល្បាញនឹងគន្លឹះធ្វើឲ្យជានិច្ចកាល “បរិសុទ្ធ” ក្នុងនោះមានទាំងគម្ពីរសម្រាប់រៀនសូត្រទៀតផង ។ លេចធ្លោជាងគេនោះ គឺរបៀបរួមភេទ ដែលកាន់តែ “ប្រព្រឹត្ត” កាន់តែក្មេងខ្ចី ស្អាតដូចនារីព្រហ្មចារីយ៍ ។
តាមវេជ្ជបណ្ឌិតម្នាក់ ក្រោយមក បានស្រាវជ្រាវឃើញថា គេបានហ្វឹកហាត់ធ្វើឲ្យប្រដាប់ភេទកាន់តែតឹងណែនជានិច្ច ។ អ្នកខ្លះទៀត វិភាគថា វាជាវិធីបំពេញធាតុញី ធ្វើឲ្យធាតុឈ្មោល កាន់តែខ្លាំងក្លាឡើង ដែលគ្មានឱសថណាប្រៀបប្រដូចបាន ។ ជនជាតិឥណ្ឌាវិញ មានគម្ពីរបូរាណ Kama Sutra ដែលកើតឡើងអំពីបញ្ហាផ្លូវភេទ ។ វាត្រូវានសរសេរអំឡុងសតវត្សទី២ មុនគ្រឹស្តសករាជ ដែលរួមមានកំណាព្យចំនួន ១.២៥០ ចែកជា ១៧ ជំពូក ។ វាត្រូវបានចាត់ទុកជាសៀវភៅឈានមុខ ហ៊ានបកស្រាវអាថ៌កំបាំងពិបាកទទួលយក នាជំនាន់នោះ ។
តាបស Millamaga Vatsyayana បានសរសេរ Kama Suta ជាភាសាសំស្ក្រឹត ណែនាំអំពី “ឥរិយាបថ” ក្នុងការរួមភេទ ដើម្បីឲ្យធាតុញីឈ្មោលច្របាច់ចូលគ្នាបាន ទាំងរាងកាយ និងស្មារតី ពុំមែនសម្រេចតែកាមគុណផ្លូវភេទប៉ុណ្ណោះទេ ។
មានឥរិយាបថតិចតួច ក្នុង Kuma Sutra ដែលពណ៌នាអំពីរបៀបរួមសង្វាស់ឲ្យឈានដល់កំពូល ហើយក្នុងនោះភាគច្រើនលើកឡើងពីរចនាសម្ព័ន្ធ នៃសរីរាង្គ បំរែបំរួលចិត្តសាស្ត្ររបស់បុរស និងនារី មុន និងក្រោយពេលរួមសង្វាស់ ។ មិនត្រឹមប៉ុណ្ណឹងទេ Vatsyayana នៅបានលើកឡើងពីរឿង “ទំនាក់ទំនង” រវាងបុរស និងនារី ត្រូវស្មើភាពគ្នា គឺពុំមែនអនុលោកតាមទស្សនៈអភិរក្ស ដែលថា បុរសត្រូវម្ចាស់ការក្នុងរឿងនេះ ៕
