ក្រោយ​​ទ​ទួល​​ភ្លើង​​ខៀ​វ​​ពី​​​​លោ​​ក​​​ ​ឃិន​ ​ម៉េ​ង​ស្រេ​ង​ មេ​​​សឹ​ក​​​រង​​ខេ​ត្ត​​ម​ណ្ឌ​ល​​គី​រី ជំ​នួ​ញ​​ឈើ​​​ខុ​ស​ច្បា​ប់​​រ​បស់​លោ​ក សាំ​ង កុសល ប្រព្រឹត្ត​យ៉ាង​រលូន​

, , Leave a comment

​ខេត្តមណ្ឌលគិរី ៖ ដោយសារ​ជំនួញ​ឈើ​ខុសច្បាប់​បានធ្វើ​ឲ្យ​លោក សាំង កុសល មាន​លុយ​រត់​ការឡើង​តំណែង​ជា​មេបញ្ជាការ​កងអនុសេនាធំ​ទី​៣ ប្រចាំ​ស្រុក​កោះ​ញែក​រយៈពេល​១​ឆ្នាំ​ម​ក​ហើយ ដោយមាន​ការជួយជ្រោមជ្រែង​ពី​លោក ឃិន ម៉េង​ស្រេង ។ លោក សាំង កុសល ដែល​មេបញ្ជាការ​កងអនុសេនាធំ​ទី​៣ ប្រចាំ​ស្រុក​កោះ​ញែក ចំណុះ​ឲ្យ​តំបន់សឹករង​ខេត្តមណ្ឌលគិរី មាន​ព័ត៌មាន​ខ្សឹបខ្សៀវ​ថា ជា​ស្តេចត្រាញ់​រកស៊ី​ដឹកជញ្ជូន​ឈើ​ប្រណី​តទៅ​លក់​នៅ​ប្រទេស​វៀតណាម​យ៉ាងគំហុក​បែ​ប​អនាធិបតេយ្យ​។ ជោគជ័យ​នៃ​ការរកស៊ី​ជួញដូរ​ឈើ​ប្រណីត​ខុសច្បាប់​ដោយ​លោក សាំង កុសល គ្មាន​ការបង្ក្រាប​ធ្វើ​ឲ្យ​ប្រជាពលរដ្ឋ​ដាក់​ការសង្ស័យថា​អាចមាន​ការគាំទ្រ​ពី​លោក អ៊ុំ សុវណ្ណ ជា​មេបញ្ជាការ​វរ​សេនា​តូច ការពារ​ព្រំដែន​លេខ​១០៣ ក៏ដូចជា​លោក ឃិន ម៉េង​ស្រេង ជា​មេ​យោធា​ខេត្តមណ្ឌលគិរី ផងដែរ បានជា​អ្វីៗ​អាច​ដំណើរការ​ដោយ​រលូនល្អ ។ 

 

​គេ​មិន​ច្បាស់​ទេ​ថា តើ​រវាង​លោក ឃិន ម៉េង​ស្រេង និង​ស្តេចត្រាញ់ រកស៊ី​ឈើ​ខុសច្បាប់​ឈ្មោះ សាំង កុសល នេះ​មាន​ទំនាក់ទំនង​អ្វី​ពិសេស ឬ​មាន​ភាគហ៊ុន​រកស៊ី​ឈើ​ខុសច្បាប់ ជាមួយគ្នា​ឬ​យ៉ាងណា​នោះទេ​ព្រោះ​បណ្តា​ជំនួញ​រកស៊ី​ឈើ​ខុសច្បាប់ នៅ​ទូទាំង​ខេត្តមណ្ឌលគិរី ភាកច្រើន​ពាក់ព័ន្ធ​ជាមួយ​មន្ត្រី​យោធា ។ ព្រោះ​គេ​ជឿថា​សិទ្ធិអំណាច​ត្រឹម​លោក សាំង កុសល មិន​ហ៊ាន​ក្អក​ជាមួយ​លោក ឃិន ម៉េង​ស្រេង ឬ​លោក អ៊ុំ សុវណ្ណ ដែលជា​មេ​កើយ​នោះទេ​។ អ្នករកស៊ី​ដែល​ស្គាល់​លោក​សាំង កុសល​បាន​ដឺ​ង​ថា លោក សាំង កុសល បាន​ដឹកជញ្ជូន​ឈើ​ប្រណីត ចេញទៅ​លក់​នៅឯ​ប្រទេស​វៀតណាម​តាម​ច្រករបៀង​ព្រំដែន មួយចំនួន​ក្នុងស្រុក​កោះ​ញែក ដូចជា​ប៉ុស្តិ៍​អូរ​លាវ ប៉ុស្តិ៍​១៤ និង​ប៉ុស្តិ៍​ម្រេច ព្រោះតែ​ច្រករបៀង​ទាំង ៣​កន្លែង​នេះ ក៏​ស្ថិតក្រោម​ការក្តោបក្តាប់រ​បស់​កងអនុសេនាធំ​ទី​៣ ដែល​គាត់​គ្រប់គ្រង​ចំណុះ​ឲ្យ​វរ សេនា​តូច​ព្រំដែន​លេខ​១០៣ នៃ​តំបន់​ប្រតិបត្តិការ​សឹក​រង ខេត្តមណ្ឌលគិរី​ដែលមាន​លោក អ៊ុំ សុវណ្ណ ជា​មេបញ្ជាការ ផងដែរ​។

19-11-2013

​ចាប់តាំងពី​លោក សាំង កុសល មាន​សិទ្ធិផ្តាច់មុខ​គ្រប់គ្រង​ច្រករបៀង​ទាំង ៣ កន្លែង​នេះ គេ​សង្កេតឃើញ​លោក សាំង កុសល កាន់តែ​មានអំណាច​ពេញដៃ​ក្នុងការ​ដឹកជញ្ជូន​ឈើ​ខុសច្បាប់ ទាំងយប់​ទាំង​ថ្ងៃ ទោះបីជា​ភ្លៀង​ធ្លាក់​ខូច​ផ្លូវ ពិបាកធ្វើ​ដំណើរ​ក៏ដោយ ក៏​មិនដែល​រំខាន​ដល់​ជំនួញ​រកស៊ី​ដឹកជញ្ជូន​ឈើ​ខុសច្បាប់ យ៉ាង​ពេញបន្ទុក​របស់លោក សាំង កុសល នោះទេ ។ គេ​ចង់ឃើញ​សមត្ថកិច្ច​ពាក់ព័ន្ធ ជាពិសេស​ជំនាញ​រដ្ឋបាល​ព្រៃឈើ ពិនិត្យមើល​ភាពអនាធិបតេយ្យ​នៃ​ការរកស៊ី ដឹកជញ្ជូន​ឈើ​ខុសច្បាប់​នៅ​ខេត្តមណ្ឌលគិរី ជាពិសេស​នៅ​ចំណុច​ស្រុក​កោះ​ញែក ឡើងវិញ​ផង ដែល​យ៉ាងហោចណាស់ បង្ហាញ​ពី​ការយកចិត្តទុកដាក់ អនុវត្តន៍​តាម​បទបញ្ជា ក្នុងការ​បង្ការ​បង្ក្រាប​ទប់ស្កាត់​ការដឹកជញ្ជូន​ឈើ​ខុសច្បាប់ ទាំង​នៅក្នុង​ស្រុក ក៏ដូចជា​ការនាំចេញ ទៅ​លក់​នៅ​ប្រទេស​វៀតណាម​នោះ ៕

 

Leave a Reply

(*) Required, Your email will not be published