ចាប់​ឃាត់ខ្លួន​ឪពុក​ល្មោភកាម​ពីបទ​ចាប់រំលោភ​កូនស្រី​បង្កើត​ខ្លួន​

, , Leave a comment

​ខេត្តមណ្ឌលគិរី ៖ ឪពុក​ល្មោភកាម​ម្នាក់​ត្រូវបាន​កូនស្រី​បង្កើត​របស់ខ្លួន​ប្តឹង​ឲ្យ​សមត្ថកិច្ច​ចាប់​ឃាត់ខ្លួន ពីបទ​ប៉ុនប៉ង​រំលោភ​សេពសន្ថវៈ​លើ​រូបនាង ។ កា​រ​ឃា​ត់ខ្លួន​នេះ​ធ្វើឡើង​នៅ​ព្រឹក​ថ្ងៃទី​២០ខែធ្នូ ឆ្នាំ​២០១៣ នេះ ដើម្បី​សាកសួរ និង​កសាង​សំណុំរឿង​បញ្ជូន​ទៅកាន់​ស្នងការដ្ឋាន​នគរបាល​ខេត្ត​។​

 

​ជនសង្ស័យ​ដែល​ស​ត្ថ​កិច្ច​ឃាត់ខ្លួន​មានឈ្មោះ កូត ញើ​ន អាយុ​៥៣​ឆ្នាំ ជនជាតិ​ព្នង មាន​ទីលំនៅ​ភូមិ​ហ្គា​ទី ឃុំ​ស្រែ​ព្រះ ស្រុក​កែវ​សីមា ខេត្តមណ្ឌលគិរី​។​

 

​បើតាម​ការរៀបរាប់​ប្រពន្ធ​ជនសង្ស័យ​ឈ្មោះ មឿ​យ យ្រ៉ូ​ត អាយុ​៥៣​ឆ្នាំ ជនជាតិ​ព្នង បាន​ឲ្យ​ដឹងថា កាលពី​យប់​ថ្ងៃទី​១៧ ខែធ្នូ ឆ្នាំ​២០១៣ ប្តី​របស់គាត់​ប៉ុនប៉ង​រំលោភ​កូនស្រី​របស់គាត់​ឈ្មោះ ញ​.​អ អាយុ​២៧​ឆ្នាំ ដែល​ដេក​ក្នុង​បន្ទប់​លើផ្ទះ ។ នៅពេល​គាត់​កំពុង​ដេក​ខាងក្រោម​ផ្ទះ​លង់លក់​ស្រាប់តែ​បានឮ​សំឡេង​កូនស្រី​ស្រែក​ឲ្យ​ជួយ ពេលនោះ​គាត់​បាន​ឡើងទៅ​មើល​ក៏បាន​ឃើញ​ប្តី​របស់គាត់​នៅក្នុង​ម៉ុង​ជាមួយ​កូនស្រី ហើយ​គាត់​បាន​ទាញ​ដៃ​ប្តី​ចុះមក​វិញ​រួច​ស្រែក​ឲ្យ​គេ​ជួយ ។ នេះ​មិនមែនជា​លើ​ទី​ដំបូង​ទេ​ដែល​ប្តី​របស់គាត់​ធ្វើ​ទៅលើ​កូនស្រី​បង្កើត រហូត​កូនស្រី​បានមក​ប្រាប់​គាត់​ថា ឪពុក​ធ្លាប់​និយាយ​សុំ​រួមភេទ​ជាមួយ​កូន​ម្តង​បាន លើក​ក្រោយ​ឪពុក​ឈប់​ធ្វើបែបនេះ​ទៀតហើយ ។​

20-12-2013

​ជនសង្ស័យ​បាន​សារភាព​នៅ​ចំពោះ​សមត្ថកិច្ច​ថា ខ្លួន​ពិតជា​បាន​មានបំណង​រំលោភ​កូនស្រី​បង្កើត ប្រាកដ​មែន  ប៉ុន្តែ​មិនដែល​បាន​រួមរ័ក​ម្តង​នោះឡើយ ។ ​បច្ចុប្បន្ន  ជនសង្ស័យ​ត្រូវបាន​សមត្ថកិច្ច​កំពុង​កសាង​សំណុំរឿង​បញ្ជូន​ទៅកាន់ ស្នងការដ្ឋាន​នគរបាល​ខេត្ត​ដើម្បី​ចាត់ការ​បន្តទៅ​តាមផ្លូវ​ច្បាប់ ៕​

 

Leave a Reply

(*) Required, Your email will not be published