យុវជន​ម្នាក់​ស្លាប់ និង​ម្នាក់ទៀត​រងរបួស​ធ្ងន់ ដោយសារ​រថយន្ត​ពាក់​ស្លាក​លេខ​រដ្ឋ ហើយ​ម្ចាស់​គេចខ្លួន​ដោយ​សុវត្ថិភាព​

, , Leave a comment

​រាជធានី​ភ្នំពេញ ៖ យុវជន​ម្នា​ក់បាន​ស្លាប់​ភ្លាមៗ​នៅ​កន្លែងកើតហេតុ និង​ម្នាក់ទៀត​រងរបួស​ធ្ងន់ ខណៈដែល​ពួកគេ​កំពុង​ជិះ​ម៉ូតូ​ក៏ត្រូវ​រថយន្ដ​មួយគ្រឿង​ពាក់​ស្លាក​លេខ​រដ្ឋ​បើក​បុក​ក្នុងទិសដៅ​បញ្ច្រាសទិស​គ្នា​យ៉ាង​ពេញទំហឹង ។ ករណី​គ្រោះថ្នាក់​ចរាចរណ៍​គួរឱ្យ​រន្ធត់​ខាងលើនេះ​បាន​កើតឡើង​នៅវេលា​ម៉ោង ១២ និង ២០ នាទី​រលង​អធ្រាត្រ​ឈានចូល​ថ្ងៃទី​១៩ ខែធ្នូ ឆ្នាំ​២០១៣ ស្ថិតនៅ ចំណុច​មុខ​ទីបញ្ជាការ​កងរាជអាវុធហត្ថ​លើ​ផ្ទៃ​ប្រទេស តាម​បណ្ដោយ​ផ្លូវ​លេខ​២៨៩ ភូមិ​ទី​១៣ សង្កាត់​បឹងកក់​១ ខណ្ឌទួលគោក រាជធានី​ភ្នំពេញ ។​

19-12-2013 (1)

​តាម​ប្រភពព័ត៌មាន​ពី​កន្លែងកើតហេតុ​បានឱ្យដឹងថា មុនពេល​កើតហេតុ​គេ​ឃើញ​រថយន្ដ​បង្ក​ម៉ាក​មីតស៊ុយប៊ីស៊ី​ត្រាយ​តុ​ន ពណ៌​ទឹកប្រាក់ ពាក់​ស្លាក​លេខ រដ្ឋ​២០ ២-០៣១៥ បើកបរ​ដោយ​បុរស​ម្នាក់​ក្នុង​សភាព​ស្រវឹងស្រា​ក្នុង​ល្បឿន​យ៉ាង​លឿន តាម​បណ្ដោយ​ផ្លូវ​លេខ​២៨៩ ក្នុងទិសដៅ​ពី​ត្បូង​ទៅ​ជើង ។ លុះ​មកដល់​ចំណុចកើតហេតុ​រថយន្ដ​បង្ក​បាន​ទៅបុក​ម៉ូតូ​ម៉ាក​សង់​កូរ៉េ​ពណ៌​ក្រហម ពាក់​ស្លាក​លេខ​ភ្នំពេញ​ញ 1M-0513​បើកបរ​ក្នុងទិសដៅ​ប​ញ្ច្រា​ស​ទិ​ស​គ្នា​ពេញទំហឹង បណ្ដាលឱ្យ​ភាគី​ម៉ូតូ​ស្លាប់​ម្នាក់​ភ្លាមៗ និង​ម្នាក់ទៀត​រងរបួស​ធ្ងន់ រីឯ​ម៉ូតូ​កៀប​ជាប់​ក្រោម​រថយន្ដ ។ ដោយ​ឃើញ​ហេតុការណ៍​បែ​ប​នេះ​​អ្នកបើកបរ​រថយន្ត​បង្ក​បានគេច​ខ្លួន​បាត់ស្រមោល ដោយ​បន្សល់ទុក​រថយន្ត​នៅ​កន្លែងកើតហេតុ​។​

 19-12-2013 (2)

​ក្រោយ​ហេតុ​សមត្ថកិច្ច​ចុះ​ធ្វើការ​វាស់វែង ចំពោះ​រថយន្ដ និង​ម៉ូតូ​ត្រូវ​សមត្ថកិច្ច​ទៅ​រក្សាទុក​នៅ​ការិយាល័យ​ចរាចរណ៍​ផ្លូវគោក​រាជធានី​ភ្នំពេញ​ដើម្បី​រង់​ចាំ​​ម្ចាស់​ចូលខ្លួន មក​ដោះស្រាយ​គ្នា​តាម​ក្រោយ ។ ជនរងគ្រោះ​រង​បួស​ធ្ងន់​ត្រូវ​រថយន្ដ​សាមុយ​ដឹកយក​ទៅ​សង្គ្រោះ​នៅ​គ្លីនិក ឃីម រ៉ានី ។ ចំណែក​សា​ក​ស​ព​បុរស​ម្នាក់ទៀត​ត្រូវបាន​រថយន្ដ​ដឹក​យកទៅ​តម្កល់​នៅ​វត្ដ​សំបួរមាស​ដើម្បី ស្វែងរក​បងប្អូន​យក​សព​ទៅធ្វើ​បុណ្យ​តាម​ប្រពៃណី​៕

 

Leave a Reply

(*) Required, Your email will not be published