ចាប់ចោរ​ជំនាញ​គាស់​ទ្វារ លួច​ទ្រព្យសម្បត្តិ​ប្រគល់​ឲ្យ​សមត្ថកិច្ច​

, , Leave a comment

​រាជធានី​ភ្នំពេញ ៖ ចោរ​គាស់​ផ្ទះ​ម្នាក់​ត្រូវបាន​ម្ចាស់ផ្ទះ​ចាប់ ប្រគល់​ឲ្យ​សមត្ថកិច្ច ខណៈដែល​រូបគេ​ធ្វើ​សកម្មភាព​គាស់​ទ្វារផ្ទះ បម្រុង​ចូល​យក​ទ្រព្យសម្បត្តិ ។ ហេតុការណ៍​នេះ​កើតឡើង​នៅវេលា​ម៉ោង​ប្រមាណ ៩ យប់ ថ្ងៃទី​១៨ ខែធ្នូ ឆ្នាំ​២០១៣ នៅផ្ទះ​លេខ​១៣៥ ជាន់​ទី​៣ ផ្លូវ​លេខ​១០៧ ភូមិ​១ សង្កាត់​អូរឫស្សី​១ ខណ្ឌ​៧​មករា រាជធានី​ភ្នំពេញ ។​

 

​ជនសង្ស័យ​ដែល​ត្រូវ​ម្ចាស់​ឃាត់ខ្លួន​ប្រគល់​ឲ្យ​សមត្ថកិច្ច​មានឈ្មោះ វិ​ន ទី ភេទ​ប្រុស អាយុ​២៦​ឆ្នាំ មុខរបរ​មិន​ពិតប្រាកដ ស្នាក់​នៅផ្ទះ​លេខ​១៣៣ ជាន់​ទី​៤ ផ្លូវ​លេខ ១០៧ សង្កាត់​អូរឫស្សី​១ ខណ្ឌ​៧​មករា ។ ចំណែក​ម្ចាស់ផ្ទះ​មានឈ្មោះ ព្រំ ផល​ថាវរៈ ភេទ​ប្រុស អាយុ​៣០​ឆ្នាំ មុខរបរ គ្រូបង្រៀន​ភាសា​អង់គ្លេស មាន​ទីលំនៅ កន្លែងកើតហេតុ​ខាងលើ ។​

 

​ប្រភពព័ត៌មាន​ពី​សមត្ថកិច្ច​មូលដ្ឋាន​បាន​ឲ្យ​ដឹងថា នៅ​មុនពេល​កើតហេតុ​ជនរងគ្រោះ​បាន​ចាក់សោ​ទ្វារផ្ទះ យ៉ាង​គត់មត់​រួច​ទើប​ធ្វើដំណើរ​ទៅ​បង្រៀន​ភាសា​អង់គ្លេស​នៅតាម​ផ្ទះ ។ លុះ​ពេល​ត្រឡប់មកវិញ​បាន​ឡើងទៅ​លើផ្ទះ​ស្រាប់តែ​ប្រទះឃើញ​ទ្វារផ្ទះ​ចំហរ ហើយ​ឃើញ​ជនសង្ស័យ​កំពុង​រុក​រើ​កេះ​តុ​ដាក់​គ្រឿងអលង្ការ​របស់​បង ស្រី​ដែល​ក្នុងនោះ​មាន​ខ្សែក​បា្លទីន​១​ខ្សែ ទម្ងន់​១​ជី ក្រវិល​បា្លទីន​២​គូ​ទម្ងន់​១​ជី ខ្សែ ដៃ​បា្លទីន​២​ខ្សែ បន្ដោង​ខ្សែក​បា្លទីន​១​ខ្សែ ទម្ងន់​១​ជី កងដៃ​ប្រាក់​១ និង​ចិ​ញ្ជៀ​ន​បា្ល ទីន​ដាំ​ត្បូង​១ ។​

19-12-2013

​បច្ចុប្បន្ន ជនសង្ស័យ​រូបនេះ​ត្រូវបាន នគរបាល​ព្រហ្មទណ្ឌ​៧​មករា​កសាង​សំណុំ រឿង​ដើម្បី​បញ្ជូនទៅ​សាលាដំបូង​រាជធានី ភ្នំពេញ​ចាត់ការ​តាមច្បាប់ ៕

 

Leave a Reply

(*) Required, Your email will not be published