សមត្ថកិច្ច​ឃាត់ខ្លួន​បុរស​ល្មោភកាម​ម្នាក់ ដែលមាន​ប្រពន្ធ​៣ ហើយ​ចាប់រំលោភ​ក្មេងស្រី​អនីតិជន​អាយុ ១៤ ឆ្នាំ​

, , Leave a comment

​ខេត្តកំពង់ឆ្នាំង ៖ សេចក្តីស្រេកឃ្លាន តណ្ហា​កាមគុណ បាន​គ្រប់​បាំង​បុរស​ម្នាក់ រហូតដល់​ហ៊ាន​ចាប់រំលោភ​ក្មេងស្រី​ម្នាក់ ដើម្បី​បំពេញ​កិលេស​តណ្ហា​របស់ខ្លួន បើទោះជា​បុរស​ម្នា​ក់មាន​ប្រពន្ធ​រហូតដល់​ទៅ ៣ នាក់​រួចទៅហើយ ។ ការបំពេញ​កិលេស​ខុស​បែបផែន​នេះ​បានធ្វើ​ឲ្យ​បុរស​ម្នាក់​បាន​ត្រឹម​ជាប់​ខ្នោះ​សមត្ថកិច្ច បន្ទាប់ពី​ទទួលបាន​ពាក្យបណ្តឹង​របស់​ក្រុមគ្រួសារ​នារី​រងគ្រោះ កាលពី​រសៀល​ថ្ងៃទី​១៦ ខែធ្នូ ឆ្នាំ​២០១៣ ។

 

​បុរស​ល្មោភកាម​ដែល​ត្រូវ​សមត្ថកិច្ច​ធ្វើការ​ឃាត់ខ្លួន​នោះ​មានឈ្មោះ មឿ​ន សុផាត ហៅ​ស្រួច អាយុ ២៦​ឆ្នាំ មាន​ទីលំនៅ​ភូមិ​ភ្នំ​តា​សាំ ឃុំ​ក្រាំង​ស្គា ស្រុក​ទឹកផុស ខេត្ត​កំពង់​ឆ្នាំ ។ ចំណែក​កុមារី​រងគ្រោះ​មាន​អាយុ ១៤​ឆ្នាំ ស្នាក់​នៅក្បែរ​ជនសង្ស័យ​។​

 

​តាម​របាយការណ៍​រប​ស់​សមត្ថកិច្ច​បានបង្ហាញ​ថា កាលពី​រសៀល​ថ្ងៃទី​១៥ ខែធ្នូ ឆ្នាំ​២០១៣ បុរស​ជា​ជនសង្ស័យ​បាន​ទៅផ្ទះ​កុមារី​រងគ្រោះ ហើយ​បាន​ទិញ​ស្រា​ចំនួន​១​លីត្រ រួច​បាន​នាំ​ឪពុក និង​បងប្រុស​កុមារី​រងគ្រោះ​ផឹក​ទាំងអស់គ្នា​រហូតដល់​ម៉ោង​៧​យប់​ម្ចាស់ផ្ទះ​បានរៀបចំ​បាយ​ហូប​ជុំគ្នា  រួចមក​បុរស​ជា​ជនសង្ស័យ​បាន​ត្រឡប់ទៅផ្ទះ​វិញ ។ ប៉ុន្តែ​នៅ​ម៉ោង​ប្រមាណ ១១ យប់ ស្រាប់​ជនសង្ស័យ​បាន​ត្រឡប់មកវិញ ហើយ​បាន​ឡើងទៅ​លើផ្ទះ​ចូលដេក​ក្នុង​មុង​ជាមួយ​កុមារី​រងគ្រោះ និង​បាន​រួមភេទ​ជាមួយ​នាង​បានសម្រេច ។ បន្ទាប់មក​ជនសង្ស័យ​ក៏​ចុះមក​ដី ។ មួយសន្ទុះ​ក្រោយមក​កុមារី​រងគ្រោះ​បាន​ចុះមក​បត់ជើង ស្រាប់តែ​ជនសង្ស័យ​ដែល​មិនទាន់​ទៅណា​បាន​ចាប់​កុមារី​រងគ្រោះ​បំណង​រំលោភ​ម្តងទៀត តែ​ត្រូវ​នាង​ស្រែក​ឲ្យ​ឪពុកម្តាយ​នាង​ជួយ ធ្វើ​ឲ្យ​ជនសង្ស័យ​ភ័យ​រត់​គេចខ្លួនបាត់  លុះ​ស្អែក​ឡើង​ឪពុកម្តាយ​កុមា​រងគ្រោះ​បានដាក់​ពាក្យ​ប្តឹង និង​ចាប់​ឃាត់ខ្លួន​តែម្តង ។​

17-12-2013

​នៅ​ចំពោះមុខ​សមត្ថកិច្ច​ជនសង្ស័យ​បាន​សារភាពថា ខ្លួន​ពិតជា​បាន​រួមភេទ​ជាមួយ​នាង​មែន​តែ​មិនបាន​ចាប់បង្ខំ​ទេ ព្រោះ​ពួកគេ​បាន​ស្រឡាញ់គ្នា​ជា​យូរ​មកហើយ ។ បុរស​រូបនោះ​បានបញ្ជាក់​ថា រូបគេ​ធ្លាប់មាន​ប្រព​ន្ឋ​ចំនួន​៣ តែ​យក​លែងៗ មានកូន​២​នាក់ កូន​ជាមួយ​ប្រព​ន្ឋ​ទី​១ និង​ទី​២​ម្នាក់​១ ។​ ​តែ​ទោះជា​យ៉ាងណាក៏ដោយ រឿងរ៉ាវ​ប្រកែក​ស្រី​ប្រកាន់​នេះ សមត្ថកិច្ច​កំពុង​តាមដាន និង​បញ្ជូន​សំណុំរឿង​ទៅកាន់​តុលាការ ដើម្បី​ចាត់ការ​តាម​នីតិវិធី​ច្បាប់​៕

 

Leave a Reply

(*) Required, Your email will not be published