នាំ​នាង​ទៅ​ឆី ពេល​នាង​មាន​ផ្ទៃ ដោះដៃ​មិន​ទទួលខុសត្រូវ​

, , Leave a comment

​ខេត្ដ​តាកែវ ៖ ភាពមិន​ទទួលខុសត្រូវ​រប​ស់បុ​រស​ម្នាក់ បាន​បន្សល់​ក្តី​អាម៉ាស​សម្រាប់​នារី​រងគ្រោះ​ទាំង​មាន​ផ្ទៃពោះ ៥ ខែ ធ្វើ​ឲ្យ​ស្ត្រី​ម្នាក់នេះ​សម្រេច​ដាក់ពាក្យ​បណ្តឹង ដើម្បី​ឲ្យ​សមត្ថកិច្ច​ស្វែងរក​ចាប់ខ្លួន​ជនសង្ស័យ ដើម្បី​ចាត់ការ​តាម​នីតិវិធី​ច្បាប់ ។​ការដាក់​ពាក្យ​ប្ដឹង​នេះ​ធ្វើ​កើតឡើង​នៅ​ព្រឹក​ថ្ងៃទី​១២ ខែធ្នូ ឆ្នាំ​២០១៣ នៅ​ប៉ុស្ដិ៍​រដ្ឋបាល​ស្នោ ស្រុក ព្រៃកប្បាស ខេត្ដ​តាកែវ ។​

 

​ជនសង្ស័យ​ដែល​ត្រូវ​ក្រុមគ្រួសារ​នារី​រងគ្រោះ​ដាក់ពាក្យ​បណ្តឹង​នោះ​មាន ចក់ វណ្ណា អាយុ​២៥​ឆ្នាំ ដោយ​ចោទ​ពីបទ​រំលោភ​សេពសន្ថវៈ ។ ចំណែក​ក្មេងស្រី​រងគ្រោះ​ឈ្មោះ ធ​.​រ អាយុ​១៥​ឆ្នាំ ។ ទាំង​ចុងចោទ និង​ដើមបណ្តឹង​រស់នៅក្នុង​ភូមិ​-​ឃុំ​ស្នោ ស្រុក​ព្រៃកប្បាស ខេត្ដ​តាកែវ (​នៅក្បែរ​គ្នា​)​។​

 

​តាម​ការរៀបរាប់​ពី​ក្មេងស្រី​រងគ្រោះ​នៅ​ចំពោះមុខ​សមត្ថកិច្ច​បានឱ្យដឹងថា ក្នុងអំឡុង​ខែសីហា​ឆ្នាំ​២០១៣ ពេលដែល​មើល​ទូរទស្សន៍​ចប់​ប្រហែល ម៉ោង​៨​យប់ នាង​ក៏​ចុះ​ពី​ផ្ទះ​សំដៅទៅ​បន្ទប់ទឹក​ខាងក្រោយ​ផ្ទះ​ប្រហែល​១០​ម៉ែត្រ ហើយ​ពេល​ចេញពី​បន្ទប់ទឹក​វិញ ក៏មាន​បុរស​ម្នាក់​ចាប់​កដៃ​ជាប់​រួច​ទាញ​ទៅក្រោយ​បន្ទប់ទឹក ខ្សឹប​ថា “​បង​ស្រឡាញ់​អូន​យូរហើយ​” ពេលនោះ​នាង​ក៏​ស្គាល់​បុរស​នោះ​ច្បាស់ គឺ​ឈ្មោះ វណ្ណា ដែលជា​អ្នកភូមិផង​របង​ជាមួយគ្នា ។ ពេលនោះ​ឈ្មោះ​វណ្ណា ក៏​សុំ​នាង​រួមភេទ​ដោយ​ធ្វើ​សកម្មភាព​បបោសអង្អែល ប៉ុន្ដែ​នាង​ប្រាប់ថា​ប្រយ័ត្ន​មានកូន ។ ពេលនោះ​ឈ្មោះ​វណ្ណា ប្រាប់ថា បើ​មានកូន “​បង​ទទួលខុសត្រូវ​” ។ បន្ទាប់មក​ពួកគេ​បាន​ប្រ​ព្រឹ​ត្ដ​អំពើ​ខុសឆ្គង​រំលង​ប្រពៃណី ហើយ​ឈ្មោះ ចក់ វណ្ណា បាន​បន្ដ​ខ្សឹប​ដាក់​ត្រចៀក​នាង​ថា “​កុំ​ប្រាប់​នរណា​ឱ្យសោះ បើ​មានកូន​បង​ជា​អ្នកទទួលខុសត្រូវ​” ។

17-12-2013

​ដោយ​ពាក្យលួងលោមរ​បស់ជនស​ង្ស័​យ ធ្វើ​ឲ្យ​នារី​រងគ្រោះ​រង់ចាំ​រហូត​ដល់​ពោះ​កាន់តែ​ធំ ទើប​បែកការណ៍​តែម្តង ។ ក្រោយពេល​ម្តាយ​សួរនាំ នារី​រងគ្រោះ​បាន​ប្រាប់​តាម​ដំណើររឿង ទើប​ម្ដាយ​នាង​ទៅ​សួរនាំ​ឪពុកម្ដាយ​ខាង​ប្រុស ប៉ុន្ដែ​ឪពុកម្ដាយ​ខាង​ប្រុស​មិន​ទទួលស្គាល់​ទើប​ទាំង ២​នាក់​ម្ដាយកូន​មក​ដាក់ពាក្យ​បណ្ដឹង​នៅ​នគរបាល​ប៉ុស្ដិ៍​តែម្ដង ។ ក្នុង​ពាក្យបណ្ដឹង​ក្មេងស្រី​អនីតិជន​ប្ដឹង​ទារ​សំណង​ជំងឺ​ចិ​ត្ដ​១៣​លាន​រៀល និង​សុំឱ្យ​តុលាការ​ផ្ដន្ទាទោស​ជនល្មើស​តាមច្បាប់ ៕

 

Leave a Reply

(*) Required, Your email will not be published