ទឹកចិត្ត​ឪពុកម្តាយ​ក្តុកក្តួល​បំផុត ពេលដែល​កូន​មាន​ជំងឺ​ទឹក​ដក់​ក្នុង​ខួរក្បាល​បណ្តាល​ឲ្យ​ទំហំ​ក្បាល​រីក​ធំ​ជាង​ធម្មតា​ដល់ទី ៣ ម្តង​

, , Leave a comment

​ប្រទេស​ឥណ្ឌូណេស៊ី ៖ កុមារី​តូច​ម្នាក់​ជនជាតិ​ឥណ្ឌូណេស៊ី​កើត​ជំងឺ​កម្រ​មួយ​បណ្តាល​ឲ្យ​ក្បាល​របស់​នាង​ប៉ោង​ធំ និង​មាន​ទំហំ​ធំ​ជាង​ក្បាលមនុស្ស​ចា​ស់​​ដល់​ទៅ ៣ ដង​។ ចំណែក​គ្រួសារ​ក៏​ក្រីក្រ​គ្មាន​លទ្ធភាព​នាំទៅ​ព្យាបាល ធ្វើ​ឲ្យ​អាការ​កាន់តែ​រាលដាល ហេតុនេះ​ម្តាយ​នាង​បាន​ត្រឹម​បួងសួង​ដល់​វត្ថុ​ស័ក្តិសិទ្ធិ​សូម​ឲ្យ​ជួយ​ថែរក្សា​ជីវិត​កូន​ឲ្យ​ផុតពី​គ្រោះថ្នាក់​ប៉ុណ្ណោះ​។ នេះ​បើ​យោងតាម​គេហទំព័រ​សង្គម​សិល្បៈរ​បស់​ប្រទេស​អង់គ្លេស​មួយ​ឈ្មោះ ដាយ​លី​ម៉ែ​ល ដែល​បាន​ចុះផ្សាយ​កាលពីពេល​ថ្មីៗ​នេះ ។

17-12-2013 (3)

​ក្មេងស្រី អា​ឌិ​ល​ឡា អាណា​គា អាយុ ៣ ខួប បានចាប់កំណើត​មកជា​មួយ​នឹង​អាការ​ទឹក​ដក់​ក្នុង​ប្រហោង​ខួរក្បាល​អាការ​ដែល​ប្រទះឃើញ​បែប​កម្រ ដែ​ល​​វា​បាន​បិទ​ទប់​ផ្លូវទឹក​ចិញ្ចឹម​ខួរក្បាល​ទៅកាន់​ខួរឆ្អឹងខ្នង ហើយដោយ​វត្ថុ​រាវ​ដែល​កក​ផ្តុំ​ច្រើនឡើងៗ​ក្នុង​ប្រហោង​ខួរក្បាល​ទើប​បណ្តាល​ឲ្យ​ក្បាល​របស់​នាង​ប៉ោង​ស្ទើរ​ផ្ទុះ​។

17-12-2013 (1)

​សេចក្តីរាយការណ៍​ពី​ដេលី​ម៉េ​ល​បាន​ឲ្យ​ដឹងថា ពេលដែល​សម្រាល​មក​ថ្មីៗ​ក្មេងស្រី អា​ឌិ​ល​ឡា គឺមាន​ក្បាល​ធំ​ជាង​ទំហំ​ក្បាល​នៃ​ទារក​ទូទៅ​តិចតួច​ប៉ុ​ណ្ណោះ ប៉ុន្តែ​លុះ​កន្លងទៅ​យូរ​ខែ​ថ្ងៃ​មក​ក្បាល​នាង​ក៏​ធំ​បន្តិច​ម្តងៗ ហើយ​មកទល់ពេលនេះ​គេ​វាស់​ពី​ត្រចៀក​ម្ខាង​ទៅ​ត្រចៀក​ម្ខាង​ទៀត មាន​ទំហំ​១០០ ស​ង់ទីម៉ែត្រ​ឯណោះ​។

17-12-2013 (4)

​កុមារី​អភ័ព្វ​មាន​អាការ​ល្ហិតល្ហៃ គេង​រងៀមៗ​នាង​ធ្ងន់​ក្បាល​ងើប​លែងរួច នាង​មិនអាច​និយាយ​បានទេ ភ្នែក​ក៏​ស្រវាំង​មើលមិនឃើញ ហើយ​ស្វិតជើង​ទៀ​ត​ផង ​។ ថ្វីបើ​ជីវិត​នាង​កំពុង​ស្ថិតក្នុង​ភាព​អស់សង្ឃឹម ប៉ុន្តែ​ដោយ​ក្តី​សណ្តោស​ប្រោសប្រណី​ពី​ឪពុកម្តាយ​នាង​ត្រូវបាន​មើលថែ​ទាំង​យ៉ាង​ដិតដល់​ពី​ឪ​ពុ​ក​ អាន់​វ៉ារ អា​ណាស អាយុ ៣១ ឆ្នាំ និង​ម្តាយ ប៉ាស​ប៊ី​តា អាយុ ២៨ ឆ្នាំ និង បា​ស៊ីរ៉ា បងស្រី​វ័យ ៧ ឆ្នាំ នៅក្នុង​ផ្ទះ​កម្សត់​មួយ​ស្ថិតនៅ​ស្រុក​បូ​កូ​។ 

17-12-2013 (2)

​ជំងឺ​ចម្លែក​នេះ​មានឱកាស​កើតឡើង​ត្រឹម ១ ក្នុងចំណោម ៥០០ នាក់​ប៉ុណ្ណោះ​ប៉ុន្តែ​កន្លងមក​ធ្លាប់មាន​គ្រូពេទ្យ​ព្យាបាល​បានជា​សះស្បើយ​នៅ​អង់គ្លេស តាម​វិធី​វះកាត់​ប្រហែល ២ ម៉ោង​ដែរ ។ ជាមួយនឹង​ប្រាក់ចំណូល​ត្រឹម​១,៣៦ ផោន​ស៍ ក្នុង​១​ថ្ងៃ ពី​ការប្រកប​របរ​បើកប​រ​រថយន្ត​លោក អា​ណាស មិនមាន​សមត្ថភាព​ស​ន្សំ​ប្រាក់​បាន​គ្រប់គ្រាន់ សម្រាប់​បង់ថ្លៃ​ព្យាបាល​កូនស្រី​តូច​របស់គាត់​បានឡើយ ប៉ុន្តែ​ទីបំផុត​គ្រួសារ​គាត់​ត្រូវ​រដ្ឋាភិបាល​ជួយសង្គ្រោះ ។ រហូតមកដល់​ពេលនេះ​គ្រូពេទ្យ​នៅ​ឥណ្ឌូណេស៊ី​នៅតែ​អល់អែក​ក្នុងការ​វះកាត់​ដោយសារ​កុមារី អា​ឌិ​ល​ឡា រង​ការខូចខាត​ខាង​ខួរក្បាល​ធ្ងន់ធ្ងរ ព្រោះ​តែ​​យឺតយ៉ាវ​ក្នុងការ​ព្យាបាល ៕

    17-12-2013 (5) 17-12-2013 (6) 17-12-2013 (7) 17-12-2013 (8) 17-12-2013 (9) 17-12-2013 (10) 17-12-2013 (11) 17-12-2013 (12) 17-12-2013 (13) 17-12-2013 (14)

 

Leave a Reply

(*) Required, Your email will not be published