ដោយ​សារភាព​ស្រវឹងស្រា ធ្វើ​ឲ្យ​យុវជន​ទំនើង បង្ហាញ​ភាព​ក្លា​ហា បើករថយន្ដ​បុក​រះ​ម៉ូតូ និង​ធ្វើ​ឲ្យ​មនុស្ស ៥ របួសធ្ងន់ ស្រាល​

, , Leave a comment

​រា​ធានី​ភ្នំពេញ ៖ យ៉ាងហោចណាស់​មនុស្ស ៥ នាក់​បាន​រងរបួស​ធ្ងន់ និង​ស្រាល ក្នុងនោះ​មាន​ជនជាតិ​បរទេស​២​នាក់ និង​ជនជាតិខ្មែរ​៣​នាក់ ខ​ណៈ​ដែ​ល​​យុវជន​ម្នាក់​បើកបរ​រថយន្ដ​មួយគ្រឿង​ក្នុង​សភាព​ស្រវឹងស្រា ជោកជាំ​បាន​ជ្រុល​ទៅបុក​រះ​ម៉ូតូ​៥​គ្រឿង​ដែល​ចត​ស្ងៀម​លើ​ចិញ្ចើមផ្លូវ ។ ករណី​គ្រោះ​ថ្នា​ក់​ចរាចរណ៍​នេះ​បាន​កើតឡើង​នៅវេលា​ម៉ោង ១០ និង ៣០ នាទី​យប់​ថ្ងៃទី​១៥ ខែធ្នូ ឆ្នាំ​២០១៣ ស្ថិតនៅ​ចំណុច​ផ្លូវ​លេខ​១៣០ ក្នុង​សង្កាត់​ផ្សារកណ្ដាល​ទី​២ ខណ្ឌដូនពេញ ។​

16-12-2013 (1)

​រថយន្ដ​បង្ក​ម៉ាក​រេ​ហ្វ​រ​ពណ៌​ទឹកប្រាក់ ពាក់​ស្លាក​លេខ​ភ្នំពេញ 2Q-1738 បើក បរ​ដោយ​យុវជន​ម្នាក់​ឈ្មោះ ជា ដា​រ៉ា ភេទ​ប្រុស អាយុ​២១​ឆ្នាំ មុខរបរ​បុគ្គលិក រោងចក្រ​កាត់ដេរ ស្នាក់​នៅផ្ទះ​លេខ​៩២ ផ្លូវ​លេខ​៣១៥ ក្នុង​សង្កាត់​បឹងកក់​២ ខណ្ឌ ទួលគោក ។ ចំណែកឯ​ម៉ូតូ​ដែល​រងគ្រោះ​ខាង លើ​នេះ​ទី​១-​ម៉ូតូ​សណ្ដោង​រ៉ឺម៉ក ទី​២-​ម៉ូតូ​វីវ៉ា ពណ៌​ខ្មៅ ពាក់​ស្លាក​លេខ​ភ្នំពេញ 1R-2847 ជា​របស់​ឈ្មោះ ម៉ែន កន ភេទ​ប្រុស អាយុ​៣៧​ឆ្នាំ ទី​៣-​ម៉ូតូ​សង់ កូរ៉េ ពណ៌​ក្រហម គ្មាន​ស្លាក​លេខ ទី​៤-​ម៉ូតូ​យ៉ាម៉ាហា​មី​អូរ ពណ៌​ក្រហម​លាយ ខ្មៅ ទី​៥-​ម៉ូតូ​ហុងដា​សេ​១២៥ ពណ៌​ខ្មៅ ពាក់​ស្លាក​លេខ​នគរបាល និង​មួយគ្រឿង ទៀត​ប្រភេទ​ម៉ូតូ​ធុន​ធំ ពណ៌​ខ្មៅ ។​

 

​តាម​ប្រភពព័ត៌មាន​ពី​កន្លែង​កើត​បានឱ្យដឹងថា នៅ​មុនពេល​កើតហេតុ​គេ​ឃើញ​យុវជន​ដែល​បើករថយន្ដ​បង្ក ខាងលើនេះ​បានធ្វើ​ដំណើរ​តាមផ្លូវ​លេខ ១៣០ ក្នុងទិសដៅ​ពី​លិចទៅ​កើត​យ៉ាង​លឿន ។ លុះ​ជិះ​មកដល់​ចំណុច​កើត​ខាងលើ​បាន​ជ្រុល​ទៅបុក​រះ​ម៉ូតូ​៥​គ្រឿង​ដែល​ចត​ចោល​នៅលើ​ចិ​ញ្ចើ​ញ​ផ្លូវ​បណ្ដាលឱ្យ​រង​ខូចខាត​ទាំងស្រុង ហើយ​ភ្លាមនោះ​យុវជន​ដែល​បើករថយន្ដ​បង្ក​មិនបាន​ឈប់​ទទួលខុសត្រូវ​នោះទេ បែរជា​ថយ​រថយន្ដ​បម្រុង​នឹង​បើក​រត់គេចខ្លួន​នោះបាន​ជ្រុល​ទៅបុក​រ៉ឺម៉ក​ម៉ូតូ​មួយគ្រឿង​ទៀត ដែលមាន​ភ្ញៀវ​ជនជាតិ​បរទេស​២​និង​ជនជាតិ ខ្មែរ​៣​នាក់ ដែល​ជិះ​លើ​រ៉ឺម៉ក​ម៉ូតូ​នោះ​បណ្ដាលឱ្យ​របួសធ្ងន់ និង​ស្រាល​តែម្ដង ។​

 

​ក្រោយ​កើតហេតុ​យុវជន​បង្ក​បាន​បើករថយន្ដ​រត់គេចរ​ហូត ​មកដល់​មុខ​ប៉ុស្ដិ៍នគរបាល​ស្រះចក​ក៏ត្រូវ​សមត្ថកិច្ច និង​ប្រជាពលរដ្ឋ​ចាប់បាន​ហើយ​វាយ​យុវជន​បង្ក​នោះ​ម្នា​ក់មួយ​ដៃ​មួយ​ជើង​ឡើង​ទ្រមខ្លួន តែ​សំណាងល្អ​បាន​សមត្ថកិច្ច​ឃាត់ខ្លួន​យុវជន​រូបនោះ​យកមក ប៉ុស្ដិ៍​ទាន់​កុំ​អី​នោះ​ត្រូវ​ប្រជាពលរដ្ឋ​វាយ ស្លាប់​បាត់ទៅហើយ ។​

 16-12-2013 (2)

​បន្ទាប់មក​សមត្ថកិច្ច​ជំនាញ​បាន​យក​រថយន្ដ​បង្កហេតុ​និង​ម៉ូតូ​ដែល​រងគ្រោះ យកទៅ​រក្សាទុក​នៅ​ការិយាល័យ​នគរបាល​ចរាចរជើងគោក​រាជធានី​ភ្នំពេញ ដើម្បី​រង់ចាំ​ម្ចាស់​មក​ដោះស្រាយ​តាម​ក្រោយ​៕

 

Leave a Reply

(*) Required, Your email will not be published