ឃាត់ខ្លួន​ជនជាតិ​ចិន​ម្នាក់ និង​ជនជាតិខ្មែរ ៣ នាក់ ពាក់ព័ន្ធ​ករណី​នាំ​នារី​ក្រមុំ​ជនជាតិខ្មែរ​ទៅ​រៀបការ​ខុសច្បាប់ និង​ជួញដូរ​នៅ​ប្រទេស​ចិន​

, , Leave a comment

​រា​ធ​ជា​នី​ភ្នំពេញ ៖ ជនសង្ស័យ​ចំនួន ៤ នាក់​ត្រូវ​សមត្ថកិច្ច​ឃាត់ខ្លួន ពាក់ព័ន្ធ និង​ករណី​លួងលោម​នាំ​នារី​ក្រមុំ​ជនជាតិខ្មែរ​ទៅ​រៀបការ និង​លក់ដូរ​នៅ​ប្រទេស​ចិន ។ ករណី​ឃាត់ខ្លួន​នេះ​ធ្វើឡើង​នៅ​រសៀល​ថ្ងៃទី​១៤ ខែធ្នូ ឆ្នាំ​២០១៣ ខណ​:​ជនសង្ស័យ​ទាំងនេះ កំពុង​នាំ​នារី​រងគ្រោះ ដល់​ព្រលានយន្តហោះ ត្រៀម​ឡើងទៅ​ប្រទេស​ចិន​នោះ ។​

 

​ជនសង្ស័យ​ដែល​ត្រូវ​ឃាត់ខ្លួន​មាន​ឈ្នោះ ទី​១ ឈ្មោះ ឃាង សោភា ភេទ​ស្រី អាយុ​២៨​ឆ្នាំ មុខរបរ​ធ្វើស្រែ ស្នាក់នៅ ភូមិ​ស្វាយ​រមាស ឃុំ​វិហារ​សួរ ស្រុក​ខ្សាច់កណ្តាល ខេត្តកណ្តាល ទី​២​ឈ្មោះ ឃាង សេង​លី ភេទ​ប្រុស អាយុ​៣១​ឆ្នាំ មុខរ​បរជាកសិករ រស់នៅក្នុង ភូមិ​ជាមួយ ជនសង្ស័យ​ខាងលើ ទី​៣ ឈ្មោះ ឌឿ​ក ម៉េ​ត ភេទ​ប្រុស អាយុ​៥៣​ឆ្នាំ មុខរបរ​កសិករ រស់នៅ​ភូមិ​ព្រិច ឃុំ​កក់ ស្រុក​បសេដ្ឋ ខេត្តកំពង់ស្ពឺ និង​ទី​៤ ជនសង្ស័យ​ជា​ជនជាតិ​ចិន មានឈ្មោះ Liu Shiping មុខរបរ​លក់ដូរ កាន់​លិខិត​ឆ្លង ដែន​លេខ E25783445 រស់នៅ​ប្រទេស​ចិន ។​

15-12-2013

​ក្រោយពី​ឃាត់ខ្លួន សមត្ថកិច្ច​ជួយសង្គ្រោះ​នារី ទាំង​៣​នាក់ យកមក​សួរនាំ និង​បានអនុញ្ញាត ឲ្យ​ត្រឡប់​ទៅ​ដោយសារតែ​ពួកគេ​ក៏​ចាញ់បោក​មេខ្យល់ ។ ចំពោះ​ជនសង្ស័យ​ទាំង ៤ នាក់ សមត្ថកិច្ច​កំពុង​កសាង​សំណុំរឿង​បញ្ជូនទៅ​តុលាការ  ដើម្បី​ចាត់ការ​តាម​នីតិវិធី​ច្បាប់​៕

 

Leave a Reply

(*) Required, Your email will not be published