រូបសំណាក់​មាស​លោក ម៉ៅ សេទុង មនុស្ស​ដ៏​មាន​ឥទ្ធិពល​បំផុត​ក្នុងប្រទេស​ចិន​មាន​ទម្ងន់ ៥០ គីឡូក្រាម​

, , Leave a comment

ប្រទេស​ចិន ៖ រូបសំណាក់​លោក ម៉ៅ សេទុង ដែល​ធ្វើឡើង​ពី​មាស​សុទ្ធ ទម្ងន់ ៥០​គីឡូក្រាម និង​បានដាក់​តាំង​នៅឯ​កម្មវិធី ពិ​ព័ណ៌​សិល្បៈ ក្នុង​ទីក្រុង Shenzhen ប្រទេស​ចិន​មាន​កម្ពស់៨០​សង់ទីម៉ែត្រ បាន​ចំណាយ​អស់ប្រាក់ ១​រយ​លាន​យ័ន ឬ​ជាង​១៦​លាន​ដុល្លារ​អាមេរិក​។ យោងតាម​ប្រភពព័ត៌មាន​ពី​គេហទំព័រ​មួយ​ឈ្មោះ The Raw Story ដែល​បាន​ចុះផ្សាយ​កាលពី​ថ្ងៃទី​១៣ ខែធ្នូ ឆ្នាំ​២០១៣ ម្សិលមិញ​នេះ​។​

A-gold-and (2)

​រូបសំណាក់​លោក ម៉ៅ សេទុង ដែល​អង្គុយ​លើ​កៅអី​ទ្រេត​នោះ ត្រូវបាន​គេ​បង្ហាញ​ឱ្យដឹងថា វា​បង្កើតឡើង​សម្រាប់​អបអរ​ថ្ងៃ​ខួបកំណើត​លើក​ទី​១២០ របស់លោក ម៉ៅ សេទុង នៅ​ថ្ងៃទី​២៦ ខែធ្នូ ខាងមុខនេះ​តែប៉ុណ្ណោះ​។​

 

​លោក ម៉ៅ សេទុង គឺជា​មនុស្ស​ដ៏​មាន​ឥទ្ធិពល​បំផុត​ក្នុងប្រទេស​ចិន ជាពិសេស​គឺ​ការដឹកនាំ​បក្ស​កុំម្មុយនីស្ត​ឆ្ពោះទៅរក​ភាពជោគជ័យ​យ៉ាង​ធំធេង ក្នុង​ប្រវត្តិសាស្ត្រ​រហូតមក​ទល់នឹង​ពេលបច្ចុប្បន្ន​នេះ​។ លោក​បានកើត​នៅ​ថ្ងៃទី​២៦ ខែធ្នូ ឆ្នាំ​១៨៩៣ នៅក្នុង​ទីក្រុង Shaoshan ប្រទេស​ចិន និង​បាន​ស្លាប់​នៅ​ថ្ងៃទី​៩ ខែកញ្ញា ឆ្នាំ​១៩៧៦ នៅក្នុង​ទីក្រុង​ប៉េកាំង​ប្រទេស​ចិន​។​

 

​ទោះបីជា​យ៉ាងណា រូបសំណាក់​លោក ម៉ៅ សេទុង ដែល​ធ្វើឡើង​ពី​មាស​សុទ្ធ​ទំងន់ ៥០​គីឡូក្រាម​នេះ បាន​បង្កើតឡើង​ដោយ​វិចិត្រករ​ចំនួន ២០​រូប និង​ចំណាយពេល​អស់ ៨​ខែ​ឯណោះ ទើប​សម្រេចបាន​លទ្ធផល​ជា​ស្ថាពរ​។​

 A-gold-and (1)

​យ៉ាងណាមិញ ក្រោយពី​បញ្ចប់​ការដាក់​តាំង នៅក្នុង​កម្មវិធី​ពិ​ព័ណ៌​សិល្បៈ ក្នុង​ទីក្រុង Shenzhen រួចហើយ រូបសំណាក់​លោក ម៉ៅ សេទុង នឹងត្រូវ​ដឹកជញ្ជូន​ទៅ​ទីក្រុង Shaoshan ដែលជា​ទីកន្លែង​កំណើត​របស់លោក​វិញ​៕

 

Leave a Reply

(*) Required, Your email will not be published