បទល្មើស​ឆក់​ត្រី និង​នេសាទ​ខុសច្បាប់​នៅ​អាណាចក្រ​ខេត្តកំពង់ធំ កំពុងតែ​ពេញនិយម​សមត្ថកិច្ច​ជំនាញ​សម្ងំ​កើប​លុយ​

, , Leave a comment

​ខេត្តកំពង់ធំ ៖ បទល្មើស​នេសាទ​កើនឡើង​យ៉ាង​អនាធិបតេយ្យ​ពិសេស​នៅក្នុង​ភូមិសាស្ត្រ​សង្កាត់​ស្រ​យ៉ូ​វ ក្រុង​ស្ទឹងសែន ខេត្តកំពង់ធំ​ ​នា​រដូវ​ទឹក​ស្រក ។ ជាក់ស្ដែង​រៀងរាល់​ថ្ងៃរសៀល និង​ពេលយប់​សកម្មភាព​នៃ​ការប្រើប្រាស់​ឧ​បករ​ណ៏​ឆក់​ត្រី​ត្រូវបាន​គេ​សង្កេតឃើញថា បានកើត​ឡើង​នៅ​ចំណុច​តាម​ប​ណ្ដោយ​ប្រឡាយ​ត្រពាំងវែង ក្នុងភូមិ​សាស្ត្រ​ភូមិ​ត្រពាំងវែង សង្កាត់​ស្រ​យ៉ូ​វ និង​តាម​បឹង​ធំៗ​មួយចំនួន​នៅ​ខាងលិច​ភូមិ​រកា ដែល​ពួក​ល្មើស​ទាំងនោះ​មា​ន​​គ្នា​ជា​ក្រុម​ពង្រាយ​គ្នា​ឆក់​ត្រី ដោយ​គ្មាន​ខ្លាច​ញ​ញឺ​ត និង​បណ្ដាក់​គ្នា គឺមាន​អ្នក​ចាំ​ផ្លូវ និង​អ្នកធ្វើ​សកម្មភាព​ឆក់​ផ្ទាល់ នៅ​ចម្ងាយ​ពីគ្នា​ប្រមាណ​ជា​មួ​យ​​គីឡូ​ដី ដើម្បី​ផ្ដល់ព័ត៌មាន​ឲ្យ​គ្នា ខណៈ​ឃើញ​មាន​អ្វី​ចម្លែកៗ​ទៅជិត ។

14-12-2013 (2)

​បើទោះបីជា​សកម្មភាព​នេះ​ត្រូវបាន​គេ​រាយការណ៍​ថា បាន​នឹង​កំពុង​កើតឡើង យ៉ាង​អនាធិបតេយ្យ​រាល់​ឆ្នាំ​ក៏ដោយ ក៏​រហូតមកដល់​ថ្ងៃនេះ ក្នុងភូមិ​សា​ស្ត្រ​​ខាងលើនេះ គេ​ពុំ​ឃើញ​មាន​សកម្មភាព​បង្ក្រាប​ណាមួយ​ពី​សមត្ថកិច្ច​នោះឡើយ​ផ្ទុយទៅវិញ​ពាក់ព័ន្ធ សកម្មភាព​នេះ​ត្រូវបាន​ប្រភព​ពត៌មាន​បាន​ប​ញ្ជា​ក់​ថា ការប្រើប្រាស់​ឧបករណ៍​ឆក់​ត្រី​នេះ​មិនមែន​ទើបតែ​កើតឡើង​នោះទេ ពោលគឺ​រៀងរាល់ឆ្នាំ គឺ​ចាប់ផ្ដើម​ពី​ទឹក​ចាប់ផ្ដើម​ស្រក​ក្នុង​រដូវប្រាំង​រ​ហូ​ត​ដ​ល់​​រដូវវស្សា​វិញ ។ ហើយ​សកម្មភាព​កើតឡើង​បែបនេះ​គឺ ដោយសារតែ​គ្មាន​អ្នក​ប​ង្គ្រា​ប​គឺ​មានតែ​អ្នក​ចុះទៅ​ការពារ និង​អ្នក​យកលុយ​ខែ​ពី​ក្បាល ឆក់ ជា​ក់ស្ដែង​ប្រជាពលរដ្ឋ​ដែល​ឃើញ​ហេតុ​ការ​ណ៏​ច្បាស់​បានបញ្ជាក់​ឲ្យ​ដឹងថា គឺមាន​មន្ត្រី​ម្នាក់​នៅ​ក្រុង​ស្ទឹងសែន​ម្នាក់​ឈ្មោះ ប៉ាវ ម៉ូ ហៅ ពៅ មាន​កាំភ្លើង​អាការ​ស្វាយ​បត់​១​ដើម បាន​ចុះទៅ​ប្រមូល​លុយ​ពី​អ្នកប្រើប្រាស់​ក្បាល​ឆក់ នៅក្នុង​ភូមិ​រកា ភូមិ​ចំបក់ ក្នុង​សង្កាត់​ស្រ​យ៉ូ​វ ក្បាល​ឆក់​១ ក្នុង​១​ខែ​៥​ម៉ឺន​រៀល គឺ​គិតពី​ខែធ្នូ ដល់​ខែមេសា​។​

 

​មិនតែប៉ុណ្ណោះ​រាល់ពេល​ចុះទៅ​ប្រមូល​លុយ​នៅ​វាល​ម្ដងៗ គឺ​មន្ត្រី​ខាងលើនេះ​បាន​យក ខោអាវ​របស់ខ្លួន​ជាម​ន្ត្រី​អាវុធហត្ថ​ទៅ​ឲ្យ​ឈ្មោះ​វ៉ុ​ន និង​ឈ្មោះ​ឈី​ម តួនាទី​ជា​ប្រជា​ការ ពារ​ក្នុងភូមិ​ចំបក់​មក​ស្លៀកពាក់​ដើម្បី​ចុះ​ប្រមូល​លុយ និង​ចង្អុលបង្ហាញ​ពី​ចំនួន​ក្បាល ឆក់​នៅក្នុង​ភូមិ ។ ក្រៅពីនេះ​ក៏មាន​សមត្ថកិច្ច​មួយចំនួន​បាន​ចុះទៅ​ឈរជើង​ការពារ​ពួក​អ្នក​ឆក់​នៅតាម​ទួល និង​បឹង​ផងដែ ។ ក្រៅពី​ការប្រើប្រាស់​ឧបករណ៍​ឆក់ ក៏មាន​សេចក្ដីរាយការណ៍​ថា នៅ​ចំណុច​អាង ២០០០ ក៏មាន​បទល្មើស​ដាក់​ស្បៃ​មុង​រាប់សិប​ម៉ែត្រ ផងដែ ប៉ុន្តែ​គ្មាន​ឃើញ​អ្នកណា​យក​ភ្នែក​មើល​នោះទេ ។

 

​ពាក់ព័ន្ធ​សកម្មភាព​ទាំងអស់នេះ​ភ្នាក់ងារ​យក​ព័ត៌មាន​ធ្លាប់បាន​សុំ​ការបំភ្លឺ​ពី​មន្ត្រី​ជំនាញ ពិសេស​លោកនាយ​ខណ្ឌរ​ដ្ឋ​បាល​ជលផល ខេត្តកំពង់ធំ​រួចហើយ​កាលពី​ឆ្នាំមុន​តែ​ត្រូវបាន​លោកនាយ​ខណ្ឌ​ជះ​កំហឹង និង​ខឹងក្រេវក្រោធ​យ៉ាងខ្លាំង ប៉ុន្តែ​លោក​ក៏បាន​ទទួលស្គាល់ថា បទល្មើស​ការប្រើប្រាស់​ឧបករណ៍​ឆក់ គឺ​ពិតជា​កើតមាន​មែន ប៉ុន្តែ​ពួក​ល្មើស​ទាំងអស់នេះ​បានគេច​ខ្លួន​អស់ និង​ហាក់ដូចជា​ដឹងខ្លួន​ជាមុន​ក្នុងពេលដែល​មន្ត្រី​ជំនាញ​ចុះ​ប​ង្គ្រា​ប់​ម្ដងៗ ហើយ​កាលពីពេល​ថ្មីៗ​កន្លងទៅនេះ​មន្ត្រី​ជំនាញ​ដដែល​ក៏បាន​ឲ្យ​ដឹងថា លោក​កំពុងតែ​ស្នើសុំ​កំលាំង​សហការ​ជាមួយ​សមត្ថកិច្ច​មូលដ្ឋាន​ហើយ ប៉ុន្តែ​សមត្ថកិច្ច​មូលដ្ឋាន​ចេះតែ​ពន្យា​ពេល​ម្ដង​ថ្ងៃនេះ ម្ដង​ថ្ងៃនោះ ធ្វើ​ឲ្យ​លោក​រង់ចាំ​រហូត​។

14-12-2013 (1) 

​ដោយសារតែ​សកម្មភាព​នៃ​ការប្រើប្រាស់​ឧបករណ៍​ឆក់​ដែល​កំពុង​កើតឡើង ហើយ​គ្មាន​ការ​អើពើ​ពី​សមត្ថកិច្ច​ពាក់ព័ន្ធ និង​អាជ្ញាធរ​មូលដ្ឋាន ពិសេស​សមត្ថកិច្ច​ជំនាញ បានធ្វើ​ឲ្យ​ប្រជាពលរដ្ឋ​ក្នុង​មូលដ្ឋាន​បាន​រិះគន់​យ៉ាងខ្លាំង និង​បានធ្វើការ​សំណូមពរ​ដល់​ថ្នាក់ដឹកនាំ​ខាងលើៗ សូមមេត្តា​ចាត់វិធានការ​ទប់ស្កាត់ និង​យកចិត្តទុកដាក់​គិត គួរ​ពី​កង្វល់​របស់​ប្រជាពលរដ្ឋ​ផង និង​សូម​ចុះ​ពិនិត្យ និង​ស្រាវជ្រាវ​ព័ត៌មាន​ពី​ថ្នាក់ក្រោម​ផង ហើយ​តាមរយៈ​កំណែទម្រង់​របស់​រាជរ​ដ្ឋា​ភិ​បា​លអណ​ត្តិ​ថ្មី​នេះ ប្រជាពលរដ្ឋ​មានជំនឿថា បទល្មើស​នេសាទ​ពិសេស​ការប្រើប្រាស់​ឧបករណ៍​ឆក់ និង​ឈានទៅរក​កាត់បន្ថយ​ជាក់​ជាមិនខាន​៕

 

Leave a Reply

(*) Required, Your email will not be published