សមត្ថកិច្ច​ឃាត់ខ្លួន​បុរស​ម្នាក់​ដែល​ជំនាញ​ក្លែងបន្លំ​ត្រា​មេភូមិ និង​ចៅសង្កាត់ គេង​ក្នុង​គុក​

, , Leave a comment

​រាជធានី​ភ្នំពេញ ៖ បុរស​ម្នាក់​ត្រូវបាន​សមត្ថកិច្ច​ធ្វើការ​ឃាត់ខ្លួន ខណៈ​ជននេះ​បាន​ក្លែងបន្លំ​ត្រា​មេភូមិ និង​ចៅសង្កាត់​ចោមចៅ ដើម្បី​យកទៅ​ប្រើប្រាស់​ខុសផ្លូវ​ច្បាប់ ។ ករណី​ឃាត់ខ្លួន​នេះ​បាន​កើតឡើង​នៅ​ថ្ងៃទី​១២ ខែធ្នូ ឆ្នាំ​២០១៣ វេលា​ម៉ោង​២ រសៀល​នៅក្នុង​សង្កាត់​ចោមចៅ ខណ្ឌ​ពោធិ៍​សែន​ជ័យ ដោយ​ម្ចាស់​ធនាគារ​មួយ​បាន​សហការ​ជាមួយ​កម្លាំង​នគរបាល​ដើម្បី ចាប់​ជននេះ​បន្ទាប់ពី​រូបគេ​បាន​ចូលទៅ​ខ្ចីលុយ​ពី​ធនាគារ ។​

 

​ជនជាប់សង្ស័យ​រូបនេះ​ត្រូវបាន​គេ​ស្គាល់ឈ្មោះ ខន គឹម​ហេង ហៅ​ឆន ភេទ ប្រុស អាយុ​៣២​ឆ្នាំ មានមុខរ​បរជា​អ្នកម៉ៅការ​សំណង់ ស្នាក់នៅ​ភូមិ​ព្រៃ​ព្រីង​ខាងជើង សង្កាត់​ចោមចៅ ខណ្ឌ​ពោធិ៍​សែន​ជ័យ និង​មាន​ស្រុកកំណើត​ភូមិ​ព្រៃទទឹង ឃុំ​ច​ន្ដ្រី ស្រុក​រមាស ខេត្ដ​ស្វាយរៀង ។​

 

​ប្រភពព័ត៌មាន​ពី​សមត្ថកិច្ច​បានឱ្យដឹង​ថា កាលពី​ខែវិច្ឆិកា​ឆ្នាំ​២០១៣ កន្លងមក ជនសង្ស័យ​រូបនេះ​បានធ្វើ​លិខិត មួយច្បាប់​ស្នើសុំ​ខ្ចីលុយ​ពី​ធនាគារ​ចំនួន ៨.០០០ ដុល្លារ ។ លុះ​មកដល់​ថ្ងៃទី​០៦ ធ្នូ ជននេះ​បានធ្វើ​លិខិត​ស្នើសុំ​ខ្ចីលុយ​ម្តងទៀត ដោយ​ខាង​ធនាគារ​ឃើញ​ឈ្មោះ​តែមួយ ត្រា​ខុសប្លែកគ្នា ក៏​ចុះទៅពិនិត្យ​កន្លែង​រស់នៅ​ហើយ​មានការ​ង្ស័​យ​បាន​ប្តឹង​ប៉ូលិស​ឃាត់ខ្លួន​តែម្តង ។​

 

​ត្រា​ដែល​ជន​ខាងលើ​ក្លែងបន្លំ មាន​ត្រា​របស់លោក រ៉ុង សាន ប្រធានភូមិ​ព្រៃទា , លោក វ៉ា ញ៉ ប្រធានភូមិ​ព្រៃ​ព្រីង​ខាងជើង និង​ត្រា​លោក សុទ្ធ សាធ ចៅសង្កាត់​ចោមចៅ ព្រមទាំង​ត្រា​របស់​សាលាសង្កាត់​ផងដែរ ។​

13-12-2013

​ចំពោះ​ករណី​ខាងលើនេះ វា​គឺជា​រឿង​ប្លែក​ថ្មី​មួយទៀត​ដែល​ជនខិលខូច​ប្រើ​ស្ទីល ក្លែងបន្លំ​ត្រា​តាំងពី​ថ្នាក់ភូមិ រហូតដល់​ថ្នាក់​សង្កាត់ ដើម្បី​ធ្វើ​ការបោក​យកប្រាក់ ចេញពី​ធនាគារ​តែ​ទង្វើ​បែបនេះ​ជាល​ទ្ធ ផល​ចុងក្រោយ គឺ​មានតែ​ខ្នោះ និង​គុក​ប៉ុណ្ណោះ ៕

 

Leave a Reply

(*) Required, Your email will not be published