សមត្ថកិច្ច​ចាប់ឃុំខ្លួន​ជន​ល្មោភកាម​ម្នាក់ និង​បញ្ជូនទៅ​តុលាការ ដែល​ជាប់​ពាក់ព័ន្ធ​ករណី​ចាប់រំលោភ​ក្មេងស្រី​អនីតិជន អាយុ ៨ ឆ្នាំ​ម្នាក់​បានសម្រេច​

, , Leave a comment

​ខេត្ត​ព្រះសីហនុ ៖ បុរស​អគតិ​ម្នាក់​ត្រូវបាន​សមត្ថកិច្ច​ធ្វើការ​ឃាត់ខ្លួន ក្រោយ​ទទួល​ពាក្យបណ្តឹង​របស់​ក្រុម​សាច់ញាតិ​ជនរងគ្រោះ ករណី​រំលោភ​ក្មេងស្រី​អនីតិជន​រហូត​បានសម្រេច ។កា​រ​ឃា​ត់​ខ្លួ​ន​នេះ​ធ្វើឡើង​កាលពី​វេលា​ម៉ោង ៤ និង ៣០ នាទី​រសៀល ថ្ងៃទី​១១ ខែធ្នូ ឆ្នាំ​២០១៣ នៅ​ចំណុច ក្រុម​១២ ភូមិ​៣ សង្កាត់​លេខ​៣ ក្រុងព្រះសីហនុ ខេត្ត​ព្រះសីហនុ ។

 

​ជនសង្ស័យ​មានឈ្មោះ ងួន ពៅ  អាយុ ៤៣ ឆ្នាំ ជា​ពេទ្យសត្វ​ចាក់​ថ្នាំ​តាម​ភូមិ ត្រូវជា​ឪពុកចិញ្ចឹម​កុមារ​រងគ្រោះ​ស្នាក់នៅ​កន្លែងកើតហេតុ​ខាងលើ ។ កុមារី​រងគ្រោះ ស​.​ស​.​ល អាយុ​៨​ឆ្នាំ ជា​សិ​ស្ស​សាលា ស្នាក់នៅ​ជាមួយ​ជនសង្ស័យ​។​

 

​តាម​របាយការណ៍​រប​ស់​សមត្ថកិច្ច​បាន​ឲ្យ​ដឹងថា ការរំលោភ​សេពសន្ថវៈ​នេះ​បាន​កើតឡើង​តាំងពី​យប់ ថ្ងៃទី​៨ ខែធ្នូ ប៉ុន្តែ​ដោយមាន​ការគំរាមកំហែង​សម្លាប់​ពី​សំណាក់​ជនសង្ស័យ ទើប​កុមារី​រងគ្រោះ​បាន​លាក់​រឿងនេះ​រហូតដល់​ព្រឹក​ថ្ងៃទី​១១ ខែធ្នូ ឆ្នាំ​២០១៣​វេលា​ម៉ោង​៨​និង​៣០​នាទី ទើប​កុមារី​រងគ្រោះ​សារភាព​រឿង​ពិត ហើយក៏​ត្រូវ​អ៊ុំ​ស្រី​បង្កើត​ប្តឹង​ទៅកាន់​អង្គការ​ម្លប់​តាប៉ាង ជួយ​ប្តឹង​បន្ត​មកកាន់​សមត្ថកិច្ច ទើប​មានការ​ចាប់ខ្លួន​ជនសង្ស័យ​នៅវេលា​ម៉ោង ៤​និង​៣០​នាទី​រសៀល​ថ្ងៃ​ដដែល យកមក​សាកសួរ​ចម្លើយ​។​

12-12-2013

​បច្ចុប្បន្ន​ជនសង្ស័យ​កំពុង​ត្រូវបាន​សមត្ថកិច្ច​កសាង​សំណុំរឿង​បញ្ជូន​ខ្លួន​ទៅកាន់​សាលាដំបូង​ខេត្ត ដើម្បី​ចាត់ការ​តាមផ្លូវ​ច្បាប់ ៕

 

Leave a Reply

(*) Required, Your email will not be published