ស​ម​ត្ថកិ​ច្ច​​​​​ស្រុ​ក​​សំពៅ​​លូន លួ​ច​លា​ក់​ទ្រ​ព្យ​ស​ម្បត្តិ​​​ជន​សង្ស័យ​ទុក​​ស្ងាត់​ៗ ពេ​ល​​បំ​ពេ​ញ​ភា​រ​កិ​ច្ច​

, , Leave a comment

​ខេត្តបាត់ដំបង ៖ ស្ត្រី​ម្នាក់​បាន​ទម្លាយ​រឿងរ៉ាវ​មិន​ប្រក្រតី​របស់​នគរបាល​ស្រុក​សំពៅ​លូន ដែល​បាន​ចុះបង្ក្រាប​ឃាត់ខ្លួន​ជនសង្ស័យ ២​នាក់​ប្តី​ប្រពន្ធ និង​រឹបអូស​គ្រឿងញៀន​បាន ៩ គ្រាប់​កាលពី​ថ្ងៃទី​០៧ ខែធ្នូ ឆ្នាំ​២០១៣ ដើម្បី​កសាង​សំណុំរឿង បញ្ជូនទៅ​ថ្នាក់លើ ប៉ុន្តែ​ការឆែកឆេរ​ដកហូត មាសប្រាក់​ខ្សែក ប្រាក់​ដុល្លា​ខ្មែរ​ថៃ និង​រថយន្ត ដែល​មិន​ពាក់ព័ន្ធ នឹង​បទល្មើស​គ្រឿងញៀន មិនបាន​សរសេរ​នៅក្នុង​របាយការណ៍​ទេ ប៉ុន្តែ​ក្រោយមក​ទំនងជា មាន​សភាពការណ៍​មិន​ស្រួល នគរបាល​បានប្រគល់​ទ្រព្យសម្បត្តិ​មួយចំនួន ឲ្យ​ម្ចាស់​វិញ ឯ​រថយន្ត​ក៏ត្រូវ​បង្ខំ ឲ្យ​បង់លុយ​ចំនួន ៣​ម៉ឺន​បាត​ផងដែរ​។​

 

​ជនសង្ស័យ ២​នាក់​ប្តី​ប្រពន្ធ​មានឈ្មោះ ភិន សា​ភឿន ហៅ​វ៉ា ន់​អាយុ ២៦​ឆ្នាំ ជា​ប្តី និង​ឈ្មោះ ម៉ក់ សឿន អាយុ ២៦​ឆ្នាំ ជា​ប្រពន្ធ​រស់នៅ​ភូមិ​គីឡូ​១៣ ឃុំ​សន្តិភាព ស្រុក​សំពៅ​លូន ដោយមាន​ការដកហូត​វត្ថុតាង បាន​ថ្នាំញៀន​យ៉ាម៉ា​ចំនួន ៩​គ្រាប់ ហើយ​ជនសង្ស័យ​ទាំង ២​នាក់​ប្តី​ប្រពន្ធ​ត្រូវបាន​បញ្ជូន ទៅ​តុលាការ​កាលពី​ព្រឹក​ថ្ងៃទី​០៩ ខែធ្នូ រួចរាល់​ហើយ​។ ពាក់ព័ន្ធ​ករណីនេះ​លោក ខៀវ ឈឿត ប្រធានការិយាល័យ ប្រឆាំង​គ្រឿងញៀន​ស្តីទី បាន​បដិសេធថា សំណុំរឿង​ស្រុក​សំពៅ​លូន គឺ​បញ្ជូន​តែម​នុស្ស ២​នាក់​ប្តី​ប្រពន្ធ និង​ថ្នាំញៀន ៩​គ្រាប់​តែប៉ុណ្ណោះ​។ ចំពោះ​រឿង​ទ្រព្យសម្បត្តិ​ដែល​សមត្ថកិច្ច​ស្រុក ដកហូត​លោក​បានដឹង ដោយសារ​ជនរងគ្រោះ មក​រៀបរាប់​នៅ​ការិយាល័យ​ប៉ុណ្ណោះ​។​

 

​ឈ្មោះ ម៉ក់ សឿន ជា​ប្រពន្ធ​បាន​ប្រាប់​សមត្ថកិច្ច និង​អ្នកសារព័ត៌មាន​ថា កាល​លោក ឈិ​ត សេង អធិការរង ស្រុក​សំពៅ​លូន ចុះទៅ​ឃាត់ខ្លួន ប្តី​របស់គាត់​មាន​ថ្នាំញៀន ៩​គ្រាប់​។ ក្រោយមក​ក៏​ចូល​ឆែកឆេរ​ក្នុងផ្ទះ យកប្រាក់​ថៃ​ចំនួន ៥១៨០​បាត ប្រាក់​ដុល្លារ​ចំនួន ៦០៦​ដុល្លារ លុយ​ខ្មែរ ៧៤​ម៉ឺន​រៀល ខ្សែក​ចំនួន ២​ខ្សែ ជា​របស់​ប្តី ១​ខ្សែ​ប្រពន្ធ ១​ខ្សែ និង​ចិញ្ចៀន ១​វង់ ព្រមទាំង​រថយន្ត​ម៉ាក​នីសា​ន់​ចំនួន ១​គ្រឿង និង​ម៉ូតូ ១​គ្រឿង​ផងដែរ​។ ក្រោយពី​តុលាការ​បញ្ជាក់ថា ខ្លួន​ជា​ប្រពន្ធ​មិនមាន​ជាប់​ពាក់ព័ន្ធ ស្ត្រី​ជា​ប្រពន្ធ​ត្រូវបាន​អនុញ្ញាត ឲ្យ​ត្រឡប់មកផ្ទះ​វិញ បន្ទាប់មក​គាត់​ក៏បាន​ទៅ សាកសួរ​នគរបាល​ស្រុក ដើម្បី​សើរើ​រឿង​យក​ទ្រព្យសម្បត្តិ ខុស​ប្រក្រតី​នេះ​។​

11-12-2013

​ស្ត្រី​ជា​ប្រពន្ធ បាន​បញ្ជាក់ថា ទ្រព្យសម្បត្តិ​ទាំងនេះ មិន​ពាក់ព័ន្ធ​ចំពោះ​ការលក់ដូរ របស់​ប្តី​ឡើយ ហើយ​លោក ឈិ​ត​សេង បានប្រគល់​អោយ​គាត់​វិញ​នូវ​ខ្សែក ២​ខ្សែ ចិញ្ចៀន ១​វង់ និង​ប្រាក់ ១​លាន​រៀល​ហើយ​ខ្លួន បាន​យក​ខ្សែក​និង​ចិញ្ចៀន​នេះ ទៅ​លក់បាន​ប្រាក់ ៣​ម៉ឺន​បាត​ស្មើ ១​ពាន់​ដុល្លារ យកទៅ​លួស​រថយន្ត​នីសា​ន់ ពី​នគរបាល​មកវិញ ហើយ​ប្រាក់​ដែល​យក​ពី​ក្នុង​កាបូប មិនបាន​ប្រគល់​មកវិញ​នៅឡើយ​ទេ​។ ពាក់ព័ន្ធ​ករណីនេះ​លោក ឈិ​ត សេង អធិការរង​ស្រុក​សំពៅ​លូន មិនបាន​លើក​ទូរស័ព្ទ ដើម្បី​បំភ្លឺ​រឿងនេះ​ទេ ប៉ុន្តែ​យ៉ាងណាក៏ដោយ​សូម​លោក ស ថេត ស្នងការ​នគរបាល​ខេត្តបាត់ដំបង ពិនិត្យមើល​ករណីនេះ​ឡើងវិញ​ផង​៕

 

Leave a Reply

(*) Required, Your email will not be published