កម្លាំង​សន្តិសុខ​អ៊ុយ​ក្រែ​ន នៅតែ​ប្រឈមមុខ​ដាក់គ្នា​ជាមួយ​ក្រុមប្រឆាំង​ជាមួយ​ប្រធានាធិបតី​លោក​យ៉ា​នូ​កូ​វិច​

, , Leave a comment

​ប្រទេស​អ៊ុយ​ក្រែ​ន ៖ ក្រុមប្រឆាំង​ជាមួយ​ប្រធានាធិបតី​លោក​យ៉ា​នូ​កូ​វិច​ដែល​ច្រានចោល​កតិកាសញ្ញា​EU​នោះ នៅតែ​បន្ត​ការតវ៉ា​នៅពេល​យប់​នៅ​ទីលាន នៅពេលដែល​ក្រុមប៉ូលិស​ប្រឆាំង​កុបកម្ម​វរជន​Berkut និង​កម្លាំង​ពិសេស​ក្រសួងមហាផ្ទៃ​បាន​តបត​ប្រឆាំង​ពួកគេ​នៅ​ម៉ោង​ប្រហែលជា​២​ព្រឹក​(​កណ្ដាល​អ​ធ្រា​ត GMT)​។​ ​កម្លាំង​សន្តិសុខ​អ៊ុយ​ក្រែ​ន កាលពី​ថ្ងៃ​ពុធ​បាន​សម្រុកចូល​ទីលាន​ឯករាជ្យ​ក្រុង​កៀវ ដោយ​កាន់កាប់​បាន​លើ​តំបន់​របស់​អ្នក​តវ៉ា​ដែល​បាន​ឈរជើង​អស់​ជាង​មួយ​សប្ដាហ៍​ហើយ​នោះ ហើយ​និង​ដក​រនាំង​បាំង​ចេញ​ដែលជា​យុទ្ធវិធី​មួយ​ដែល​បង្ក​ឲ្យ​មាន​ក្ដីកង្វល់​ជា​អន្តរជាតិ​។​

 

​អ្នក​ឆ្លងឆ្លើយ​នៅ​កន្លែងកើតហេតុ​បាន​និយាយថា ប៉ូលិស​ប្រឆាំង​កុបកម្ម​រាប់ពាន់នាក់​បាន​ឡោមព័ទ្ធ​ទីលាន និង​បាន​ចូលទៅ​កាន់កាប់​តំបន់​នោះ​ដោយ​ប្រើប្រាស់​ចំនួន​កម្លាំង​ដ៏​ច្រើន​សន្ធឹក​ស​ន្ធា​ប់​ ​ដើម្បី​បណ្ដេញ​ក្រុមបាតុករ​ឲ្យ​ចេញ​ឆ្ងាយ​ពី​ផ្លូវ​ដែល​រត់​ឆ្លងកាត់​តាម​ទីលាន​។​ ​ក្រុមប៉ូលិស​ក៏បាន​កម្ទេច​រនាំង​បាំង​ដែល​អ្នក​តវ៉ា​បានដាក់​ឃាំង​នៅ​ជុំវិញ​ទីលាន និង​បាន​រុះរើ​តង់​របស់​ពួកគេ​មួ​យ​ចំ​នួន​។​

​ប៉ុន្តែ​អ្នក​តវ៉ា​បាន​ប្រមូល​ជា​ក្រុម​ម្ដងទៀត​នៅ​ជុំវិញ​វេទិកា​ដែល​បាន​បង្កើតឡើង​នៅលើ​ផ្នែក​មួយ​នៃ​ទីលាន​ដោយ​ចំនួន​មនុស្ស​មានការ​កើនឡើង​ភ្លាមៗ នៅពេលដែល​បណ្ដា​មេដឹកនាំ​គ​ណ​បក្ស​ប្រ​ឆាំង​បាន​ជំរុញ​ឲ្យ​ពួកគេ​រត់​ចូលទៅ​កាន់​ទីលាន​។​

 

​ស្ថានីយ៍​ទូរទស្សន៍ប៉ុស្ដិ៍​លេខ​៥​គាំទ្រ​គណបក្សប្រឆាំង​អ៊ុយ​ក្រែ​ន បាន​និយាយថា​ពេលនេះ​មាន​អ្នក​តវ៉ា​ចំនួន​១​ ម៉ឺន​នាក់​នៅលើ​ទីលាន​ឯករាជ្យ​បន្ទាប់ពី​ការប្រើ​វិធានការ​របស់​ប៉ូលិស​ដែល​បង្ក​ជំ​រុ​ញ​​ឲ្យ​មាន​ស្ថានភាព​ច្របូកច្របល់​នោះ​។​ ​មេដឹកនាំ​គណៈបក្សប្រឆាំង​អ៊ុយ​ក្រែ​ន​លោក Arseniy Yatsenyuk​ បាន​អំពាវនាវ​ឲ្យ​មាន​កម្លាំង​អ្នក​តវ៉ា​រាប់លាន​នាក់​នៅ​ក្រុង​កៀវ បន្ទាប់ពី​ការប្រើ​យុ​ទ្ធ​វិ​ធី​​របស់​ប៉ូលិស​ដោយ​ទាយ​ទុក​ថា​របប​លោក​យ៉ា​នូ​កូ​វិច​នឹង​ដួលរលំ​ជាមិនខាន​។​

ukraine-protest-3

​លោក​យ៉ា​ត​សេន​យុគ​មេដឹកនាំ​គណៈបក្សប្រឆាំង​របស់​អតីត​នាយករដ្ឋមន្ត្រី​ជាប់ពន្ធនាគារ​លោកស្រី​យូ​លៀ ទី​ម៉ូ​ស្ហិ​ន​កូ​បាន​ប្រាប់​អ្នក​តវ៉ា​នៅលើ​ទីលាន​ឯករាជ្យ​ថា​៖«​យើង​នឹងមិន​អត់ឱន​នូវ​ទង្វើ​នេះ​ទេ​។ នៅទីនេះ​នឹងមាន​អ្នក​តវ៉ា​រាប់លាន​នាក់ ហើយ​របប​របស់លោក​យ៉ា​នូ​កូ​វិច​នឹង​ដួលរលំ​»​។​ ​អ្នក​តវ៉ា​រាប់ពាន់នាក់​បាន​ស៊ូទ្រាំ​នឹង​សីតុណ្ហភាព​ក្រោម​សូន្យ​អង្សា​ដោយ​ស្ថិតក្នុង​ការតវ៉ា​លើ​ទីលាន​ទាំងយប់​ដែល​បានចាប់ផ្ដើម​អស់​រយៈពេល​៣​សប្ដាហ៍​កន្លង​ទៅហើយនោះ​។ មេដឹកនាំ​គណៈបក្សប្រឆាំង​របស់ UDAR (​កូដកម្ម​) និង​ជា​ជើងឯក​ប្រដាល់​នោះ​លោក Vitali Klitshcko បាន​ប្រាប់​អ្នក​តវ៉ា​ថា ប្រជាជន​ក្រុង​កៀវ​ក្រោក​ឡើង​! ទាល់តែ​យើង​រួមគ្នា​ទើប​អាច​ឈ្នះ​សិទ្ធិ​រស់នៅក្នុង​ប្រទេស​សេរី​បាន​៕

 

Leave a Reply

(*) Required, Your email will not be published