យុវជន​ម្នាក់​ផឹកស្រា រក​ស្រី មិនទាន់បាន​ឆី ជាប់​ខ្នោះ​សមត្ថកិច្ច​

, , Leave a comment

​រាជធានី​ភ្នំពេញ ៖ យុវជន​ម្នាក់​ត្រូវបាន​ជាប់ចោទ​ពីបទ​ប៉ុនប៉ង​ចាប់រំលោភ តែ​មិនបាន​សម្រេច បន្ទាប់ពី​នារី​រងគ្រោះ​បាន​ស្រែក​ឡើង​ផ្អើល​អ្នកជិតខាង ។ ការឃាត់ខ្លួន​ជនសង្ស័យ ក្រោយពី​ចាប់រំលោភ​មិនបាន​សម្រេច បាន​កើតឡើង​កាលពី​វេលា​ម៉ោង​១១ យប់ ថ្ងៃទី​៩ ខែធ្នូ ឆ្នាំ​២០១៣ ស្ថិតនៅ​បន្ទប់​ជួល ផ្លូវលំ កែង​ផ្លូវ​លេខ​62R ក្រុមទី​១១ ភូមិ​ទួល សង្កាត់​ទួល​សង្កែ ខណ្ឌឫស្សីកែវ រាជធានី​ភ្នំពេញ​។​

 

​ជនសង្ស័យ ដែល​ជាប់​ពាក់ព័ន្ធ​នឹង ករណី​ខាងលើនេះ​មានឈ្មោះ​លី​ញ លី​ណា ភេទ​ប្រុស អាយុ​២០​ឆ្នាំ មុខរបរ​រៀន ជួសជុល​អគ្គិសនី​ស្នាក់នៅ​បណ្ដោះអាសន្ន ក្នុង​សង្កាត់​បឹងកក់​១ ខណ្ឌទួលគោក និង មាន​ស្រុកកំណើត​ភូមិ​ពក​រន្ធ ឃុំ​ស្រែ​ចែង ស្រុក​ជល​គី​រី ខេត្ដ​កំពត ។ ចំណែក​នារី​រង គ្រោះ​ឈ្មោះ​ច​.​ស​.​ដ អាយុ​១៩​ឆ្នាំ មានមុខរ​បរជា​កម្ម​ការិនី​កាត់ដេរ ស្នាក់នៅ​បន្ទប់ ជួល​កើតហេតុ​ខាងលើ និង​មានស្រុក កំណើត​ភូមិ​-​ឃុំ​មេស​ប្រ​ចាន់ ស្រុក​ពារាំង ខេត្ដ​ព្រៃវែង ។

 

​តាម​ការរៀបរាប់​ឱ្យដឹង​ពី​នារី​រងគ្រោះ​បានឱ្យដឹងថា មុនពេល​កើតហេតុ​នោះ​ខ្លួន​នៅក្នុង​បន្ទប់​តែម្នាក់ឯង​ដោយ​មិនបាន​ដាក់ គន្លឹះទ្វារ​នោះទេ ព្រោះ​រង់ ចាំ​មិ​ត្ដ​ភក្ដិ​ម្នាក់ទៀត​មក​ដេក​ជាមួយ ។ ខណៈ​ខ្លួន​នាង​កំពុង​ដេក​មួយសន្ទុះ​ស្រាប់ តែ​ជនសង្ស័យ​បាន​រុញ​ទ្វារ​បន្ទប់​ចូលទៅ​ខាងក្នុង​ហើយ​បិទ​បារ៉ែត​អគ្គិសនី និង​ដាក់​គន្លឹះទ្វារ​យ៉ាង​ជាប់​ទើប​ស្ទុះ​ចាប់​ឱន​នាង​ប៉ង​រំលោភ តែ​នាង​មិន​ព្រម​ក៏​ស្រែក​ឱ្យ​អ្នកជិតខាង​ជួយ ។ ចំណែក​តាម​សម្ដី​ជនសង្ស័យ​បាន​និយាយ​ឱ្យដឹងថា នៅ​មុនពេល​សមត្ថកិច្ច​ចាប់ខ្លួន​រូបគេ​បានមក​លេង​និង​មិ​ត្ដ​ភក្ដិ​ដែលមាន​បន្ទប់​ជាប់​នារី​រងគ្រោះ ហើយក៏​នាំគ្នា​ផឹក​ស្រាស​អស់​៣​លីត្រ​ទើប​បែក​គ្នា​ចេញពី​បន្ទប់​នោះ ។ នៅក្នុង​កម្មវិធី​ហូបចុក​ក៏មាន​វត្ដ​មាន របស់​នារី​រងគ្រោះ​ហូប​ជាមួយគ្នា​ដែរ តែ មិនបាន​អង្គុយ​ចប់​កម្មវិធី​ទេ​គឺ​បានចេញ ទៅ​ដេក​ក្នុង​បន្ទប់​ជួល​បាត់ទៅ ។ លុះ​មួយសន្ទុះ​ក្រោយមក​ខ្លួន​ចេញពី​កន្លែង​ផឹកស៊ី​ផ្ទះ​របស់​មិ​ត្ដ​ភក្ដិ ឃើញ​បន្ទប់​នាង​មិន ចាក់សោ​ក៏​ចូលទៅ​ខាងក្នុង តែ​មិនទាន់ បានធ្វើ​អ្វី​នៅឡើយ​ទេ ក៏ត្រូវ​នារី​រងគ្រោះ ស្រែក​ឱ្យ​អ្នកជិតខាង​ជួយ​ថា​ខ្លួន​ប៉ង​ចាប់រំលោភ​តែម្ដង ។

11-12-2013 (1)

​បច្ចុប្បន្ន​ជនសង្ស័យ​ត្រូវបាន​សមត្ថកិច្ច​ឃាត់ខ្លួន​នៅ​អធិការដ្ឋាន​នគរបាល ដើម្បី​នគរបាល​សួរនាំ និង​កសាង​សំណុំរឿង​បញ្ជូនទៅ​សាលាដំបូង​រាជធានី​ភ្នំពេញ​ចាត់ការ​តាមច្បាប់ ៕

 

Leave a Reply

(*) Required, Your email will not be published