ម្តាយក្មេក និង​កូនប្រសារ ស្លាប់​ក្នុង​ហេតុការណ៍​គ្រោះថ្នាក់​ចរាចរណ៍​ទាំង​ព្រឹក​ព្រលឹម​

, , Leave a comment

​ខេត្ដ​កំពង់ចាម ៖ យ៉ាងហោចណាស់​មនុស្ស ២ នាក់​បាន​ស្លាប់​យ៉ាង​អាណោចអាធ័ម​ក្នុង​ហេតុការណ៍​គ្រោះថ្នាក់​ចរាចរណ៍​មួយ​ដែល​បណ្តាលមកពី​រថយន្ដ​ធុន​ធំ​ដឹក​ដំឡូង​មី​បាន​បើក​បុក និង​កិន​គោយន្ដ​កែច្នៃ ។ ហេតុ​ការគ្រោះថ្នាក់​ដ៏​រន្ធត់​មួយ​នេះ​បាន​កើតឡើង​កាលពី​វេលា​ម៉ោង​៦​និង​៣០​នាទី​ព្រឹក ថ្ងៃទី​៩ ខែធ្នូ ឆ្នាំ​២០១៣ ស្ថិតក្នុង​ភូមិ​ថ្នល់ ឃុំ​តំបែរ ស្រុក​តំបែរ ខេត្តកំពង់ចាម​។​

 

​ជនរងគ្រោះ​ដែល​ស្លាប់​ក្នុង​ហេតុការណ៍​នោះ​មានឈ្មោះ ស៊ុយ សាន់ ភេទ​ប្រុស អាយុ​៣៣​ឆ្នាំ ជា កូនប្រសា និង​ម្នាក់ទៀត​ឈ្មោះ​កង ហ៊ា​ត អាយុ​៥៥​ឆ្នាំ ជា​ម្ដាយក្មេក ស្នាក់នៅ​ភូមិ​រំចេក ឃុំ​រំចេក ស្រុក​មេមត់ ។

 

​ប្រភពពី​កន្លែងកើតហេតុ​បាន​ឲ្យ​ដឹងថា  មុនពេល​កើតហេតុ​គេ​ឃើញ​គោយន្ដ​កែច្នៃ​ជិះ ២ នាក់​ម្ដាយក្មេក និង​កូនប្រសា ចេញពី​ភូមិឋាន​របស់គាត់​ឆ្ពោះទៅ​ខេត្ដ​ព្រៃវែង ដើម្បី​ដឹកស្រូវ លុះ​មកដល់​ចំណុចកើតហេតុ បុរស​ជា​កូនប្រសា បាន​បើក​ជែង​រថយន្ដ​ធុន​ធំ​ដឹក​ដំឡូង​មី​១​គ្រឿង​ដែល​បើក​នៅ​ពីមុខ​ខ្លួន​ក្នុងទិសដៅ​ស្រប​ទិស​គ្នា ។ គ្រាន់តែ​បើក​ជែង​ផុត​បន្ដិច ស្រាប់​តែមាន​រថយន្ដ​មួយគ្រឿង​ទៀត បើក​បញ្ច្រាសទិស​គ្នា ជនរងគ្រោះ​បាន​អែប មក​ខាងស្ដាំ​ដៃ​វិញ ខណៈនោះ​រថយន្ដ​ដឹក​ដំឡូង​មី ដែល​បើក​មកពី​ក្រោយ​ក្នុង ល្បឿន​យ៉ាង​លឿន ជាន់​ហ្វ្រាំង​មិនទាន់​ក៏ ជ្រុល​ទៅបុក និង​កិន​គោយន្ដ​ពីលើ​រួច ជ្រុល​ល្បឿន​ធ្លាក់​ស្នាមភ្លោះ​ផ្អៀង​មួយ ចំហៀង​ចាក់​ដំឡូង​មី​រាយ​ពេញ​ផ្លូវ ។ ហើយ​ភ្លាមៗ នោះ​អ្នកបើករថយន្ដ​បង្ក​បាន​រត់​គេចខ្លួនបាត់​តែម្ដង​។​

10-12-2013

​ជនរងគ្រោះ​ទាំង​២​នាក់ ត្រូវបាន សមត្ថកិច្ច​យក​អេស្កាវ៉ាទ័រ​កាយ​យក​ដំឡូង​មី​ចេញ និង​បង្ហើប​រថយន្ដ​ទាញ យក​សព​មក​ប្រគល់ឱ្យ​សាច់ញាតិ​យកទៅ​ធ្វើបុណ្យ ៕

 

Leave a Reply

(*) Required, Your email will not be published