ស្នូរ​កាំភ្លើង​កក្រើក​ទាំង​កណ្តាលយប់ ក្រោយពី​ប្លន់​ម៉ូតូ​បានសម្រេច ហើយ​បន្សល់​ជនរងគ្រោះ​ដេកស្លាប់​

, , Leave a comment

​រាជធានី​ភ្នំពេញ ៖ ស្នូរ​គ្រាប់កាំភ្លើង​បាន​លាន់ឮ​ទាំង​កណ្តាលរាត្រី ដែល​ស្តែង​ចេញពី​សកម្មភាព​រប​ស់​ក្រុមចោរ​ប្រដាប់អាវុធ ដោយ​បំពេញភារកិច្ច​បាន​ជោគជ័យ ដោយ​ប្លន់​ម៉ូតូ​របស់​តារា ចម្រៀង​ប្រចាំ​ផលិតកម្ម​រ៉ុ​ក ហើយ​បន្សល់​ជនរងគ្រោះ​ម្នាក់​ដេកស្លាប់​នៅនឹងកន្លែង​។ ហេតុការណ៍​ភ្ញាក់ផ្អើល​មួយ​នេះ​បាន​កើតឡើង​កាលពី​ជាង​១ យប់​រំលង​អា​ធ្រា​ត្រ ចូល​ថ្ងៃទី​៦ ខែធ្នូ ឆ្នាំ​២០១៣ នៅ​ចំណុច​នៅមុខ​ផ្ទះ​លេខ​១០៧ ផ្លូវ​លេខ​២៤៧ សង្កាត់​បឹង​សាឡាង ខណ្ឌទួលគោក រាជធានី​ភ្នំពេញ ។​

06-12-2013 (2)

​ជនរងគ្រោះ​ដែល​ត្រូវ​ក្រុមចោរប្លន់​នោះ​ជា​តារាចម្រៀង​ប្រចាំ​ផលិតកម្ម​រ៉ុ​កលោក ហឿន សុខ​លីម អាយុ​២៩​ឆ្នាំ ។ ចំណែក​ជនរងគ្រោះ​ដែល​ត្រូវ​ចោរ​បាញ់សម្លាប់​នោះ​ត្រូវបាន​គេ​ដឹក​ទៅ​វត្ត​ពោធិ៍ចិនតុង ។​

 

​តាម​ប្រភព​សមត្ថកិច្ច​បាន​ឲ្យ​ដឹងថា មុនពេល​កើត​ជនរងគ្រោះ​ជិះ​ម៉ូតូ​ម៉ាក FZ គ្មាន​ស្លាក​លេខ ព្រោះ​ទើបនឹង​ទិញ ពេល​ជនរងគ្រោះ បើក​ដល់​ចំណុចកើតហេតុ​ស្រាប់តែ​លេចមុខ​ជនសង្ស័យ ២​នាក់ មក​វាយ​ជនរងគ្រោះ​ហើយ​ប្លន់​យក​ម៉ូតូ ។ ចៃដន្យ​ជនរងគ្រោះ​ម្នាក់ទៀត បាន​ដើរ​លេច​ពី​កន្លែង​ងងឹត​ទាំង​មិន​ដឹងអី ក៏ត្រូវ​ក្រុមចោរ​ទាញ​កាំភ្លើង​បាញ់​សំដៅ​ជនរងគ្រោះ បណ្តាល​ឲ្យ​ស្លាប់​ភ្លាមៗ​នៅនឹងកន្លែង​តែម្តង ដោយ​ស្មានតែ​មក​តាម​ជួយ​ជនរងគ្រោះ​។​

06-12-2013 (1) 

​ក្រោយ​ហេតុការណ៍​សមត្ថកិច្ច​បា​ន​ចុះ​ទៅដល់​កន្លែង​កើត ជួយ​អន្តរាគមន៍ ដោយ​ឲ្យ​ជនរងគ្រោះ​ឈ្មោះ ហឿន សុខ​លីម ជា​ម្ចាស់​ម៉ូតូ FZ បាន​ទៅ​ដាក់ពាក្យ​បណ្តឹង​នៅ​ទីស្នាក់ការ​នគរបាល​ប៉ុស្តិ៍​រដ្ឋបាល​បឹង​សាឡាង ដើម្បី​សុំ​ឲ្យ​សមត្ថកិច្ច​ជួយ​ស្រាវជ្រាវ​តាម​ចាប់​ក្រុមចោរប្លន់​ ប្រដាប់អាវុធ​ខា​ង​លើ​នេះ​​យកមក​ផ្តន្ទាទោស​តាម​នីតិវិធី ។ ចំណែក​សាកសព​យុវជន​ដែល​ត្រូវ​ក្រុមចោរ​បាញ់​ស្លាប់​ត្រូវបាន​រថយន្ត​សាមុយ​ដឹក​ទៅ​តម្កល់​នៅ​វត្ត​ពោធិ៍ចិនតុង រង់ចាំ​ទំនាក់ទំនង​ទៅ​ក្រុមគ្រួសារ​ឲ្យ​មក​ទទួលយក​ទៅធ្វើ​បុណ្យ​តាម​ប្រពៃណី ៕

 

Leave a Reply

(*) Required, Your email will not be published