ស្លាប់ ២ នាក់ និង​របួសធ្ងន់​ម្នាក់​ដោយសារ​មិន​គោរព​ច្បាប់​ចរាចរណ៍​

, , Leave a comment

​ខេត្តកណ្តាល ៖ គ្រោះថ្នាក់​ចរាចរណ៍​មួយ​ទាំង​កណ្តាលយប់​បានសម្លាប់​បុរស ២ នាក់ និង​បុរស​ម្នាក់ទៀត​បាន​រងរបួស​ធ្ងន់ ខណៈដែល​កំពុងធ្វើដំណើ​រលើ​កំណាត់​ផ្លូវជាតិ​លេខ​២ ។ ហេ​តុ​ការ​ណ៍​​នេះ​បាន​កើតឡើង​កាលពី​វេ​ល​ម៉ោង ១១ និង​៣០​នាទី​យប់ ថ្ងៃទី​៤ ខែធ្នូ ឆ្នាំ​២០១៣ លើ​កំណាត់​ផ្លូវជាតិ​លេខ​២ ត្រង់ចំណុច​ខាងមុខផ្ទះ​លក់​គ្រឿងបន្លាស់​រថយន្ត ឋិត​ក្នុងភូមិ​ដើម​មៀន ស​ង្កា​ត់​​ដើម​មៀន ក្រុង​តាខ្មៅ ខេត្តកណ្តាល ។​

 

​ជនរងគ្រោះ​ដែល​ស្លាប់​មានឈ្មោះ មាស ស៊ីវ​ថេ​ង ភេទ​ប្រុស អាយុ​១៩​ឆ្នាំ មាន​ទីលំនៅ​ក្នុងភូមិ​ទួល​រកា សង្កាត់​ចាក់អង្រែលើ ខណ្ឌមានជ័យ រាជធានី​ភ្នំពេញ និង​ឈ្មោះ ខ្លី លី​ហៀ​ង ភេទ​ប្រុស អាយុ​៣៣​ឆ្នាំ មាន​ទីលំនៅ​ភូមិ​ទឹក​នឹម ឃុំ​ក​ណ្តោ​ក ស្រុក​កណ្តាលស្ទឹង ខេត្តកណ្តាល​។ រីឯ​ជនរងគ្រោះ​ដែល​របួសស្រាល​មានឈ្មោះ ស៊ិន ធា​រ៉ូ ភេទ​ប្រុស អាយុ​២០​ឆ្នាំ មាន​ទីលំនៅ​ក្នុងភូមិ​ទួល​រកា សង្កាត់​ចាក់អង្រែលើ ខណ្ឌមានជ័យ រាជធានី​ភ្នំពេញ​។​

 

​ប្រភពពី​សមត្ថកិច្ច​មូល​ដ្ឋា​ន​បាន​ឲ្យ​ដឹងថា មុនពេល​កើតហេតុ​គេ​ឃើញ​ម៉ូតូ​មួយគ្រឿង​ម៉ាក​ហុងដា​ស្គូ​ពី ពណ៌​សលាយ​ខៀវ ពាក់​ស្លា​លេខ​ភ្នំពេញ 1BC-5811 ជិះ​គ្នា​២​នាក់​ដោយ​ឈ្មោះ មាស ស៊ីវ​ថេ​ង ជា​អ្នកបើក​ដោយ​ឌុប​ឈ្មោះ ស៊ិន ធា​រ៉ូ  ក្នុងទិសដៅ​ពី​ជើង​ទៅ​ត្បូង (​ពី​ភ្នំពេញ​សំដៅ​មក​ក្រុង​តាខ្មៅ​) ក្នុង​ស​ល្បឿន​យ៉ាង​លឿន ។ លុះ​មកដល់​កន្លែងកើតហេតុ ស្រាប់​តែមាន​បុរស​ម្នាក់​ជិះ​ម៉ូតូ​មួយគ្រឿង​ម៉ាកវីវ៉ា​តាម​បណ្តោយ ផ្លូវជាតិ​លេខ​២​ក្នុងទិសដៅ​ពី​ត្បូង​ទៅ​ជើង​(​ទិសដៅ​ហាមឃាត់​) មក​បុក​ម៉ូតូ​ស្គូ​ពី​ចំ​ពីមុខ​ពេញ​មួយ​ទំហឹង បណ្តាល​ឲ្យ​ម៉ូតូ​ទាំង​២​គ្រឿង​ដួល​បោក​ទៅលើ​ផ្លូវជាតិ ធ្វើ​ឲ្យ​អ្នកបើកបរ​ម៉ូតូ​ស្គូ​ពី ស្លាប់​ភ្លាមៗ​នៅ​កន្លែងកើតហេតុ និង​អ្នករួមដំណើរ​ជាមួយ​រងរបួស​ធ្ងន់ ។ ចំណែកឯ​អ្នកបើកបរ​ម៉ូតូ​វីវ៉ា​បាន​រងរបួស​បែកក្បាល​យ៉ាងធ្ងន់ធ្ងរ ហើយ​បាន​ស្លាប់​នៅក្នុង​មន្ទីរពេទ្យ​រាជធានី​ភ្នំពេញ ។​

05-12-2013

​ក្រោយពេល​ហេតុការណ៍​សមត្ថកិច្ច​បា​ន​យក​ម៉ូតូ​ទាំង ២ ទៅ​រក្សាទុក​នៅ​អធិការដ្ឋាន ដើម្បី​រង់ចាំ​ដោះស្រាយ​តាម​នីតិវិធី​ជា​ក្រោយ ។ ចំណែកឯ​សព​ជនរងគ្រោះ​ត្រូវបាន​ប្រគល់​ទៅ​ក្រុមគ្រួសារ​មក​ទៅធ្វើ​បុណ្យ​តាម​ប្រពៃណី ៕

 

Leave a Reply

(*) Required, Your email will not be published