សម្លាប់​កូន​ខ្លួនឯង ខ្លាច​ជាប់គុក​សម្លាប់​ខ្លួនឯង ដើម្បី​បញ្ចប់រឿង​

, , Leave a comment

​រាជធានី​ភ្នំពេញ ៖ ហេតុការណ៍​ភ្ញាក់ផ្អើល​មួយ​ទាំង​កណ្តាល​អា​ធ្រា​ត្រ ខណៈដែល​ក្មេងប្រុស​ម្នាក់​បាន​ស្លាប់ និង​ក្មេងស្រី​ម្នាក់​បាន​រងរបួស​ធ្ងន់ ហើយ​ស្ត្រី​ម្នាក់​ស្លាប់​នៅនឹងកន្លែង ។ ហេ​តុ​កា​រ​ណ៍​​នេះ​បានកើត​ឡើង នៅវេលា​ម៉ោង​ប្រមាណ​១​យប់ រំលង​អា​ធ្រា​ត្រ ថ្ងៃទី​៥ ខែធ្នូ ឆ្នាំ​២០១៣ ស្ថិតនៅ ផ្ទះ​លេខ 76E0 ផ្លូវ​លេខ​២៤៤ ភូមិ​៣ សង្កាត់​ចតុមុខ ខណ្ឌដូនពេញ រាជធានី​ភ្នំពេញ​។​

05-12-2013 

​ស្ត្រី​ដែល​ចាក់​សម្លាប់​កូន និង​ខ្លួនឯង​នេះ​មានឈ្មោះ សុខ លី​តា អាយុ ៤១​ឆ្នាំ និង​ជា​ចៅសង្កាត់រង​ទី​២ នៃ​សង្កាត់​ចតុមុខ ។ ចំណែក​កូនប្រុស​ដែល​ស្លាប់​មានឈ្មោះ សេង អា​មី​សីល អាយុ ៥​ឆ្នាំ និង​កូនស្រី​ដែល រងរបួស​ធ្ងន់​មានឈ្មោះ សេង ប៊ុន​រ៉ាវី ត្រូវ​ដឹក​ទៅ​សង្គ្រោះ​នៅ​មន្ទីរពេទ្យ​កាល់ម៉ែត​។​

 

​តាម​សេចក្តីរាយការណ៍​របស់​សមត្ថកិច្ច​មូលដ្ឋាន​បាន​ឲ្យ​ដឹងថា នៅវេលា​ម៉ោង​ប្រមាណ ១​យប់​រំលង​អា​ធ្រា​ត្រ​ឈានចូល​ថ្ងៃទី​៥ ខែធ្នូ ឆ្នាំ ២០១៣ ស្ត្រី​ជា​ម្តាយ​បាន​និយាយ​ទូរស័ព្ទ​ជាមួយ​ប្តី​ដែល​នៅក្រៅ​ប្រទេស រួចហើយ​ទំនង​សុំ​លុយ​ប្តី​មិនបាន ក៏​កើតការ​ខឹងសម្បា បែកគំនិត​ចាក់​សម្លាប់​កូន​របស់ខ្លួន​។ ភ្លាមៗ​នោះ ជីដូន​ដែល​នៅ​ក្នុងផ្ទះ​ជាមួយគ្នា​បានដឹង​ទាន់ ក៏​ជួយ​ឃាត់​ហើយ​ដឹកបញ្ជូន​កូនស្រី​រងគ្រោះ​ទៅកាន់ មន្ទីរពេទ្យ​កាល់ម៉ែត​ទាំងយប់ ដោយ​ធ្វើដំណើរ​ទៅជា​មួយ​កូនស្រី​ម្នាក់ទៀត ហើយ​ចាក់សោរ​ផ្ទះ ដោយ​ទុក​ឲ្យ​ស្ត្រី ជា​ម្តាយ​នៅ​ជាមួយ​កូនប្រុស​រងគ្រោះ​។​

05-12-2013 (1)

​ប្រភព​ដដែល​បាន​បន្តទៀតថា នៅវេលា​ម៉ោង​ប្រមាណ ៦​ព្រឹក​ថ្ងៃទី​៥ ខែធ្នូ ឆ្នាំ​២០១៣ នៅពេល​សមត្ថកិច្ច  និង​សាច់ញាតិ បាន​បើក​ទ្វារផ្ទះ គេ​ឃើញ​ស្ត្រី​ជា​ម្តាយ និង​កូនប្រុស​ដេកស្លាប់​នៅក្នុង​ថ្លុកឈាម បាត់ទៅហើយ ពោល​ស្ត្រី​ជា​ម្តាយ​បាន​ចាក់​សម្លាប់​កូនប្រុស​ខ្លួនឯង រួច​ហើយក៏​ចាក់​សម្លាប់​ខ្លួនឯង តាម​ក្រោយ​តែម្តង​។​ ​ជុំវិញ​បញ្ហា​នៃ​ការស្លាប់​នេះ សមត្ថកិច្ច​កំពុង​សិក្សា​ស្រាវជ្រាវ​បន្ថែម ដើម្បី​រក​ពន្លឺ​នៃ​ប្រភព​រឿងរ៉ាវ​នេះ​៕

 

Leave a Reply

(*) Required, Your email will not be published