យុវជន​ម្នាក់​បាក់់ជើង ខណៈដែល​រថយន្ត​បង្ក​ជ្រុល​ទៅបុក​ទាំង​កំរោល​

, , Leave a comment

​រាជធានី​ភ្នំពេញ ៖ ហេតុការណ៍​ភ្ញាក់ផ្អើល​មួយ​ដែល​បង្កឡើង​ដោយ​ជនជាតិ​បរទេស​ម្នាក់​បាន​ទាស់​គ្នា​ជាមួយនឹង​ប្រពន្ធ​ហើយ​បាន​បើករថយន្ដ​ទាំង​កំហឹង​ជ្រុល​ចូល​ផ្ទះ​ប្រជាពលរដ្ឋ ដោយ​បុក​យុ​វ​ជន​ម្នាក់​រងរបួស​បាក់ជើង ហើយ​ត្រូវបាន​បញ្ជូន​ទៅកាន់​មន្ទីរពេទ្យ​ភ្លាមៗ ។ ហេតុការណ៍​នេះ​បាន​កើតឡើង​កាលពី​ថ្ងៃទី​៤ ខែធ្នូ ឆ្នាំ​២០១៣ នៅផ្ទះ​លេខ​២៩៥ ផ្លូវ​លេខ​៩៩ ក្រុម​១៦ សង្កត់​ទួល​សង្កែ ខណ្ឌឫស្សីកែវ​។​

05-12-2013 (1)

​ជនជាតិ​បរទេស​ដែល​បើករថយន្ដ​ចូល ផ្ទះ​ប្រជាពលរដ្ឋ ហើយ​បុក​យុវជន​ម្នាក់ បណ្ដាលឱ្យ​បាក់ជើង​មានឈ្មោះ MULLER PETER UWE អាយុ​៤៩​ឆ្នាំ ជា​ជនជាតិ​អាល្លឺម៉ង់ មានមុខរ​បរជា​ម្ចាស់​ភោជនីយដ្ឋាន​មួយ នៅ​ម្ដុំ​មាត់ទន្លេ ស្នាក់​នៅផ្ទះ​លេខ​៣២ ផ្លូវ​លេខ​១១៨ សង្កាត់​ផ្សារកណ្ដាល​ទី​១ ខណ្ឌដូនពេញ ជិះ​រថយន្ដ​ម៉ាក​មែរ​សឺ​ដេ​ស ពណ៌​ទឹកប្រាក់ ពាក់​ស្លាក​លេខ​ភ្នំពេញ​២​ភ​-០០៧១ ។ ចំណែក​យុវជន​ដែល​រងរបួស​ឈ្មោះ​ជា សុភា​រី អាយុ​២២​ឆ្នាំ ជា​សិស្ស​រៀន​ថ្នាក់​ទី​១២ ស្នាក់ នៅផ្ទះ​កើតហេតុ​ខាងលើ ។​

05-12-2013 (2)

​តាម​ប្រភពព័ត៌មាន​នៅ​កន្លែងកើតហេតុ​បានឱ្យដឹងថា មុនពេល​កើតហេតុ​គេ​បានឃើញ​បុរស​ជនជាតិ​អាល្លឺម៉ង់​រូបនេះ ជិះ​រថយន្ដ​ម៉ាក​មែរ​សឺ​ដេ​ស ធ្វើដំណើរ​លើ​បណ្ដោយ​ផ្លូវ​លេខ​៩៩ ដោយមាន​ប្រពន្ធ​ជា​ជនជាតិខ្មែរ​រួម​ដំណើរ​ផង​។ ពេល​កំពុងធ្វើដំណើរ​គេ​មិនដឹងថា បុរស​ជនជាតិ​អាល្លឺម៉ង និង​ស្ដ្រី​ជនជាតិ ខ្មែរ​នេះ​មានទំនាស់​អ្វី​នោះទេ បានប្រកែក និង​ធ្វើ​កាយវិការ​ដាក់គ្នា​ទៅវិញទៅមក​ក្នុង រថយន្ដ​នោះ ។ លុះ​មកដល់​កន្លែងកើតហេតុ ក៏បាន​ជ្រុល​ចង្កូត​ចូលទៅ​ផ្ទះ​ប្រជាពលរដ្ឋ ដែល​ស្ថិតនៅ​ផ្លូវ​លេខ​៩៩ បណ្ដាលឱ្យ​យុវជន ម្នាក់​កំពុង​លេង ជា​កូន​ម្ចាស់ផ្ទះ​រងរបួស​បាក់ជើង ។​

  05-12-2013 (3)

​ក្រោយពេល​កើតហេតុ​សមត្ថកិច្ច​មូល​ដ្ឋា​ន​បាន​បាន​យក​រថយន្ដ​បង្ក​ទៅ​រក្សាទុក នៅ​អធិការដ្ឋាន ដើម្បី​រង់ចាំ​ធ្វើការ​ដោះស្រាយ​ជា​ក្រោយ ៕

 

Leave a Reply

(*) Required, Your email will not be published