កាំភ្លើង​ជា​ឧបករណ៍​រកលុយ​យ៉ាង​ងាយស្រួល​សម្រាប់​ក្រុម​ជនល្មើស​

, , Leave a comment

​រាជធានី​ភ្នំពេញ ៖ កាំភ្លើង​បានក្លាយ​ជា​ឧបករណ៍​រកប្រាក់​មួយ​ដែល ក្រុម​ជនល្មើស​ប្រើប្រាស់​សម្រាប់​បំពេញភារកិច្ច​របស់​ពួកគេ ជាក់ស្តែង​កាលពី​វេលា​ម៉ោង ៣ និង ៣០ នាទី​រសៀល​ថ្ងៃទី​៣ ខែ​ធ្នូ ឆ្នាំ​២០១៣ មាន​ជនសង្ស័យ ២ នាក់​បានធ្វើ​សកម្មភាព​ផ្ជ​ង់​ប្លន់​នារី​ម្នាក់ ខណៈដែល​រូបនាង​កំពុង​ជិះ​ម៉ូតូ​ទៅយក​ប្តី​ចេញពី​ធ្វើការ ហើយក៏​ត្រូវ​ក្រុមចោរ​ធ្វើ​សកម្មភាព​ប្លន់​ត្រង់ចំណុច​នៅ​ផ្លូវលំ ភូមិ​ត្រពាំង​ឈូក សង្កាត់​ទឹកថ្លា ខណ្ឌ​សែន​សុខ ។

 

​ជ​រងគ្រោះ​ដែល​ត្រូវ​ក្រុមចោរ​ផ្ជ​ង់​ប្លន់​មានឈ្មោះ ហៀក សា​រ៉ា​មី ភេទ​ស្រី អាយុ ២៨ ឆ្នាំ ជា​បុគ្គលិក​កាស៊ីណូ​ណាហ្គា មាន​ទីលំនៅ​ក្បែរ​កន្លែង​កើតហេតុ​ខាងលើ ។​

 

​តាម​ការរៀបរាប់​ស្ត្រី​រងគ្រោះ​បាន​ប្រាប់​សមត្ថកិច្ច​ឲ្យ​ដឹងថា មុនពេល​កើតហេតុ​រូបគាត់​បាន​ជិះ​ម៉ូតូ​ម៉ាក​ឃ្លី​ក ពណ៌​ទឹកមាស​លាយ​ខ្មៅ ពាក់​ស្លាក​លេខ​ភ្នំពេញ 1BI-7618 ចេញពីផ្ទះ​ដើម្បី​ទៅ​ទទួល​ប្តី​ចេញពី​ធ្វើការ ។ លុះ​ធ្វើដំណើរ​មកដល់​ផ្លូវលំ​ត្រង់ចំណុច​កើតហេតុ​ស្រាប់​តែមាន​ជនសង្ស័យ ២​នាក់​ជិះ​ម៉ូតូ​ហ្វី​ណូ មិន​ចាំ​ស្លាក​លេខ​មួយគ្រឿង​ស្ទាក់​ពីមុខ ហើយ​ពេលនោះ​ជន​ម្នាក់​ក្នុងចំណោម​២​នាក់​បាន​ចុះ​ពីលើ​ម៉ូតូ រួច​ដក​កាំភ្លើងខ្លី​មិន​ស្គាល់​ម៉ាក​ពី​ចង្កេះ​មក​ភ្ជង់ ដើម្បី​រក្សា​ជីវិត​រូបនាង​ក៏បាន​ប្រគល់​ម៉ូតូ​ជនសង្ស័យ​ទាំងនោះ ។​

04-de-2013

​បន្ទាប់ពី​ក្រុមចោរ​ផ្ជ​ង់​ប្លន់​បាន​ម៉ូតូ និង​សម្ភារៈ​មួយចំនួន​រួមមាន ទូរស័ព្ទ​ស៊េរី​ទំនើប​ម៉ាក​សាំ​សុង​ចំនួន​២​គ្រឿង និង​ប្រា​ក់ជាង​១០០​ដុល្លារ ដែល​ជនរងគ្រោះ​ដាក់​លុយ និង​ទូរស័ព្ទ​នៅក្រោម​កែបម៉ូតូ ហើយ​គេចខ្លួន​ដោយ​សុវត្ថិភាព ទើប​ជនរងគ្រោះ​ស្រែក​ឆោឡោ រួច​បាន​ទៅ​ដាក់ ពាក្យបណ្តឹង​នៅ​ប៉ុស្តិ៍នគរបាល​ទឹកថ្លា ដើម្បី​ស្វែងរក​ជនសង្ស័យ​ចាប់​មក​ផ្តន្ទាទោស​តាមច្បាប់ ៕

 

Leave a Reply

(*) Required, Your email will not be published