យំ​ស្ទើរ​បោក​ខ្លួន​ពេលដែល​ស្វែងរក​ឪពុក ដល់ពេល​ជួប​ត្រឹម​សាកសព

, , Leave a comment

​ខេត្តបាត់ដំបង ៖ បុរស​ម្នាក់​ធ្វើដំណើរ​ពី​ស្រុក​មោង​ឬ​ស្សី មកលេង​កូន​នៅ​ភូមិ​ស្លា​កែ​ត សង្កាត់​ស្លា​កែ​ត ក្រុង​បាត់ដំបង ប៉ុន្តែ​បាន​បាត់​ខ្លួន​គ្មាន​ដំណឹង​សោះ ហើយ​កូនៗ​និង​សាច់ញាតិ បាន​ដើរ​ក​គ្រប់​ទីកន្លែង និង​បានផ្តល់​រូបថត​ទុក​ឲ្យ​ប្រជាពលរដ្ឋ​មើល និង​ប្រកាស​ស្វែងរក​ឪពុក តាម​វិទ្យុ​កាសែត​ជិត ១​ខែ មកហើយ ស្រាប់តែ​ត្រូវ​អ្នកស្រុក​ប្រទះឃើញ ដេក​ផ្កាប់មុខ​ស្លាប់​ក្បែរ​ភ្លឺស្រែ កាលពី​ម៉ោង ១៧​និង​៣០ នាទី​ល្ងាច​ថ្ងៃទី​៣០ ខែវិច្ឆិកា ឆ្នាំ​២០១៣ នៅ​ចំណុច​ព្រំប្រទល់ ភូមិ​ឃុំ​ពាម​ឯក ស្រុក​ឯក​ភ្នំ និង​ក្រុង​បាត់ដំបង ហើយ​សព​មាន សភាព​ស្អុយរលួយ ត្រូវបាន​សែង​យកមក ធ្វើបុណ្យ​តាម​ប្រពៃណី​។​

 

​ជនរងគ្រោះ​មានឈ្មោះ អ៊ុន ម៉ៅ អាយុ ៥០​ឆ្នាំមាន​ទីលំនៅ ក្នុងភូមិ​ចក ឃុំ​កកោះ ស្រុក​មោង​ឬ​ស្សី ខេត្តបាត់ដំបង​។ សព​ដេក​ផ្កាប់មុខ មាន​ស្បែកជើងផ្ទាត់ នៅ​ជាប់ដៃ​សង្ខាង ពាក់​អាវយឺត​បង្កង់​ពណ៌​ស​ក្រហម ស្លៀកខោ​ខ្លី​ពណ៌​ទឹកប៊ិច មាន​ក្លិនស្អុយ រលួយ​ដល់​ឆ្អឹង​ក្បាល​។ ក្រោយពី​ពិនិត្យ​សាកសព មិន​ស្គាល់​សាវតា​។ សាក្សី​នៅ​កន្លែងកើតហេតុ​ឈ្មោះ សុខ គឹមស៊ាន ភេទ​ស្រី អាយុ ៣០​ឆ្នាំ​រស់នៅ​ភូមិ​សួរ​អី បាន​ឲ្យ​ដឹងថា បុរសរងគ្រោះ​កាលពី អំឡុង​ថ្ងៃទី ១០ ខែវិច្ឆិកា កូន​របស់​សព រស់នៅ​ភូមិ​ក្តុល បាន​ដើររក​ឪពុក​ពេញ​មួយ​ស្រុក​ឯក​ភ្នំ ដោយ​ទុក​រូបថត​ឲ្យ​ប្រជាពលរដ្ឋ ជួយ​រក​និង​ផ្តល់ដំណឹង ហើយក៏​មានការ​ប្រកាស តាម​វិទ្យុ​និង​កាសែត តែ​មិនឃើញ​។​

04-de-2013

​នៅពេល​ប្រជាពលរដ្ឋ ប្រទះឃើញ​សព​នេះ មាន​ខោអាវ​ដូច​ក្នុង​រូបថត ទើប​ទៅ​ហៅ​កូន​ឲ្យ​មក មើល​ទើប​ដឹងថា ជា​ឪពុក​របស់​ពួកគេ ដែល​កំពុង​តាមរក​។ ឈ្មោះ ផេង ខ្នូ​ន ភេទ​ប្រុស អាយុ ២៥​ឆ្នាំ ជា​កូនប្រុស​របស់​ជនរងគ្រោះ រស់នៅ​ភូមិ​ក្តុល បាន​ឲ្យ​ដឹងថា ឪពុក​បានមក​លេងខ្លួន តាំងពី​ថ្ងៃទី​១០ ខែវិច្ឆិកា បាន​មួយ​យប់ ក៏​បាត់​គាត់​រហូត ទោះជា​ខំ​ដើររក​គាត់ ពី​ភូមិ​មួយ​ទៅ​ភូមិ​មួយ ក៏​មិនឃើញ​។ នគរបាល​ស្រុក​ឯក​ភ្នំ បាន​ឲ្យ​ដឹងថា បុរស​ដែល​ស្លាប់ ដោយសារ​ស្រវឹង​ដើរ​រអិល​ជើង ដួល​តាម​ភ្លឺស្រែ​មិនមែនជា ករណី​ឃាតកម្ម​អ្វី​នោះទេ ព្រោះ​មិនមាន​ស្លាកស្នាម នៅលើ​សព​ទេ​៕

 

Leave a Reply

(*) Required, Your email will not be published