​លោ​ក អ៊ុត ​សុភា​ព​ ​ប្រ​ធា​ន​កាំ​កុ​ង​ត្រូ​ល​ក្រុង​ប៉ោ​យ​ប៉ែត​បើ​កភ្លើងឲ្យ​លោក​ ស៊ា​ន ​ស៊ីណា​​ត ដា​ក់កុង​ត្រូល​ជ​ជុះ​រាប់ក្បា​លរ​ទេះ​យ​កលុ​យ​​ផ្គើ​ន​​ទៅ​​នឹង​ប​ទ​​ប​ញ្ជា​ថ្នា​ក់​លើ​

, , Leave a comment

​ក្រុង​ប៉ោយប៉ែត ៖ សេចក្តីរាយការណ៍​ប៉ោយប៉ែត​បាន​ឲ្យ​ ដឹងថា លោក អ៊ុត សុភាព ប្រធាន​ស្នាក់ការ​កាំកុងត្រូល ប្រចាំ​ក្រុង​ប៉ោយប៉ែត បាន​បើកភ្លើង​ខៀវ​ឲ្យ​លោក ស៊ាន ស៊ី​ណាត មាន​តួនាទី​ជា​ អនុប្រធាន​ស្នាក់ការ​កាំកុងត្រូល​ប្រចាំ​ច្រក​អន្តរជាតិ​ប៉ោយប៉ែត សហការ​ជាមួយ​មន្ត្រី​ជំនិត​ចំនួន​២​នាក់​ទៀត គឺ​ទី​១-​ឈ្មោះ ខៀវ ពេជ្រ​តារា​វ​ឌ្ឍ​នា និង​ទី​២- ឈ្មោះ ស៊ាន តារា ឲ្យ​ប្រមូល​លុយ​ក​ក្រៅច្បាប់ ហើយក៏​បាន​ជួល​ជន​ស៊ីវិល​ចំនួន​២​នាក់​ផ្សេងទៀត ឈរ​ចាំ​គាប​ជំរិត​កោសរូស​ទារលុយ​ពី​កម្មករ​អូស​រទេះដឹក​ជញ្ជូន​ទំនិញ​ប្រចាំ ​ច្រកទ្វារ​អន្តរជាតិ​ប៉ោយប៉ែត ដោយ​គ្មាន​ការយោគយល់ និង​លើកលែង​ឡើយ​។ ជា​រៀងរាល់ថ្ងៃ​គេ​ឃើញ លោក ស៊ាន ស៊ី​ណាត ដែលជា​មន្ត្រី​មាន​ជំនាញ និង​បទពិសោធន៍​ច្បាស់លាស់​ក្នុងការ​ចាត់តាំង​មន្ត្រី​ជំនិតៗ​របស់គាត់​ឲ្យ​ ចុះ​ដាក់​ប៉ុស្តិ៍​ជជុះ តាំងពី​ចំណុច​ប្រាសាទ​កំពូល​៣ រហូតដល់​រង្វង់​មូល​ប៉ោយប៉ែត ដើម្បី​រាប់​ក្បាលរទេះ​ដឹកជញ្ជូន​ទំនិញ​ឲ្យ​បង់លុយ​១​រទេះ ៥០​បាត​សម្រាប់​រទេះ​តូចៗ រីឯ​ប្រ​ភេ​រទេះ​ធំ​តម្លៃ​ផ្សេង ហើយ​ក្នុង​មួយថ្ងៃៗ​មាន​រទេះ​ដឹកទំនិញ​រាប់រយ​រទេះ​។​ ​

23

ក្រុម​ឈ្មួញ​ជាច្រើន ដែលមាន​អាជីព​រកស៊ី​ដឹកជញ្ជូន​ទំនិញ​ខុសច្បាប់​និង​ទំនិញគេចពន្ធ​បាន​ឃុបឃិត ​ជាមួយ​មន្ត្រី​ជំនាញ ដូចជា​ឈ្មោះ ថោង ឡេង ឈ្មោះ ជីវ ឈ្មោះ ចែ​មុំ ឈ្មោះ ចែ​ស្រី និង​យាយ ហ៊​យ គឺ​មេ​ឈ្មួញ​ទាំង​៥​នាក់​នេះ បានផ្តល់​ផលប្រយោជន៍​ជូន​លោក ស៊ាន ស៊ី​ណាត ជាប្រចាំ​ថ្ងៃ ដើម្បី​កុំ​ឲ្យ​ជំនាញ​កាំកុងត្រូល​ឆែកឆេរ​ត្រួតពិនិត្យ​រទេះដឹក​ជញ្ជូន​ ទំនិញ​របស់​ពួកគេ​។ ដូចដែល​កម្មករ​មួយចំនួន​បាន​បង្ហើប​ឲ្យ​ដឹងថា ក្រុម​ឈ្មួញ​ធំៗ​ទាំង​៥​នាក់​នេះ គឺជា​កំពូល​អ្នករកស៊ី​នាំចូល​ទំនិញ​ខុសច្បាប់ និង​ទំនិញគេចពន្ធ តាម​ច្រក​អន្តរជាតិ​ប៉ោយប៉ែត ក៏ដូចជា​តាម​ច្រករបៀង ហើយ​សម្រាប់​រទេះដឹក​ទំនិញ​របស់​ឈ្មួញ​ទាំង​៥​នាក់​នេះ គេ​បាន​សរសេរ​ឈ្មោះ​លើ​កូន​ក្រដាស​តូចៗ​ទំហំ ២​ធ្នាប់​ដៃ ដើម្បី​ឲ្យ​កម្មករ​អូស​រទេះ​បង្ហាញ​ទៅ​ជំនាញ​កាំកុងត្រូល ហើយ​ពួកគេ​ក៏បាន​កត់ត្រា​ចំនួន​រទេះ​ជាប់​ជាប្រចាំ ដើម្បី​យក​តួលេខ​នៃ​រទេះដឹក​ទំនិញ​យកទៅ​ផ្ទៀងផ្ទាត់​បើក​លុយ​ពី​ក្រុម​ឈ្មួញ ​។​ ​

33

ចំណែក​លោក លោក អ៊ុត សុភាព វិញ មាន​តួនាទី​ជា​ប្រធាន​ស្នាក់ការ​កាំកុងត្រូល ប្រចាំ​ក្រុង​ប៉ោយប៉ែត ប៉ុន្តែ​គាត់​មិនសូវ​ខ្វល់ខ្វាយ​ពី​ការងារ​ជំនាញ​នោះទេ ព្រោះ​គាត់ បានប្រគល់​ភារកិច្ច​តួនាទី​ប្រមូល​លុយ​តាម​គ្រប់​ច្រកល្ហក ឲ្យ​ទៅ​លោក ស៊ាន ស៊ី​ណាត ក្តោប​ក្តាប់ ហើយ​ក្នុង​មួយថ្ងៃៗ​គេ​សង្កេតឃើញ​លោក អ៊ុត សុភាព ធ្វើដំណើរ​ចូលទៅ​បរិវេណ​កាស៊ីណូ នៅក្នុង​ក្រុង​ប៉ោយប៉ែត ដែល​គេ​មិន​ច្បាស់​ទេ​ថា តើ​គា​ត់ទៅ​ទីនោះ​ដើម្បី​ណាត់ជួប​ភ្ញៀវ ឬ​យ៉ាងណា​នោះទេ​។ អំពើពុករលួយ​របស់​ជំនាញ​កាំកុងត្រូល​ប្រចាំ​ច្រក​អន្តរជាតិ​ប៉ោយប៉ែត គេ​មើលឃើញ​ជា​ចំហ ហើយដោយ​សារ​គឹ​ត​តែ​ពី​ប្រមូល​លុយ​បង់ថ្លៃ​ក្បាល​ឡាន ឬ​ក្បាលរទេះ​នោះ ជំនាញ​កាំកុងត្រូល លែង​សូវ​រវល់​ការត្រួតពិនិត្យ​ការដឹកជញ្ជូន​ទំនិញ​ម្តងណា​ឡើយ នាំ​ឲ្យ​ទំនិញ​ខុសច្បាប់ ទំនិញ​ខូចគុណភាព​មាន​ជាតិ​ថ្នាំ​គីមី ហូរ​ចូល​ប្រទេស​កម្ពុជា​ដោយ​សេរី​។​ ​

43

ប្រធាន​កាំកុងត្រូល​ប្រចាំ​ច្រក​អន្តរជាតិ​ប៉ោយប៉ែត គឺ​លោក អ៊ុត សុភាព ត្រូវបាន​ប្រជាពលរដ្ឋ​ជាពិសេស​អ្នករកស៊ី​តូចតាច​រិះគន់​ថា បានធ្វើ​ស្រែ​លើ​ខ្នង​ពួកគាត់​គ្មាន​មេត្តា ជា​ជន​ពុករលួយ​ដ៏​ចេញមុខ ឃុបឃិត​ឲ្យ​មន្ត្រី​ជំនិតៗ​របស់ខ្លួន​ចេញ​ប្រមូល​លុយ​យ៉ាង​អានាធិបតេយ្យ ពី​គ្រប់​ច្រកល្ហក​ដើម្បី​យកទៅ​ចែកគ្នា​ច្រក​ហោប៉ៅ​រៀងខ្លួន​ធ្វើ​មាន​ ធ្វើបាន ដោយ​មិនដែល​ក្រែង​ញញើត​ចំពោះ​វិធានការ​រឹតបន្តឹង​របស់​អង្គភាព​ប្រឆាំង​ អំពើពុករលួយ ដែល​បានកំណត់​យក​ខេត្តបន្ទាយមានជ័យ​ជា​គំរូ​ល្អ​មុនគេ ក្នុងការ​លុបបំបាត់​អំពើពុករលួយ​។ ហើយ​ថ្មីៗ​នេះ​ប្រជាពលរដ្ឋ​អ្នកក្រុង​ប៉ោយប៉ែត កាលពី​ថ្ងៃទី​១២ ខែមិថុនា នេះ ដែលជា​អាជីវករ​ដឹកជញ្ជូន​ទំនិញ​ដោយ​រទេះ​ពី​ផ្សារ​ថៃ និង​ក្រុម​អ្នករត់​ម៉ូតូ​កង់​៣ បានធ្វើ​បាតុកម្ម​ទាម ទារ​ឲ្យ​សមត្ថកិច្ច​ដែល​គ្មាន​ភារកិច្ច​ត្រូវ​ប្រមូល​លុយ​សុំ​ឲ្យ​បញ្ឈប់​ យកលុយ​ពី​ពួកគាត់​ដូចជា​អង្គភាព កាំកុងត្រូល​នេះ​តែម្តង​៕

 

Leave a Reply

(*) Required, Your email will not be published